ជាតិ
×![]()
សៀមរាប៖ ក្លឹបអ្នកជិះកង់ដើម្បីសហគមន៍ ហៅកាត់ថាCCC បានផ្តួចផ្តើមបង្កើតកម្មវិធីជិះកង់ប្រចាំឆ្នាំ រកមូលនិធិជួយមន្ទីរពេទ្យគន្ធបុប្ផា។ នេះជាឆ្នាំទី៣ហើយ ដែលCCC បានកៀងគោក្រុមយុវជន រួមគ្នាជិះកង់ដើម្បីការងារសប្បុរសធម៌ នៅទីក្រុងសៀមរាប។
មានមនុស្សប្រមាណជាង៥០០នាក់ បានចូលរួមព្រឹត្តិការណ៍ជិះកង់ រកមូលនិធិជួយដល់មន្ទីរពេទ្យគន្ធបុប្ផា នៅព្រឹកថ្ងៃទី៨ ឧសភានេះ។ កម្មវិធីជិះកង់ជាទ្រង់ទ្រាយធំ បានរៀបចំឡើងដោយក្រុមយុវជន ដែលចូលចិត្តជិះកង់ CCC ដែលកន្លងទៅ ក្រុមនេះបានធ្វើសកម្មភាពជួយសង្គមជាច្រើន មានចុះទៅសង់ផ្ទះដល់ជនក្រីក្រនៅលើភ្នំគូលេន ចែកកង់ដល់សិស្សក្រីក្រ និងនាំមនុស្សចាស់ដែលរស់នៅក្បែរអង្គរវត្ត មកបានស្គាល់អង្គរវត្តជាលើកដំបូង។ល។
ប្រធានក្រុមអ្នកជិះកង់ដើម្បីសហគមន៍ ហៅកាត់CCC លោក គិម ប៊ុនថាន់ បានឲ្យដឹងថា នេះជាឆ្នាំទី៣ហើយ ដែលក្រុមរបស់លោករៀបចំកម្មវិធីមនុស្សធម៌ រកមូលនិធិជួយពេទ្យគន្ធបុប្ផា។ លោកពន្យល់ថា ដោយសារឃើញពីទុកលំបាក ក៏ដូចជាបុព្វហេតុ ដែលមន្ទីរពេទ្យគន្ធបុប្ផាបានជួយសង្គ្រោះដល់កុមារក្រីក្រកម្ពុជារាប់លាននាក់នាពេលកន្លងមក ទើបក្រុមរបស់លោក ចង់មានចំណែកខ្លះ ជួយជីវិតកុមារកម្ពុជា។
តាមការបញ្ជាក់របស់លោក ប៊ុនថាន់ នៅឆ្នាំទីមួយ តាមរយៈការជិះកង់របស់ក្រុមរបស់លោក រកថវិកាបានចំនួន ២៥៤៧ ដុល្លារ ឆ្នាំទីពីរ បាន ៧០៩៧ដុល្លារ និងឆ្នាំទីបីនេះ មានជាង ១៥០០០ដុល្លារ ដើម្បីជួយកុមារក្នុងមន្ទីរពេទ្យគន្ធបុប្ផា គឺកើនឡើងខ្ទង់បីដង។ លោក ប៊ុនថាន់ សប្បាយចិត្ត នៅពេលដែលមានសន្ទុះយុវជនកាន់តែច្រើន បានចូលរួមកម្មវិធីជិះកង់នេះ។
លោក ឡាវ វ៉ាន់ តំណាងក្រុមហ៊ុនទឹកបរិសុទ្ធ វីតាល់ ដែលជាអ្នកឧបត្ថម្ភធំជាងគេក្នុងព្រឹត្តិការណ៍ជិះកង់នេះ បាននិយាយថា នេះជាលើកទី២ហើយ ដែលក្រុមហ៊ុនលោកបានចូលរួម។ លោក វ៉ាន់ បន្ថែមថា ការចូលរួមនេះ គឺដើម្បីជាចំណែកមួយ ក្នុងការជួយដល់មន្ទីរពេទ្យគន្ធបុប្ផា ក៏ដូចជាជួយជីវិតកុមារកម្ពុជាផង។ លោក វ៉ាន់ បានស្នើឲ្យបណ្តាក្រុមហ៊ុនដទៃទៀត គួរចូលរួមក្នុងកម្មវិធីមនុស្សធម៌នានា ដើម្បីបុព្វហេតុការងារមនុស្សធម៌៕
