ជាតិ
នយោបាយជាតិ
×![]()
ដោយ: ម៉ៅ សុផា
ភ្នំពេញ៖ រដ្ឋសភា នឹងបន្តសម័យប្រជុំលើកទី៦ នីតិកាលទី៥ នៅព្រឹកថ្ងៃទី៣០ ខែឧសភា ឆ្នាំ២០១៦ ។ ករណីរបស់ឯកឧត្តម កឹម សុខា អាចនឹងស្ថិតក្នុងរបៀបវារៈនៃកិច្ចប្រជុំរបស់រដ្ឋសភា។ 
ក្នុងកិច្ចប្រជុំថ្ងៃស្អែក រដ្ឋសភា អាចនឹងពិភាក្សាពីការដកអភ័យឯកសិទ្ធិរបស់ឯកឧត្តម កឹម សុខា បន្ទាប់ពីអនុប្រធានបក្សប្រឆាំងរូបនេះ ត្រូវបានចោទពីបទ «ការបដិសេធក្នុងការចូលខ្លួន» ដែលតុលាការរាជធានីភ្នំពេញ ចាត់ទុកថាជាបទល្មើសជាក់ស្តែង។
អ្នកនាំពាក្យរដ្ឋសភាពីគណបក្សប្រជាជនកម្ពុជា លោក ឈាន វុន អះអាងថា រដ្ឋសភា មិនអាចការពារតំណាងរាស្ត្រណាម្នាក់ ដែលរំលងច្បាប់ ឡើយ។ លោកបន្ថែមទៀតថា តែផ្ទុយទៅវិញ ប្រសិនបើតំណាងរាស្ត្រ មិនបានប្រព្រឹត្តខុសច្បាប់ នោះតុលាការនឹងការពារដោយខ្លួនឯង ដោយមិនចាំបាច់រដ្ឋសភាចេញមុខទេ។
ថ្លែងប្រាប់សារព័ត៌មានថ្មីៗ លោក ឈាន វុន មិនទាន់ហ៊ានអះអាងថា រដ្ឋសភា នឹងដកអភ័យឯកសិទ្ធិរបស់ឯកឧត្តម កឹម សុខា ឬយ៉ាងណានោះទេ។ លោកគ្រាន់ពោលព្រលយថា ប្រសិនបើឯកឧត្តម កឹម សុខា ល្មើសច្បាប់ នោះអនុប្រធានបក្សប្រឆាំងរូបនេះ នឹងមានវាសនាដូចលោក អ៊ុំ សំអាន។ អ្នកនាំពាក្យរូបនេះបានបញ្ជាក់យ៉ាងខ្លីថា៖«បើគាត់ (ឯកឧត្តម កឹម សុខា) ខុសច្បាប់ គឺដូចករណីលោក អ៊ុំ សំអាន អ៊ីចឹងដែរ»។
តំណាងរាស្ត្របក្សសង្គ្រោះជាតិទាំង៥៥នាក់ នឹងមិនមានវត្តមានក្នុងរដ្ឋសភា ដើម្បីចូលរួមប្រជុំ ឡើយ។ ប្តូរពីការមិនចូលសភា គណបក្សប្រឆាំងបែរជាអំពាវនាវ ដល់អ្នកគាំទ្ររបស់ខ្លួននៅទូទាំងប្រទេស ឲ្យចូលរួមដង្ហែញត្តិទៅកាន់ស្ថាប័នកំពូលមួយនេះ ដើម្បីស្នើឲ្យតុលាការ បញ្ឈប់ការរំលោភបំពានលើអភ័យឯកសិទ្ធិរបស់តំណាងរាស្ត្រ៕
ក្នុងកិច្ចប្រជុំថ្ងៃស្អែក រដ្ឋសភា អាចនឹងពិភាក្សាពីការដកអភ័យឯកសិទ្ធិរបស់ឯកឧត្តម កឹម សុខា បន្ទាប់ពីអនុប្រធានបក្សប្រឆាំងរូបនេះ ត្រូវបានចោទពីបទ «ការបដិសេធក្នុងការចូលខ្លួន» ដែលតុលាការរាជធានីភ្នំពេញ ចាត់ទុកថាជាបទល្មើសជាក់ស្តែង។
អ្នកនាំពាក្យរដ្ឋសភាពីគណបក្សប្រជាជនកម្ពុជា លោក ឈាន វុន អះអាងថា រដ្ឋសភា មិនអាចការពារតំណាងរាស្ត្រណាម្នាក់ ដែលរំលងច្បាប់ ឡើយ។ លោកបន្ថែមទៀតថា តែផ្ទុយទៅវិញ ប្រសិនបើតំណាងរាស្ត្រ មិនបានប្រព្រឹត្តខុសច្បាប់ នោះតុលាការនឹងការពារដោយខ្លួនឯង ដោយមិនចាំបាច់រដ្ឋសភាចេញមុខទេ។
ថ្លែងប្រាប់សារព័ត៌មានថ្មីៗ លោក ឈាន វុន មិនទាន់ហ៊ានអះអាងថា រដ្ឋសភា នឹងដកអភ័យឯកសិទ្ធិរបស់ឯកឧត្តម កឹម សុខា ឬយ៉ាងណានោះទេ។ លោកគ្រាន់ពោលព្រលយថា ប្រសិនបើឯកឧត្តម កឹម សុខា ល្មើសច្បាប់ នោះអនុប្រធានបក្សប្រឆាំងរូបនេះ នឹងមានវាសនាដូចលោក អ៊ុំ សំអាន។ អ្នកនាំពាក្យរូបនេះបានបញ្ជាក់យ៉ាងខ្លីថា៖«បើគាត់ (ឯកឧត្តម កឹម សុខា) ខុសច្បាប់ គឺដូចករណីលោក អ៊ុំ សំអាន អ៊ីចឹងដែរ»។
តំណាងរាស្ត្របក្សសង្គ្រោះជាតិទាំង៥៥នាក់ នឹងមិនមានវត្តមានក្នុងរដ្ឋសភា ដើម្បីចូលរួមប្រជុំ ឡើយ។ ប្តូរពីការមិនចូលសភា គណបក្សប្រឆាំងបែរជាអំពាវនាវ ដល់អ្នកគាំទ្ររបស់ខ្លួននៅទូទាំងប្រទេស ឲ្យចូលរួមដង្ហែញត្តិទៅកាន់ស្ថាប័នកំពូលមួយនេះ ដើម្បីស្នើឲ្យតុលាការ បញ្ឈប់ការរំលោភបំពានលើអភ័យឯកសិទ្ធិរបស់តំណាងរាស្ត្រ៕
Tag:
CNRP
កឹម សុខា
ឈាន វុន
© រក្សាសិទ្ធិដោយ thmeythmey.com
