អន្តរជាតិ
×![]()
ដោយ: តន ចាន់រិទ្ធារ៉ា
បរិយាកាសពាណិជ្ជកម្មមិនអំណោយផល ដែលរួមមាន ការកើនឡើងនៃការរឹតត្បិតផ្សេងៗ និងការប្រើប្រាស់ច្បាប់សន្តិសុខជាតិ បានធ្វើឲ្យអ្នករកស៊ីបរទេសនៅក្នុងប្រទេសចិន ទាស់ចិត្តយ៉ាងខ្លាំង។ ជាមួយនឹងបញ្ហានេះ អាមេរិក បានដាក់សម្ពាធឲ្យរដ្ឋាភិបាលចិន បន្ធូរបន្ថយការរឹតត្បិតទាំងនោះ ដើម្បីសម្រួលដល់បរិយាកាសរកស៊ីឡើងវិញ។ 
សូមស្ដាប់ព័ត៌មានលម្អិត៖
ជាថ្មីម្ដងទៀត មន្ត្រីជាន់ខ្ពស់អាមេរិក បានទទូចឲ្យរដ្ឋាភិបាលចិន កាត់បន្ថយរបាំងរឹតត្បិតលើអ្នកវិនិយោគបរទេស ដែលមករកស៊ីលើទឹកដីចិន។ រដ្ឋមន្ត្រីរតនាគារអាមេរិក លោក Jacob Lew អះអាងថា ការកើនឡើងនៃបទបញ្ញត្តិផ្សេងៗ កំពុងនាំឲ្យមានការព្រួយបារម្ភកាន់តែខ្លាំងលើបរិយាកាសពាណិជ្ជកម្ម នៅក្នុងប្រទេសចិន ដែលជាមហាអំណាចសេដ្ឋកិច្ចលំដាប់ទីពីរ របស់ពិភពលោក។
ថ្លែងទៅកាន់អ្នកជំនួញ និងមន្ត្រី មកពីអាមេរិក និងចិន រដ្ឋមន្ត្រីរតនាគារអាមេរិករូបនេះ និយាយថា ការព្រួយបារម្ភលើបរិយាកាសពាណិជ្ជកម្ម មានការកើនឡើងខ្លាំង នៅប៉ុន្មានឆ្នាំចុងក្រោយនេះ ហើយអ្នកវិនិយោគបរទេស ប្រឈមមុខនឹង បទបញ្ញត្តិច្រើន និងមានលក្ខណៈស្មុគស្មាញ។ បញ្ហានេះ ធ្វើឲ្យលេចជាសំណួរថា ពាណិជ្ជករបរទេសទាំងនោះ ត្រូវបានស្វាគមន៍ឬទេ នៅក្នុងប្រទេសចិន។
ជាមួយគ្នានេះ នៅក្នុងថ្ងៃទីពីរ នៃកិច្ចប្រជុំកម្រិតខ្ពស់រវាងក្រុងប៉េកាំង និងក្រុងវ៉ាស៊ីនតោន ក្នុងរដ្ឋធានីប៉េកាំង លោក Jacob Lew ក៏បញ្ជាក់ពីការទទួលខុសត្រូវ របស់រដ្ឋាភិបាលទាំងពីរប្រទេស ក្នុងការសម្រួលកិច្ចសហប្រតិបត្តិការពាណិជ្ជកម្ម និងវិនិយោគផងដែរ។ លោកបន្តថា ច្បាប់ ត្រូវបង្កើត ដើម្បីលើកទឹកចិត្តឲ្យមានការប្រកួតប្រជែងត្រឹមត្រូវ ធានាតម្លាភាពក្នុងដំណើរការបង្កើតគោលនយោបាយ និងបទបញ្ញត្តិផ្សេងៗ ការពារកម្មសិទ្ធបញ្ញា ព្រមទាំងលុបចោលរបាំងវិនិយោគ ដែលមានការរើសអើង ជាដើម។