មានមនុស្សប្រមាណជាង៥០០នាក់ បានចូលរួមព្រឹត្តិការណ៍ជិះកង់ រកមូលនិធិជួយដល់មន្ទីរពេទ្យគន្ធបុប្ផា នៅព្រឹកថ្ងៃទី៨ ឧសភានេះ។ កម្មវិធីជិះកង់ជាទ្រង់ទ្រាយធំ បានរៀបចំឡើងដោយក្រុមយុវជន ដែលចូលចិត្តជិះកង់ CCC ដែលកន្លងទៅ ក្រុមនេះបានធ្វើសកម្មភាពជួយសង្គមជាច្រើន មានចុះទៅសង់ផ្ទះដល់ជនក្រីក្រនៅលើភ្នំគូលេន ចែកកង់ដល់សិស្សក្រីក្រ និងនាំមនុស្សចាស់ដែលរស់នៅក្បែរអង្គរវត្ត មកបានស្គាល់អង្គរវត្តជាលើកដំបូង។ល។
ប្រធានក្រុមអ្នកជិះកង់ដើម្បីសហគមន៍ ហៅកាត់CCC លោក គិម ប៊ុនថាន់ បានឲ្យដឹងថា នេះជាឆ្នាំទី៣ហើយ ដែលក្រុមរបស់លោករៀបចំកម្មវិធីមនុស្សធម៌ រកមូលនិធិជួយពេទ្យគន្ធបុប្ផា។ លោកពន្យល់ថា ដោយសារឃើញពីទុកលំបាក ក៏ដូចជាបុព្វហេតុ ដែលមន្ទីរពេទ្យគន្ធបុប្ផាបានជួយសង្គ្រោះដល់កុមារក្រីក្រកម្ពុជារាប់លាននាក់នាពេលកន្លងមក ទើបក្រុមរបស់លោក ចង់មានចំណែកខ្លះ ជួយជីវិតកុមារកម្ពុជា។
តាមការបញ្ជាក់របស់លោក ប៊ុនថាន់ នៅឆ្នាំទីមួយ តាមរយៈការជិះកង់របស់ក្រុមរបស់លោក រកថវិកាបានចំនួន ២៥៤៧ ដុល្លារ ឆ្នាំទីពីរ បាន ៧០៩៧ដុល្លារ និងឆ្នាំទីបីនេះ មានជាង ១៥០០០ដុល្លារ ដើម្បីជួយកុមារក្នុងមន្ទីរពេទ្យគន្ធបុប្ផា គឺកើនឡើងខ្ទង់បីដង។ លោក ប៊ុនថាន់ សប្បាយចិត្ត នៅពេលដែលមានសន្ទុះយុវជនកាន់តែច្រើន បានចូលរួមកម្មវិធីជិះកង់នេះ។
លោក ឡាវ វ៉ាន់ តំណាងក្រុមហ៊ុនទឹកបរិសុទ្ធ វីតាល់ ដែលជាអ្នកឧបត្ថម្ភធំជាងគេក្នុងព្រឹត្តិការណ៍ជិះកង់នេះ បាននិយាយថា នេះជាលើកទី២ហើយ ដែលក្រុមហ៊ុនលោកបានចូលរួម។ លោក វ៉ាន់ បន្ថែមថា ការចូលរួមនេះ គឺដើម្បីជាចំណែកមួយ ក្នុងការជួយដល់មន្ទីរពេទ្យគន្ធបុប្ផា ក៏ដូចជាជួយជីវិតកុមារកម្ពុជាផង។ លោក វ៉ាន់ បានស្នើឲ្យបណ្តាក្រុមហ៊ុនដទៃទៀត គួរចូលរួមក្នុងកម្មវិធីមនុស្សធម៌នានា ដើម្បីបុព្វហេតុការងារមនុស្សធម៌៕
Tag:
ជិះកង់
CCC
© រក្សាសិទ្ធិដោយ thmeythmey.com
