អន្តរជាតិ
×![]()
ដោយ: តន ចាន់រិទ្ធារ៉ា
ការទទួលស្គាល់ការសម្លាប់រង្គាលជនជាតិអាមេនី ពីសំណាក់ទាហានអូតូម៉ង់ ជាអំពើប្រល័យពូជសាសន៍ ធ្វើឲ្យតួកគីខឹងយ៉ាងខ្លាំង និងធ្វើឲ្យទំនាក់ទំនងតួកគី និងអាល្លឺម៉ង់ រង្គោះរង្គើ។ ប៉ុន្មានថ្ងៃក្រោយ ប្រធានាធិបតីតួកគី បានទាមទារឲ្យចម្លើយពីអាល្លឺម៉ង់ ក្នុងការប្រល័យពូជសាសន៍នៅប្រទេសណាមីប៊ី កាលពីដើមសតវត្សរ៍ទី២០ ក៏ដូចជាការសម្លាប់ជនជាតិជ្វីហ្វផងដែរ។ 
ប្រធានាធិបតីតួកគី លោក Recep Tayyip Erdogan នៅថ្ងៃទី០៥ ខែមិថុនា បានប្រាប់ឲ្យ អាល្លឺម៉ង់ផ្ដល់ចម្លើយ ចំពោះអំពើប្រល័យពូជសាសន៍ ពីសំណាក់ជនជាតិអាល្លឺម៉ង់ក្នុងពេលសម័យសង្គ្រាម។ នេះ ជាការឆ្លើយតប របស់លោក ទៅនឹងការប្រកាសទទួលស្គាល់របស់អាល្លឺម៉ង់ លើអំពើប្រល័យពូជសាសន៍ លើជនជាតិអាមេនី ក្នុងសម័យសង្គ្រាមលោកលើកទីមួយ។
ដោយនិយាយសំដៅលើការសម្លាប់រង្គាលជនជាតិជ្វីហ្វ ដោយទាហានណាហ្ស៊ីអាល្លឺម៉ង់ ក្នុងសង្គ្រាមលោកលើកទីពីរ លោក Erdogan និយាយថា៖ «អាល្លឺម៉ង់! ខ្ញុំនិយាយម្ដងទៀត! អ្នក (អាល្លឺម៉ង់) គួរតែឆ្លើយនឹងការប្រល័យពូជសាសន៍ ជាមុនសិន»។ លោកក៏បានបន្តលើកជាសំណួរពាក់ព័ន្ធនឹងការសម្លាប់រង្គាលនៅណាមីប៊ី ដោយសួរថា តើអ្នក (អាល្លឺម៉ង់) អាចសម្លាប់ជនជាតិណាមីប៊ី រាប់រយពាន់នាក់ដោយរបៀបណា»? លោកបន្ថែមថា អ្នកគួរតែឆ្លើយសំណួរនេះ។
ជនជាតិ Herero និងNama ជាច្រើនពាន់នាក់ ត្រូវបានសម្លាប់ដោយចក្រភពអាល្លឺម៉ង់ ក្នុងអាហ្វ្រិកភាគខាងលិច ដែលគ្រប់គ្រងដោយអាល្លឺម៉ង់ ដែលបច្ចុប្បន្នជាណាមីប៊ី។ មនុស្សជាច្រើន ត្រូវបានស្លាប់ក្នុងសង្គ្រាម Herero ចន្លោះឆ្នាំ១៩០៤ ដល់ឆ្នាំដែលត្រូវបានចាត់ទុកជា អំពើប្រល័យពូជសាសន៍ ប្រចាំសតវត្សរ៍ទី២០។