ចំណែកឯ រដ្ឋមន្ត្រីការបរទេស លោក ចន ឃេរី ដែលចូលរួមក្នុងកិច្ចប្រជុំកម្រិតខ្ពស់ដែរនោះ បញ្ជាក់ថា សេដ្ឋកិច្ចប្រទេសទាំងពីរ កាន់តែខិតចូលគ្នា ដើម្បីភាពរុងរឿងរួមគ្នា ដូច្នេះប្រទេសទាំងពីរ ត្រូវតែលះបង់ ដើម្បីបន្តទំនាក់ទំនងនេះ។ រដ្ឋមន្ត្រីការបរទេសអាមេរិក ក៏បានបង្ហាញការព្រួយបារម្ភចំពោះច្បាប់ស្ដីពីអង្គការមិនមែនរដ្ឋាភិបាល ដែលលោកអះអាងថា មានផលអវិជ្ជមានចំពោះក្រុមអង្គការសុខភាព មិនរកកម្រៃ និងចង់រកស៊ី នៅប្រទេសចិន។
យ៉ាងណាក្ដី បើតាមទីភ្នាក់ងារព័ត៌មាន Reuters ទីប្រឹក្សារដ្ឋចិន លោក Yang Jiechi ឆ្លើយ តបវិញថា ចិន តែងតែស្វាគមន៍ក្រុមហ៊ុនបរទេស ដែលរកស៊ីនៅចិន។ ទីប្រឹក្សារដ្ឋ រូបនេះ បន្តទៀតថា ចិន កំពុងតែធ្វើការ ដើម្បីបើកចំហទីផ្សាររបស់ខ្លួន ដោយលោកបានបញ្ជាក់ពី ការចរចាលើកិច្ចព្រមព្រៀងវិនិយោគទ្វេភាគី ដែលជាឧទាហរណ៍ស្រាប់។
គេសង្កេតឃើញថា មួយរយៈពេលចុងក្រោយនេះ ទំនុកចិត្តរបស់ពាណិជ្ជករបរទេស រកស៊ីនៅចិន ហាក់ធ្លាក់ចុះ ដ្បិតមានការកើនឡើងការរឹតត្បិត និងនយោបាយគាំពារនិយម។ រដ្ឋាភិបាលចិន ថែមទាំងបានបើកការស៊ើបអង្កេត លើក្រុមហ៊ុនបរទេស និងអនុម័តច្បាប់សន្តិសុខជាតិ ដែលកំហិតការប្រើប្រាស់បច្ចេកវិទ្យាទៀតផង៕
សូមស្ដាប់ព័ត៌មានលម្អិត៖
ជាថ្មីម្ដងទៀត មន្ត្រីជាន់ខ្ពស់អាមេរិក បានទទូចឲ្យរដ្ឋាភិបាលចិន កាត់បន្ថយរបាំងរឹតត្បិតលើអ្នកវិនិយោគបរទេស ដែលមករកស៊ីលើទឹកដីចិន។ រដ្ឋមន្ត្រីរតនាគារអាមេរិក លោក Jacob Lew អះអាងថា ការកើនឡើងនៃបទបញ្ញត្តិផ្សេងៗ កំពុងនាំឲ្យមានការព្រួយបារម្ភកាន់តែខ្លាំងលើបរិយាកាសពាណិជ្ជកម្ម នៅក្នុងប្រទេសចិន ដែលជាមហាអំណាចសេដ្ឋកិច្ចលំដាប់ទីពីរ របស់ពិភពលោក។
ថ្លែងទៅកាន់អ្នកជំនួញ និងមន្ត្រី មកពីអាមេរិក និងចិន រដ្ឋមន្ត្រីរតនាគារអាមេរិករូបនេះ និយាយថា ការព្រួយបារម្ភលើបរិយាកាសពាណិជ្ជកម្ម មានការកើនឡើងខ្លាំង នៅប៉ុន្មានឆ្នាំចុងក្រោយនេះ ហើយអ្នកវិនិយោគបរទេស ប្រឈមមុខនឹង បទបញ្ញត្តិច្រើន និងមានលក្ខណៈស្មុគស្មាញ។ បញ្ហានេះ ធ្វើឲ្យលេចជាសំណួរថា ពាណិជ្ជករបរទេសទាំងនោះ ត្រូវបានស្វាគមន៍ឬទេ នៅក្នុងប្រទេសចិន។
