ជាតិ
ធាតុរបស់លោក គង្គ ប៊ុនឈឿន នឹងត្រូវតម្កល់នៅក្នុងអាស្រមនៅក្នុងខេត្តកំពង់ស្ពឺ លោក គង្គ ប៊ុនឈឿន និងកូនស្រី ប៊ុនឈឿន សូរីដា
× ក្រោយពីការបញ្ចប់ពិធីបុណ្យសពនៅក្នុងប្រទេសន័រវេហើយនោះ ធាតុរបស់លោកកវីម្ចាស់ស្ទឹងសង្កែ នឹងត្រូវកូនចៅនាំមករក្សាទុកនៅក្នុងប្រទេសកម្ពុជា។ កូនចៅរបស់លោក គង្គ ប៊ុនឈឿន កំពុងកសាងអាស្រម ឬមណ្ឌលមួយនៅក្នុងវត្តត្រពាំងគិន នៃស្រុកសំរោងទង ខេត្តកំពង់ស្ពឺ ដើម្បីឧទ្ទិសដល់លោក គង្គ ប៊ុនឈឿន។
លោក មុត ថារី ដែលជាកូនប្រសាររបស់លោក គង្គ ប៊ុនឈឿន បានបញ្ជាក់ប្រាប់សារព័ត៌មានថ្មីៗយ៉ាងដូច្នេះថា៖«ភរិយាខ្ញុំ ដែលជាកូនស្រីរបស់គាត់ចង់ទៅន័រវេដើម្បីចូលរួមក្នុងពិធីបុណ្យសព ប៉ុន្តែគាត់មានជំងឺដែរ ខ្ញុំឃាត់គាត់មិនឲ្យទៅ។ គាត់ទើបតែត្រឡប់មកពីន័រវេដែរ។ យើងនៅរង់ចាំទទួលធាតុគាត់វិញ ក្រោយការរៀបចំកិច្ចការបុណ្យចប់។ យើងនឹងទុកធាតុគាត់នៅក្នុងអាស្រម គង្គ ប៊ុនឈឿន នៅក្នុងវត្តត្រពាំងគិន ក្នុងស្រុកសំរោងទង ខេត្តកំពង់ស្ពឺ ដែលត្រូវបានកសាងច្រើនខែមកហើយ»។
Tag:
គង្គ ប៊ុនឈឿន
ន័រវេ
កំពង់ស្ពឺ
© រក្សាសិទ្ធិដោយ thmeythmey.com