សូមរម្លឹកថា នៅថ្ងៃទី០២ ខែមិថុនា រដ្ឋសភាអាល្លឺម៉ង់ (Bundestag) បានអនុម័តលើសេចក្ដីសម្រេច ទទួលស្គាល់ការសម្លាប់រង្គាលលើជនជាតិអាមេនី ដោយទាហានអូតូម៉ង់ ក្នុងឆ្នាំ១៩១៥ ជាសកម្មភាពប្រល័យពូជសាសន៍។ សមាជិកសភា មកពីគ្រប់គណបក្សដែលមានសំឡេងក្នុងសភា ឯកភាពគ្នាលើញត្តិ ដែលត្រូវបានដាក់ដោយរដ្ឋាភិបាលចម្រុះ របស់អធិការបតីអាល្លឺម៉ង់លោកស្រី Angela Merkel និងក្រុមបក្សប្រឆាំងបៃតង។
ជាការឆ្លើយតប ក្រុងអង់ការ៉ា បានកោះហៅអគ្គរដ្ឋទូតរបស់ខ្លួនប្រចាំក្រុងបែរឡាំង ត្រលប់មកវិញ ដើម្បីពិភាក្សាលើបញ្ហានេះ។ មួយវិញទៀត ទាំងប្រធានាធិបតី លោក Erdogan ទាំងនាយករដ្ឋមន្ត្រី លោក Binali Yildirim សុទ្ធតែចេញមករិះគន់ ច្បាប់ថ្មីនេះទាំងអស់។ ហើយតួកគី និងអាមេនី ក៏មិនទាន់ឯកភាពគ្នា លើព្រឹត្តិការណ៍ប្រវត្តិសាស្ត្រនេះដែរ។
អាមេនី អះអាងថា ជនជាតិខ្លួនប្រមាណ១.៥លាននាក់ ត្រូវបានសម្លាប់នៅក្នុងជម្លោះជនជាតិភាគតិច និងនិរទេស ដោយទាហានអូតូម៉ង់ចាប់ពីឆ្នាំ១៩១៥ ដល់ឆ្នាំ១៩១៧ គឺក្នុងសម័យសង្គ្រាមលោកលើកទី១។ ចំណែកឯ តួកគី បានទទួលស្គាល់ថា មានជនជាតិអាមេនី ត្រូវបានសម្លាប់ផងដែរ ប៉ុន្តែមិនបានចាត់ទុកជា សកម្មភាពប្រល័យពូជសាសន៍ទេ ជាមួយនឹងការអះអាងថា ចំនួននៃអ្នកស្លាប់ មានតែ៣សែននាក់ទេ៕
ប្រធានាធិបតីតួកគី លោក Recep Tayyip Erdogan នៅថ្ងៃទី០៥ ខែមិថុនា បានប្រាប់ឲ្យ អាល្លឺម៉ង់ផ្ដល់ចម្លើយ ចំពោះអំពើប្រល័យពូជសាសន៍ ពីសំណាក់ជនជាតិអាល្លឺម៉ង់ក្នុងពេលសម័យសង្គ្រាម។ នេះ ជាការឆ្លើយតប របស់លោក ទៅនឹងការប្រកាសទទួលស្គាល់របស់អាល្លឺម៉ង់ លើអំពើប្រល័យពូជសាសន៍ លើជនជាតិអាមេនី ក្នុងសម័យសង្គ្រាមលោកលើកទីមួយ។
ដោយនិយាយសំដៅលើការសម្លាប់រង្គាលជនជាតិជ្វីហ្វ ដោយទាហានណាហ្ស៊ីអាល្លឺម៉ង់ ក្នុងសង្គ្រាមលោកលើកទីពីរ លោក Erdogan និយាយថា៖ «អាល្លឺម៉ង់! ខ្ញុំនិយាយម្ដងទៀត! អ្នក (អាល្លឺម៉ង់) គួរតែឆ្លើយនឹងការប្រល័យពូជសាសន៍ ជាមុនសិន»។ លោកក៏បានបន្តលើកជាសំណួរពាក់ព័ន្ធនឹងការសម្លាប់រង្គាលនៅណាមីប៊ី ដោយសួរថា តើអ្នក (អាល្លឺម៉ង់) អាចសម្លាប់ជនជាតិណាមីប៊ី រាប់រយពាន់នាក់ដោយរបៀបណា»? លោកបន្ថែមថា អ្នកគួរតែឆ្លើយសំណួរនេះ។