ជាមួយគ្នានេះ នៅក្នុងថ្ងៃទីពីរ នៃកិច្ចប្រជុំកម្រិតខ្ពស់រវាងក្រុងប៉េកាំង និងក្រុងវ៉ាស៊ីនតោន ក្នុងរដ្ឋធានីប៉េកាំង លោក Jacob Lew ក៏បញ្ជាក់ពីការទទួលខុសត្រូវ របស់រដ្ឋាភិបាលទាំងពីរប្រទេស ក្នុងការសម្រួលកិច្ចសហប្រតិបត្តិការពាណិជ្ជកម្ម និងវិនិយោគផងដែរ។ លោកបន្តថា ច្បាប់ ត្រូវបង្កើត ដើម្បីលើកទឹកចិត្តឲ្យមានការប្រកួតប្រជែងត្រឹមត្រូវ ធានាតម្លាភាពក្នុងដំណើរការបង្កើតគោលនយោបាយ និងបទបញ្ញត្តិផ្សេងៗ ការពារកម្មសិទ្ធបញ្ញា ព្រមទាំងលុបចោលរបាំងវិនិយោគ ដែលមានការរើសអើង ជាដើម។
ចំណែកឯ រដ្ឋមន្ត្រីការបរទេស លោក ចន ឃេរី ដែលចូលរួមក្នុងកិច្ចប្រជុំកម្រិតខ្ពស់ដែរនោះ បញ្ជាក់ថា សេដ្ឋកិច្ចប្រទេសទាំងពីរ កាន់តែខិតចូលគ្នា ដើម្បីភាពរុងរឿងរួមគ្នា ដូច្នេះប្រទេសទាំងពីរ ត្រូវតែលះបង់ ដើម្បីបន្តទំនាក់ទំនងនេះ។ រដ្ឋមន្ត្រីការបរទេសអាមេរិក ក៏បានបង្ហាញការព្រួយបារម្ភចំពោះច្បាប់ស្ដីពីអង្គការមិនមែនរដ្ឋាភិបាល ដែលលោកអះអាងថា មានផលអវិជ្ជមានចំពោះក្រុមអង្គការសុខភាព មិនរកកម្រៃ និងចង់រកស៊ី នៅប្រទេសចិន។
យ៉ាងណាក្ដី បើតាមទីភ្នាក់ងារព័ត៌មាន Reuters ទីប្រឹក្សារដ្ឋចិន លោក Yang Jiechi ឆ្លើយ តបវិញថា ចិន តែងតែស្វាគមន៍ក្រុមហ៊ុនបរទេស ដែលរកស៊ីនៅចិន។ ទីប្រឹក្សារដ្ឋ រូបនេះ បន្តទៀតថា ចិន កំពុងតែធ្វើការ ដើម្បីបើកចំហទីផ្សាររបស់ខ្លួន ដោយលោកបានបញ្ជាក់ពី ការចរចាលើកិច្ចព្រមព្រៀងវិនិយោគទ្វេភាគី ដែលជាឧទាហរណ៍ស្រាប់។
គេសង្កេតឃើញថា មួយរយៈពេលចុងក្រោយនេះ ទំនុកចិត្តរបស់ពាណិជ្ជករបរទេស រកស៊ីនៅចិន ហាក់ធ្លាក់ចុះ ដ្បិតមានការកើនឡើងការរឹតត្បិត និងនយោបាយគាំពារនិយម។ រដ្ឋាភិបាលចិន ថែមទាំងបានបើកការស៊ើបអង្កេត លើក្រុមហ៊ុនបរទេស និងអនុម័តច្បាប់សន្តិសុខជាតិ ដែលកំហិតការប្រើប្រាស់បច្ចេកវិទ្យាទៀតផង៕
Tag:
ចិន
អាមេរិក
ពាណិជ្ជកម្ម
© រក្សាសិទ្ធិដោយ thmeythmey.com
