អន្តរជាតិ
×![]()
មេបញ្ជាការជាន់ខ្ពស់នៃកងទ័ពចិន នាយឧត្តមនាវី Sun Jianguo បានប្រតិកម្មខ្លាំងទៅនឹងការអធិប្បាយរបស់រដ្ឋមន្ត្រីការពារជាតិអាមេរិក លោក Ash Carter ដែលថា ចិន កំពុងតែ ចង់ផ្ដាច់ខ្លួនពីពិភពលោក តាមរយៈការបង្កើត «មហាកំផែងនៃភាពឯកាខ្លួនឯង»។ លោក Sun ក៏បានបញ្ជាក់ពីជំហររបស់ចិន ចំពោះជម្លោះសមុទ្រចិនខាងត្បូង និងបានរិះគន់ដល់ការលូកដៃចូល របស់អាមេរិកមកក្នុងបញ្ហានេះផងដែរ។
សូមស្ដាប់ព័ត៌មានលម្អិត៖
ឆ្លៀតឱកាសនៃការចូលរួមកិច្ចប្រជុំសន្តិសុខ Shangri-La នៅសិង្ហបុរី មន្ត្រីជាន់ខ្ពស់កងទ័ពចិន លោក Sun Jianguo បានទាត់ចោលការចោទប្រកាន់របស់អាមេរិក ដែលថា ចិនកំពុងតែធ្វើឲ្យខ្លួនឯងឯកា ជាមួយនឹងសកម្មភាពយោធាក្នុងសមុទ្រចិនខាងត្បូង។ នៅចំពោះមុខ មន្ត្រីយោធាជាន់ខ្ពស់មកពីតំបន់អាស៊ី និងលោកខាងលិច លោក Sun បានរិះគន់ប្រទេសមួយចំនួន ដែលកំពុងបង្កើតសង្គ្រាមត្រជាក់ ដោយលោកបញ្ជាក់ថា នៅចុងក្រោយ ពួកគេ នឹងឯកាខ្លួនឯង។ ក្រៅពីនោះ លោកបន្តថា មានប្រទេសធំខ្លះ ជួយប្រទេសតូច ឲ្យហ៊ានរករឿងចិន។
លោក Sun Jianguo ដែលជានាយរងសេនាធិការចម្រុះកងទ័ពចិន បានអះអាងដូចនេះ ជាការឆ្លើយតបនឹងការលើកឡើងរបស់រដ្ឋមន្ត្រីការពារជាតិអាមេរិក លោក Ash Carter ដែលប្រាប់ទៅកាន់កិច្ចប្រជុំនេះថា ចិន កំពុងប្រថុយនឹងការកសាង «មហាកំផែងភាពឯកា»។ ថ្លែងនៅថ្ងៃទី០៤ ខែមិថុនា រដ្ឋមន្ត្រីការពារជាតិអាមេរិក ក៏ទទូចឲ្យក្រុងប៉េកាំង គោរពច្បាប់អន្តរជាតិ និងគោរពសេចក្ដីសម្រេចរបស់តុលាការមជ្ឈត្តការអន្តរជាតិ ដែលនឹងចេញនៅពេលខាងមុខតាមបណ្ដឹងរបស់ហ្វីលីពីន។
នៅថ្ងៃទី០៥ ខែមិថុនា ដែលជាថ្ងៃចុងក្រោយនៃកិច្ចប្រជុំនេះ លោក Sun បានបញ្ជាក់ពីជំហរចិន ដែលមិនខ្លាចការសម្លុតណាមួយនោះទេ ដោយរួមទាំងការសម្រេចរបស់តុលាការអន្តរជាតិផងដែរ។ លោក Sun ក៏លើកឡើងម្ដងទៀតពីការបដិសេធរបស់ខ្លួន លើករណីសេចក្ដីសម្រេចរបស់តុលាការ ដោយលោកពន្យល់ថា តុលាការ ធ្វើការហួសព្រំដែនរបស់ខ្លួន ហើយប្រសិនបើមានការសម្រេចណាមួយ ការសម្រេចនោះនឹងត្រូវទុកជាមោឃៈ។