ជនជាតិ Herero និងNama ជាច្រើនពាន់នាក់ ត្រូវបានសម្លាប់ដោយចក្រភពអាល្លឺម៉ង់ ក្នុងអាហ្វ្រិកភាគខាងលិច ដែលគ្រប់គ្រងដោយអាល្លឺម៉ង់ ដែលបច្ចុប្បន្នជាណាមីប៊ី។ មនុស្សជាច្រើន ត្រូវបានស្លាប់ក្នុងសង្គ្រាម Herero ចន្លោះឆ្នាំ១៩០៤ ដល់ឆ្នាំដែលត្រូវបានចាត់ទុកជា អំពើប្រល័យពូជសាសន៍ ប្រចាំសតវត្សរ៍ទី២០។
សូមរម្លឹកថា នៅថ្ងៃទី០២ ខែមិថុនា រដ្ឋសភាអាល្លឺម៉ង់ (Bundestag) បានអនុម័តលើសេចក្ដីសម្រេច ទទួលស្គាល់ការសម្លាប់រង្គាលលើជនជាតិអាមេនី ដោយទាហានអូតូម៉ង់ ក្នុងឆ្នាំ១៩១៥ ជាសកម្មភាពប្រល័យពូជសាសន៍។ សមាជិកសភា មកពីគ្រប់គណបក្សដែលមានសំឡេងក្នុងសភា ឯកភាពគ្នាលើញត្តិ ដែលត្រូវបានដាក់ដោយរដ្ឋាភិបាលចម្រុះ របស់អធិការបតីអាល្លឺម៉ង់លោកស្រី Angela Merkel និងក្រុមបក្សប្រឆាំងបៃតង។
ជាការឆ្លើយតប ក្រុងអង់ការ៉ា បានកោះហៅអគ្គរដ្ឋទូតរបស់ខ្លួនប្រចាំក្រុងបែរឡាំង ត្រលប់មកវិញ ដើម្បីពិភាក្សាលើបញ្ហានេះ។ មួយវិញទៀត ទាំងប្រធានាធិបតី លោក Erdogan ទាំងនាយករដ្ឋមន្ត្រី លោក Binali Yildirim សុទ្ធតែចេញមករិះគន់ ច្បាប់ថ្មីនេះទាំងអស់។ ហើយតួកគី និងអាមេនី ក៏មិនទាន់ឯកភាពគ្នា លើព្រឹត្តិការណ៍ប្រវត្តិសាស្ត្រនេះដែរ។
អាមេនី អះអាងថា ជនជាតិខ្លួនប្រមាណ១.៥លាននាក់ ត្រូវបានសម្លាប់នៅក្នុងជម្លោះជនជាតិភាគតិច និងនិរទេស ដោយទាហានអូតូម៉ង់ចាប់ពីឆ្នាំ១៩១៥ ដល់ឆ្នាំ១៩១៧ គឺក្នុងសម័យសង្គ្រាមលោកលើកទី១។ ចំណែកឯ តួកគី បានទទួលស្គាល់ថា មានជនជាតិអាមេនី ត្រូវបានសម្លាប់ផងដែរ ប៉ុន្តែមិនបានចាត់ទុកជា សកម្មភាពប្រល័យពូជសាសន៍ទេ ជាមួយនឹងការអះអាងថា ចំនួននៃអ្នកស្លាប់ មានតែ៣សែននាក់ទេ៕
Tag:
តួកគី
អាល្លឺម៉ង់
ប្រល័យពូជសាសន៍
© រក្សាសិទ្ធិដោយ thmeythmey.com
