អន្តរជាតិ
×![]()
ដោយ: តន ចាន់រិទ្ធារ៉ា
ប្រមុខការទូតចិន លោក វ៉ាង យី (Wang Yi) បានប្រតិកម្មយ៉ាងខ្លាំង នឹងសំណួររបស់អ្នកកាសែតកាណាដាម្នាក់ ដែលចោទសួររូបលោក ពីករណីសិទ្ធិមនុស្សនៅក្នុងប្រទេសចិន ខណៈដែលលោក កំពុងធ្វើសន្និសីទកាសែត ជាមួយសមភាគីកាណាដា។ លោក វ៉ាង ចាត់ទុកសំណួរ ជាការមិនទទួលខុសត្រូវ និងមិនអាចទទួលយកបាន។ 
មួយសំណួរលើបញ្ហាសិទ្ធិមនុស្សរបស់អ្នកកាសែតកាណាដា ធ្វើឲ្យរដ្ឋមន្ត្រីការបរទេសចិន ខឹងច្រឡោតយ៉ាងខ្លាំង។ លោកស្រី Amanda Connolly ដែលមកពីសារព័ត៌មាន iPolitics បានសួរលោក វ៉ាង យី ពីស្ថានភាពសិទ្ធិមនុស្សក្នុងប្រទេសចិន ក៏ដូចជាការចាប់ខ្លួនជនជាតិកាណាដា លោក Kevin Garratt ក្រោមបទចោទចារកម្មក្នុងប្រទេសចិន។
បើយោងតាមការផ្សាយរបស់ iPolitics ក្នុងសន្និសីទកាសែត នៅឯទីក្រុង អូតាវ៉ា នៅថ្ងៃទី០១ ខែឧសភា លោកស្រី បានសួររដ្ឋមន្ត្រីការបរទេសកាណាដា លោក Stephane Dion ថា ហេតុអ្វីបានជាកាណាដា ភ្ជាប់ទំនាក់ទំនងជាមួយចិន ដ្បិតមានស្ថានភាពសិទ្ធិមនុស្សមិនល្អ និងមានមហិច្ឆតាក្នុងជម្លោះសមុទ្រចិនខាងត្បូង។ ជាមួយគ្នានេះ លោកស្រី Connolly ក៏បានសួរ លោក Dion អំពីផែនការរបស់កាណាដា ក្នុងការប្រើប្រាស់ទំនាក់ទំនងនេះ ដើម្បី ធ្វើឲ្យប្រសើរឡើងស្ថានភាពសិទ្ធមនុស្សនៅចិន។
បន្ទាប់ពី លោក Dion ឆ្លើយនឹងសំណួរទាំងនោះ លោក វ៉ាង យី ក៏ត្រូវអ្នកកាសែតចិន សួរ ដូចគ្នា ប៉ុន្តែ លោក វ៉ាង បែរជាឆ្លើយទៅនឹងសំណួរ លោកស្រី Connolly ទៅវិញ។
លោក វ៉ាង យី ដែលឈរអមដោយរដ្ឋមន្ត្រីការបរទេសកាណាដា បានចាត់នេះ ជាសំណួរគ្មានការទទួលខុសត្រូវ។ លោក វ៉ាង ឆ្លើយដោយកំហឹងថា សំណួររបស់លោកស្រី Connolly គឺពោរពេញទៅដោយសេចក្ដីលំអៀង ប្រឆាំងនឹងចិន ជាមួយនឹងឬកពារក្រអឺត ក្រទម និងមិនអាចទទួលយកបានទេ។
លើសពីនេះ ប្រមុខការទូតចិន ក៏ចោទជាសំណួរថា៖ « ខ្ញុំត្រូវតែសួរថា អ្នកយល់ពីចិនឬទេ? អ្នកធ្លាប់ទៅប្រទេសចិនឬទេ? តើអ្នកដឹងទេថា ប្រជាជនចិនច្រើនជាង៦០០លាននាក់ បានរួចពីភាពក្រីក្រ ហើយអ្នកមានដឹងទេថា ចិនជាប្រទេសមានសេដ្ឋកិច្ចធំទីពីរលើលោក?» លោក វ៉ាង មិនបានបញ្ចប់ការឆ្លើយតបត្រឹមនេះទេ ដោយលោកបានសួរ លោកស្រី Connolly ពីចំណេះដឹងទាក់ទងប្រទេសចិន និងបានសួរអ្នកកាសែតរូបនេះ មានដឹងថា សិទ្ធិមនុស្សត្រូវបានសរសេរក្នុងរដ្ឋធម្មនុញ្ញចិនឬអត់។
ជាមួយគ្នានេះ លោក វ៉ាង យី ក៏បន្តប្រតិកម្មខ្លាំងៗទៀតថា ប្រសិនបើមានអ្នកចង់សួរពីបញ្ហាសិទ្ធិមនុស្សនៅប្រទេសចិន វាគួរតែប្រជាជនចិនទេ ជាអ្នកសួរ មិនមែនអ្នកកាសែតបរទេសទេ។ លោក ក៏ប្រាប់ឲ្យអ្នកកាសែត កុំសួរសំណួរ ដែលគ្មានការទទួលខុសត្រូវបែបនេះ បើទោះជាចិន មានឆន្ទះទទួលយោបល់ក៏ដោយ ក៏ចិនមានសិទ្ធិបដិសេធចោលដែរ៕
