អន្តរជាតិ
ថៃអបអរខួបទី៧០ នៃការឡើងគ្រងរាជ្យស្ដេច ភូមិបុល ដែលមានសុខភាពទ្រុឌទ្រោម
×![]()
ដោយ: តន ចាន់រិទ្ធារ៉ា
ព្រះឆាយាលក្ខណ៍ មហាក្សត្រ ភូមិបុល អាប់ដុលយ៉ាដេត (Bhumibol Abdulyadej) ត្រូវបានដាក់តាំង នៅតាមដងផ្លូវនានា ក្នុងរាជធានីបាងកក ដើម្បីអបអរខួបទី៧០ នៃការគ្រងរាជសម្បត្តិព្រះអង្គ។ ប៉ុន្តែសុខភាព ដែលកាន់តែទ្រុឌទ្រោម និងការបន្តព្យាបាលព្រះរោគនៅមន្ទីរពេទ្យជាងមួយឆ្នាំមកនេះ កំពុងតែធ្វើឲ្យប្រជាជនថៃ បារម្ភយ៉ាងខ្លាំង។ 
នៅថ្ងៃទី៩ ខែមិថុនា ឆ្នាំ២០១៦នេះ មហាក្សត្រ ភូមិបុល អាប់ឌុលយ៉ាដេត នៃរាជាណាចក្រថៃ គ្រងរាជសម្បត្តិរយៈពេល៧០ឆ្នាំគត់។ ពិធីអបអរ នឹងធ្វើឡើងនៅទូទាំងប្រទេស ជាពិសេសរាជធានីបាងកក ដើម្បីបង្ហាញពីភក្ដីភាពរបស់ប្រជាជនថៃ ចំពោះស្ដេចអង្គនេះ។ យ៉ាងណាមិញ ការអបរអរឆ្នាំនេះ ធ្វើឡើងស្របពេលដែល ព្រះរាជសុខភាព កាន់តែចុះខ្សោយ ហើយវិបត្តិនយោបាយ ក៏មិនទាន់ស្រាកស្រាន្តនៅឡើយដែរ។
ក្នុងរយៈពេល៧០ឆ្នាំ នៃការគ្រងរាជ មហាក្សត្រអង្គនេះ ជាស្ដេចសោយរាជ្យយូរជាងគេលើពិភពលោក។ ស្ដេចអង្គនេះ ត្រូវបានចាត់ទុកជាសសរគ្រឹះ នៃស្ថិរភាព និងសុខដុមរមនីយកម្ម និងមានឥទ្ធិពលខ្លាំងក្នុងសង្គមថៃ។ មហាក្សត្រ ភូមិបុល ក៏ត្រូវបានគោរពលើកតម្កើងយ៉ាងខ្លាំង និងត្រូវបានការពារដោយច្បាប់តឹងរ៉ឹងបំផុត។ នរណា ដែលហ៊ានរិះគន់ ឬប្រមាថ ស្ដេច ឬសមាជិករាជវង្សដទៃទៀត នឹងរងការដាក់ទោសយ៉ាងធ្ងន់ធ្ងរមិនខានឡើយ។
ទន្ទឹមនឹងការអបអរនេះ ប្រជាជនថៃ កំពុងតែព្រួយបារម្ភ ចំពោះព្រះរាជសុខភាពព្រះអង្គ ស្របពេលដែល ស្ដេចអង្គនេះ ចំណាយពេលយ៉ាងច្រើន ក្នុងការព្យាបាលព្រះរោគនៅមន្ទីរ ក្នុងក្រុងបាងកក។ នៅថ្ងៃទី៧ ខែមិថុនា មហាក្សត្រថៃ បានទទួលការព្យាបាលព្រះរោគបេះដូង និងជម្ងឺដទៃទៀត ក្នុងរយៈពេលជាងមួយឆ្នាំមកនេះ។ នេះបើយោងតាមការផ្សាយរបស់ ទីភ្នាក់ងារព័ត៌មាន Reuters។