បើតាមកាសែត Today របស់សិង្ហបុរី នាយឧត្តមនាវីរូបនេះនិយាយថា ចិនមិនបានបង្កបញ្ហានោះទេ ហើយក៏មិនខ្លាចបញ្ហាដែរ។ ជាមួយគ្នានោះ ចិន នឹងមិនទទួលខុសត្រូវលើអ្វីដែលកើតឡើង ហើយក៏មិនអនុញ្ញាតឲ្យមានការរំលោភបំពាន លើអធិបតេយ្យភាព និងផលប្រយោជន៍ខ្លួនដែរ។ លោកនិយាយដូចនេះ ទៅកាន់អ្នកចូលរួមជាង៦០០នាក់ នៅក្នុងកិច្ចប្រជុំ Shangri-La រយៈពេលបីថ្ងៃ។
ទន្ទឹមនឹងនេះ ដោយទំនងជាសំដៅដល់ការលូកដៃរបស់អាមេរិក លោក Sun អះអាងថា ជម្លោះសមុទ្រចិនខាងត្បូង ឡើងកម្ដៅខ្លាំង ដោយសារមានការជ្រៀតជ្រែក ពីរដ្ឋខាងក្រៅ សម្រាប់ផលប្រយោជន៍ផ្ទាល់ខ្លួន។ លោក Sun សង្កត់ធ្ងន់ថា ក្រុងប៉េកាំង ចង់បានការដោះស្រាយដោយសន្តិភាព ហើយចិន ចង់ដោះស្រាយបញ្ហានេះ ជាលក្ខណៈទ្វេភាគី ជាមួយហ្វីលីពីន ខណៈលោក Rodrigo Duterte នឹងឡើងកាន់តំណែង នាពេលខាងមុខ។
ការឆ្លើយឆ្លងរវាង មន្ត្រីជាន់ខ្ពស់ចិន និងអាមេរិក ធ្វើឡើងនៅមុនការមកដល់ នៃការសម្រេចរបស់តុលាការមជ្ឈត្តការអន្តរជាតិ លើករណីជម្លោះសមុទ្រចិនខាងត្បូង ដែលប្ដឹងជាឯកតោភាគី ដោយហ្វីលីពីន។ យ៉ាងណាក្ដី ចិនបញ្ជាក់ជំហរច្បាស់លាស់រួចហើយលើរឿងនេះ គឺមិនទទួលការសម្រេចណាមួយ និងទាមទារការចរចាទ្វេភាគី ជំនួសវិញ៕
សូមស្ដាប់ព័ត៌មានលម្អិត៖
ឆ្លៀតឱកាសនៃការចូលរួមកិច្ចប្រជុំសន្តិសុខ Shangri-La នៅសិង្ហបុរី មន្ត្រីជាន់ខ្ពស់កងទ័ពចិន លោក Sun Jianguo បានទាត់ចោលការចោទប្រកាន់របស់អាមេរិក ដែលថា ចិនកំពុងតែធ្វើឲ្យខ្លួនឯងឯកា ជាមួយនឹងសកម្មភាពយោធាក្នុងសមុទ្រចិនខាងត្បូង។ នៅចំពោះមុខ មន្ត្រីយោធាជាន់ខ្ពស់មកពីតំបន់អាស៊ី និងលោកខាងលិច លោក Sun បានរិះគន់ប្រទេសមួយចំនួន ដែលកំពុងបង្កើតសង្គ្រាមត្រជាក់ ដោយលោកបញ្ជាក់ថា នៅចុងក្រោយ ពួកគេ នឹងឯកាខ្លួនឯង។ ក្រៅពីនោះ លោកបន្តថា មានប្រទេសធំខ្លះ ជួយប្រទេសតូច ឲ្យហ៊ានរករឿងចិន។