មួយសំណួរលើបញ្ហាសិទ្ធិមនុស្សរបស់អ្នកកាសែតកាណាដា ធ្វើឲ្យរដ្ឋមន្ត្រីការបរទេសចិន ខឹងច្រឡោតយ៉ាងខ្លាំង។ លោកស្រី Amanda Connolly ដែលមកពីសារព័ត៌មាន iPolitics បានសួរលោក វ៉ាង យី ពីស្ថានភាពសិទ្ធិមនុស្សក្នុងប្រទេសចិន ក៏ដូចជាការចាប់ខ្លួនជនជាតិកាណាដា លោក Kevin Garratt ក្រោមបទចោទចារកម្មក្នុងប្រទេសចិន។
បើយោងតាមការផ្សាយរបស់ iPolitics ក្នុងសន្និសីទកាសែត នៅឯទីក្រុង អូតាវ៉ា នៅថ្ងៃទី០១ ខែឧសភា លោកស្រី បានសួររដ្ឋមន្ត្រីការបរទេសកាណាដា លោក Stephane Dion ថា ហេតុអ្វីបានជាកាណាដា ភ្ជាប់ទំនាក់ទំនងជាមួយចិន ដ្បិតមានស្ថានភាពសិទ្ធិមនុស្សមិនល្អ និងមានមហិច្ឆតាក្នុងជម្លោះសមុទ្រចិនខាងត្បូង។ ជាមួយគ្នានេះ លោកស្រី Connolly ក៏បានសួរ លោក Dion អំពីផែនការរបស់កាណាដា ក្នុងការប្រើប្រាស់ទំនាក់ទំនងនេះ ដើម្បី ធ្វើឲ្យប្រសើរឡើងស្ថានភាពសិទ្ធមនុស្សនៅចិន។
បន្ទាប់ពី លោក Dion ឆ្លើយនឹងសំណួរទាំងនោះ លោក វ៉ាង យី ក៏ត្រូវអ្នកកាសែតចិន សួរ ដូចគ្នា ប៉ុន្តែ លោក វ៉ាង បែរជាឆ្លើយទៅនឹងសំណួរ លោកស្រី Connolly ទៅវិញ។
លោក វ៉ាង យី ដែលឈរអមដោយរដ្ឋមន្ត្រីការបរទេសកាណាដា បានចាត់នេះ ជាសំណួរគ្មានការទទួលខុសត្រូវ។ លោក វ៉ាង ឆ្លើយដោយកំហឹងថា សំណួររបស់លោកស្រី Connolly គឺពោរពេញទៅដោយសេចក្ដីលំអៀង ប្រឆាំងនឹងចិន ជាមួយនឹងឬកពារក្រអឺត ក្រទម និងមិនអាចទទួលយកបានទេ។
លើសពីនេះ ប្រមុខការទូតចិន ក៏ចោទជាសំណួរថា៖ « ខ្ញុំត្រូវតែសួរថា អ្នកយល់ពីចិនឬទេ? អ្នកធ្លាប់ទៅប្រទេសចិនឬទេ? តើអ្នកដឹងទេថា ប្រជាជនចិនច្រើនជាង៦០០លាននាក់ បានរួចពីភាពក្រីក្រ ហើយអ្នកមានដឹងទេថា ចិនជាប្រទេសមានសេដ្ឋកិច្ចធំទីពីរលើលោក?» លោក វ៉ាង មិនបានបញ្ចប់ការឆ្លើយតបត្រឹមនេះទេ ដោយលោកបានសួរ លោកស្រី Connolly ពីចំណេះដឹងទាក់ទងប្រទេសចិន និងបានសួរអ្នកកាសែតរូបនេះ មានដឹងថា សិទ្ធិមនុស្សត្រូវបានសរសេរក្នុងរដ្ឋធម្មនុញ្ញចិនឬអត់។
ជាមួយគ្នានេះ លោក វ៉ាង យី ក៏បន្តប្រតិកម្មខ្លាំងៗទៀតថា ប្រសិនបើមានអ្នកចង់សួរពីបញ្ហាសិទ្ធិមនុស្សនៅប្រទេសចិន វាគួរតែប្រជាជនចិនទេ ជាអ្នកសួរ មិនមែនអ្នកកាសែតបរទេសទេ។ លោក ក៏ប្រាប់ឲ្យអ្នកកាសែត កុំសួរសំណួរ ដែលគ្មានការទទួលខុសត្រូវបែបនេះ បើទោះជាចិន មានឆន្ទះទទួលយោបល់ក៏ដោយ ក៏ចិនមានសិទ្ធិបដិសេធចោលដែរ៕
Tag:
វ៉ាងយី
ចិន
សិទ្ធិមនុស្ស
កាណាដា
© រក្សាសិទ្ធិដោយ thmeythmey.com