ការចុះទ្រុឌទ្រោមនេះ ក៏បង្កការព្រួយបារម្ភចំពោះ ការស្នងរាជសម្បត្តិផងដែរ។ រាជទាយាទសព្វថ្ងៃ គឺរាជបុត្រ Vajiralongkorn ដែលមានព្រះជន្ម៦៣ វស្សា។ ប៉ុន្តែ គេសង្កេតឃើញថា រាជទាយាទអង្គនេះ មិនសូវមានប្រជាប្រិយភាពខ្លាំងដូចបិតា ព្រះអង្គ មាននាពេល៧០ឆ្នាំកន្លងមកទេ។ លោក Winthai Suvaree អ្នកពាក្យរដ្ឋាភិបាលយោធាថៃ អះអាងថា ទំនាក់ទំនងរវាងប្រជាជនថៃ និងមហាក្សត្រ គឺជ្រាលជ្រៅ ដែលពិបាកនឹងពន្យល់បាន ហើយព្រះអង្គ ជាបិតានៃទឹកដីនេះ។
លើសពីនេះទៅទៀត ក្នុងឱកាសខួបទី៧០ នេះដែរ វិបត្តិនយោបាយ នៅតែបន្តរួមរឹតសង្គមថៃដដែល។ ចាប់តាំងការកកើតរបបរាជានិយមអាស្រ័យរដ្ឋធម្មនុញ្ញ ក្នុង១៩៣២ ថៃមានរដ្ឋប្រហារចំនួន១៩ដង មកហើយ ដែលចុងក្រោយនោះ គឺក្នុងឆ្នាំ២០១៤។ របបយោធា របស់លោកឧត្តមសេនីយ៍ ប្រាយុទ្ធ ច័ន្ទអូចា បង្ក្រាបលើក្រុមប្រឆាំងនឹងលោក នៅមុនការធ្វើប្រជាមតិ ខែសីហា ឆ្នាំ២០១៦។ ប៉ុន្តែជារឿយៗនោះ រដ្ឋប្រហារនីមួយៗ ត្រូវបានអះអាងថា ដើម្បីការពាររាជានិយមថៃ។
ប្រសិនបើប្រជាមតិបរាជ័យ នោះការបោះឆ្នោតឆ្នាំ២០១៧ ទំនងជាមិនអាចធ្វើបាននោះទេ ដែលនេះមានន័យថា ថៃនឹងបន្តគ្រប់គ្រងដោយយោធា។ ហើយការប្រឈមមុខរវាងក្រុមគាំទ្រប្រជាធិបតេយ្យ ដែលទាមទារឲ្យមានការបោះឆ្នោតឡើងវិញ និងរបបដឹកនាំយោធា នឹងបន្តធ្លាក់ចុះដដែល៕
នៅថ្ងៃទី៩ ខែមិថុនា ឆ្នាំ២០១៦នេះ មហាក្សត្រ ភូមិបុល អាប់ឌុលយ៉ាដេត នៃរាជាណាចក្រថៃ គ្រងរាជសម្បត្តិរយៈពេល៧០ឆ្នាំគត់។ ពិធីអបអរ នឹងធ្វើឡើងនៅទូទាំងប្រទេស ជាពិសេសរាជធានីបាងកក ដើម្បីបង្ហាញពីភក្ដីភាពរបស់ប្រជាជនថៃ ចំពោះស្ដេចអង្គនេះ។ យ៉ាងណាមិញ ការអបរអរឆ្នាំនេះ ធ្វើឡើងស្របពេលដែល ព្រះរាជសុខភាព កាន់តែចុះខ្សោយ ហើយវិបត្តិនយោបាយ ក៏មិនទាន់ស្រាកស្រាន្តនៅឡើយដែរ។
ក្នុងរយៈពេល៧០ឆ្នាំ នៃការគ្រងរាជ មហាក្សត្រអង្គនេះ ជាស្ដេចសោយរាជ្យយូរជាងគេលើពិភពលោក។ ស្ដេចអង្គនេះ ត្រូវបានចាត់ទុកជាសសរគ្រឹះ នៃស្ថិរភាព និងសុខដុមរមនីយកម្ម និងមានឥទ្ធិពលខ្លាំងក្នុងសង្គមថៃ។ មហាក្សត្រ ភូមិបុល ក៏ត្រូវបានគោរពលើកតម្កើងយ៉ាងខ្លាំង និងត្រូវបានការពារដោយច្បាប់តឹងរ៉ឹងបំផុត។ នរណា ដែលហ៊ានរិះគន់ ឬប្រមាថ ស្ដេច ឬសមាជិករាជវង្សដទៃទៀត នឹងរងការដាក់ទោសយ៉ាងធ្ងន់ធ្ងរមិនខានឡើយ។