លោក Sun Jianguo ដែលជានាយរងសេនាធិការចម្រុះកងទ័ពចិន បានអះអាងដូចនេះ ជាការឆ្លើយតបនឹងការលើកឡើងរបស់រដ្ឋមន្ត្រីការពារជាតិអាមេរិក លោក Ash Carter ដែលប្រាប់ទៅកាន់កិច្ចប្រជុំនេះថា ចិន កំពុងប្រថុយនឹងការកសាង «មហាកំផែងភាពឯកា»។ ថ្លែងនៅថ្ងៃទី០៤ ខែមិថុនា រដ្ឋមន្ត្រីការពារជាតិអាមេរិក ក៏ទទូចឲ្យក្រុងប៉េកាំង គោរពច្បាប់អន្តរជាតិ និងគោរពសេចក្ដីសម្រេចរបស់តុលាការមជ្ឈត្តការអន្តរជាតិ ដែលនឹងចេញនៅពេលខាងមុខតាមបណ្ដឹងរបស់ហ្វីលីពីន។
នៅថ្ងៃទី០៥ ខែមិថុនា ដែលជាថ្ងៃចុងក្រោយនៃកិច្ចប្រជុំនេះ លោក Sun បានបញ្ជាក់ពីជំហរចិន ដែលមិនខ្លាចការសម្លុតណាមួយនោះទេ ដោយរួមទាំងការសម្រេចរបស់តុលាការអន្តរជាតិផងដែរ។ លោក Sun ក៏លើកឡើងម្ដងទៀតពីការបដិសេធរបស់ខ្លួន លើករណីសេចក្ដីសម្រេចរបស់តុលាការ ដោយលោកពន្យល់ថា តុលាការ ធ្វើការហួសព្រំដែនរបស់ខ្លួន ហើយប្រសិនបើមានការសម្រេចណាមួយ ការសម្រេចនោះនឹងត្រូវទុកជាមោឃៈ។
បើតាមកាសែត Today របស់សិង្ហបុរី នាយឧត្តមនាវីរូបនេះនិយាយថា ចិនមិនបានបង្កបញ្ហានោះទេ ហើយក៏មិនខ្លាចបញ្ហាដែរ។ ជាមួយគ្នានោះ ចិន នឹងមិនទទួលខុសត្រូវលើអ្វីដែលកើតឡើង ហើយក៏មិនអនុញ្ញាតឲ្យមានការរំលោភបំពាន លើអធិបតេយ្យភាព និងផលប្រយោជន៍ខ្លួនដែរ។ លោកនិយាយដូចនេះ ទៅកាន់អ្នកចូលរួមជាង៦០០នាក់ នៅក្នុងកិច្ចប្រជុំ Shangri-La រយៈពេលបីថ្ងៃ។
ទន្ទឹមនឹងនេះ ដោយទំនងជាសំដៅដល់ការលូកដៃរបស់អាមេរិក លោក Sun អះអាងថា ជម្លោះសមុទ្រចិនខាងត្បូង ឡើងកម្ដៅខ្លាំង ដោយសារមានការជ្រៀតជ្រែក ពីរដ្ឋខាងក្រៅ សម្រាប់ផលប្រយោជន៍ផ្ទាល់ខ្លួន។ លោក Sun សង្កត់ធ្ងន់ថា ក្រុងប៉េកាំង ចង់បានការដោះស្រាយដោយសន្តិភាព ហើយចិន ចង់ដោះស្រាយបញ្ហានេះ ជាលក្ខណៈទ្វេភាគី ជាមួយហ្វីលីពីន ខណៈលោក Rodrigo Duterte នឹងឡើងកាន់តំណែង នាពេលខាងមុខ។
ការឆ្លើយឆ្លងរវាង មន្ត្រីជាន់ខ្ពស់ចិន និងអាមេរិក ធ្វើឡើងនៅមុនការមកដល់ នៃការសម្រេចរបស់តុលាការមជ្ឈត្តការអន្តរជាតិ លើករណីជម្លោះសមុទ្រចិនខាងត្បូង ដែលប្ដឹងជាឯកតោភាគី ដោយហ្វីលីពីន។ យ៉ាងណាក្ដី ចិនបញ្ជាក់ជំហរច្បាស់លាស់រួចហើយលើរឿងនេះ គឺមិនទទួលការសម្រេចណាមួយ និងទាមទារការចរចាទ្វេភាគី ជំនួសវិញ៕
Tag:
ចិន
សមុទ្រចិនខាងត្បូង
អាមេរិក
© រក្សាសិទ្ធិដោយ thmeythmey.com