ទន្ទឹមនឹងការអបអរនេះ ប្រជាជនថៃ កំពុងតែព្រួយបារម្ភ ចំពោះព្រះរាជសុខភាពព្រះអង្គ ស្របពេលដែល ស្ដេចអង្គនេះ ចំណាយពេលយ៉ាងច្រើន ក្នុងការព្យាបាលព្រះរោគនៅមន្ទីរ ក្នុងក្រុងបាងកក។ នៅថ្ងៃទី៧ ខែមិថុនា មហាក្សត្រថៃ បានទទួលការព្យាបាលព្រះរោគបេះដូង និងជម្ងឺដទៃទៀត ក្នុងរយៈពេលជាងមួយឆ្នាំមកនេះ។ នេះបើយោងតាមការផ្សាយរបស់ ទីភ្នាក់ងារព័ត៌មាន Reuters។
ការចុះទ្រុឌទ្រោមនេះ ក៏បង្កការព្រួយបារម្ភចំពោះ ការស្នងរាជសម្បត្តិផងដែរ។ រាជទាយាទសព្វថ្ងៃ គឺរាជបុត្រ Vajiralongkorn ដែលមានព្រះជន្ម៦៣ វស្សា។ ប៉ុន្តែ គេសង្កេតឃើញថា រាជទាយាទអង្គនេះ មិនសូវមានប្រជាប្រិយភាពខ្លាំងដូចបិតា ព្រះអង្គ មាននាពេល៧០ឆ្នាំកន្លងមកទេ។ លោក Winthai Suvaree អ្នកពាក្យរដ្ឋាភិបាលយោធាថៃ អះអាងថា ទំនាក់ទំនងរវាងប្រជាជនថៃ និងមហាក្សត្រ គឺជ្រាលជ្រៅ ដែលពិបាកនឹងពន្យល់បាន ហើយព្រះអង្គ ជាបិតានៃទឹកដីនេះ។
លើសពីនេះទៅទៀត ក្នុងឱកាសខួបទី៧០ នេះដែរ វិបត្តិនយោបាយ នៅតែបន្តរួមរឹតសង្គមថៃដដែល។ ចាប់តាំងការកកើតរបបរាជានិយមអាស្រ័យរដ្ឋធម្មនុញ្ញ ក្នុង១៩៣២ ថៃមានរដ្ឋប្រហារចំនួន១៩ដង មកហើយ ដែលចុងក្រោយនោះ គឺក្នុងឆ្នាំ២០១៤។ របបយោធា របស់លោកឧត្តមសេនីយ៍ ប្រាយុទ្ធ ច័ន្ទអូចា បង្ក្រាបលើក្រុមប្រឆាំងនឹងលោក នៅមុនការធ្វើប្រជាមតិ ខែសីហា ឆ្នាំ២០១៦។ ប៉ុន្តែជារឿយៗនោះ រដ្ឋប្រហារនីមួយៗ ត្រូវបានអះអាងថា ដើម្បីការពាររាជានិយមថៃ។
ប្រសិនបើប្រជាមតិបរាជ័យ នោះការបោះឆ្នោតឆ្នាំ២០១៧ ទំនងជាមិនអាចធ្វើបាននោះទេ ដែលនេះមានន័យថា ថៃនឹងបន្តគ្រប់គ្រងដោយយោធា។ ហើយការប្រឈមមុខរវាងក្រុមគាំទ្រប្រជាធិបតេយ្យ ដែលទាមទារឲ្យមានការបោះឆ្នោតឡើងវិញ និងរបបដឹកនាំយោធា នឹងបន្តធ្លាក់ចុះដដែល៕
Tag:
ថៃ
© រក្សាសិទ្ធិដោយ thmeythmey.com
