ជាតិ
×![]()
ដោយ: ខន ចំប៉ា
ក្រុមការងារចម្រុះរបស់រដ្ឋបាលរាជធានីភ្នំពេញ នឹងធ្វើការកាត់ទម្លាក់បណ្តាញខ្សែកាបដែលស្អេកស្កះដូចសំបុកពីងពាង នៅលើអាកាសទម្លាក់ចូលបំពង់បណ្តាញក្រោមដី។ មានមហាវិថីធំៗចំនួន៦ ដែលអាជ្ញាធរ នឹងអនុវត្តគម្រោងនេះមុនគេ គឺមហាវិថីព្រះនរោត្តម សហព័ន្ធរុស្ស៊ី មុនីវង្ស ម៉ៅសេទុង កម្ពុជាក្រោម និងមហាវិថីព្រះសីហនុ។ បើតាមរដ្ឋបាលរាជធានីភ្នំពេញ គម្រោងនេះ ចាប់ផ្តើមនៅថ្ងៃទី២០ ខែមិថុនានេះ។
ក្រុមការងារចម្រុះរបស់រដ្ឋបាលរាជធានីភ្នំពេញ នឹងធ្វើការរៀបចំសណ្តាប់ធ្នាប់បណ្តាញខ្សែកាបអាកាសតាមដងផ្លូវ ដែលត្រូវកាត់ទម្លាក់ខ្សែកាបលើអាកាសចូលបំពង់បណ្តាញក្រោមដី ដើម្បីពង្រឹងសុវត្ថិភាពនៃបណ្តាញខ្សែកាប និងលើកកម្ពស់សោភណភាពរាជធានី។ គម្រោងកាត់ទម្លាក់ខ្សែកាបលើអាកាស ដែលមានសភាពដូចសំបុកពីងពាង របស់ក្រុមហ៊ុនទូរសព្ទ ទូរទស្សន៍ អ៊ីនធឺណិត រួមនឹងខ្សែបណ្តាញរបស់អគ្គិសនីកម្ពុជាផង នឹងចាប់ផ្តើមពីថ្ងៃទី២០ ខែមិថុនាតទៅ។
បើតាមសេចក្តីជូនដំណឹងរបស់រដ្ឋបាលរាជធានីភ្នំពេញ នៅថ្ងៃទី៩ ខែមិថុនា មានមហាវិថីធំៗចំនួន៦ ដែលត្រូវអនុវត្តន៍គម្រោងនេះមុនគេ គឺមហាវិថីព្រះនរោត្តម សហព័ន្ធរុស្ស៊ី មុនីវង្ស ម៉ៅសេទុង កម្ពុជាក្រោម និងមហាវិថីព្រះសីហនុ។
លោក ឃួង ស្រេង បានបញ្ជាក់ប្រាប់សារព័ត៌មានថ្មីៗនៅថ្ងៃទី៩ ខែមិថុនានេះថា រដ្ឋបាលរាជធានីបានកំណត់ហើយថា នៅត្រឹមដំណាច់ឆ្នាំ២០១៦នេះ រាជធានីភ្នំពេញនឹងគ្មានវត្តមានខ្សែកាបរញ៉េរញ៉ៃ នៅតាមបណ្តោយមហាវិថីធំៗខាងលើទេ។
យ៉ាងណាក៏ដោយអ្នកនាំពាក្យសាលារាជធានីភ្នំពេញរូបនេះ បញ្ជាក់ថាការផ្តើមអនុវត្តន៍គម្រោងនេះគឺស្ថិតនៅដំណាក់កាលតាមដាន មើលការអនុវត្តការងាររបស់ប្រតិបត្តិករទាំងឡាយដែលមានបណ្តាញខ្សែកាបនៅលើអាកាស មុននឹងវាយតម្លៃថាតើ គម្រោងនេះអាចសម្រេចបានទៅតាមកាលកំណត់ ឬយ៉ាងណា?
បើតាមលោក ឃួង ស្រេង ជាបឋមក្រុមការងារ និងអ្នកពាក់ព័ន្ធត្រូវចាប់ផ្តើមកាត់ទម្លាក់ខ្សែកាបកាត់ទទឹងផ្លូវជាមុនសិន បន្ទាប់មកទើបបន្តការងារកាត់ទម្លាក់បណ្តាញខ្សែកាបដែលស្ថិតនៅតាមបណ្តោយមហាវិថីធំៗទាំង៦នោះ។ បន្ទាប់ពីការងារទាំងនេះរួចរាល់ រដ្ឋបាលរាជធានី នឹងណែនាំឲ្យប្រតិបត្តិករទាំងនោះ កាត់ទម្លាក់បណ្តាញខ្សែកាប នៅតាមបណ្តាផ្លូវផ្សេងទៀត នៅក្នុងរាជធានីភ្នំពេញ។ នេះជាបន្ថែមរបស់ អ្នកនាំពាក្យសាលារាជធានីភ្នំពេញដដែល។
ផ្អែកតាមសេចក្តីជូនដំណឹងដដែលរបស់រដ្ឋបាលរាជធានីភ្នំពេញ នៅថ្ងៃទី៩ ខែមិថុនានេះ រដ្ឋបាលរាជធានីភ្នំពេញ ក៏ស្នើឲ្យប្រជាពលរដ្ឋ ម្ចាស់អាជីវកម្ម ក្រុមហ៊ុន អង្គភាពរដ្ឋ និងអ្នកពាក់ព័ន្ធទាំងអស់ ដែលមានបណ្តាញខ្សែកាប ឬអ្នកកំពុងប្រើប្រាស់ចិញ្ចើមផ្លូវ លើបណ្តោយមហាវិថីទាំង៦ ត្រូវរៀបចំរុះរើចេញ និងចូលរួមទាំងអស់គ្នា ដើម្បីសម្រួលដល់ក្រុមការងារ និងឲ្យការអនុវត្តគម្រោងនេះប្រព្រឹត្តិទៅដោយរលូន ទទួលបានលទ្ធផលតាមការគ្រោងទុក៕
ក្រុមការងារចម្រុះរបស់រដ្ឋបាលរាជធានីភ្នំពេញ នឹងធ្វើការរៀបចំសណ្តាប់ធ្នាប់បណ្តាញខ្សែកាបអាកាសតាមដងផ្លូវ ដែលត្រូវកាត់ទម្លាក់ខ្សែកាបលើអាកាសចូលបំពង់បណ្តាញក្រោមដី ដើម្បីពង្រឹងសុវត្ថិភាពនៃបណ្តាញខ្សែកាប និងលើកកម្ពស់សោភណភាពរាជធានី។ គម្រោងកាត់ទម្លាក់ខ្សែកាបលើអាកាស ដែលមានសភាពដូចសំបុកពីងពាង របស់ក្រុមហ៊ុនទូរសព្ទ ទូរទស្សន៍ អ៊ីនធឺណិត រួមនឹងខ្សែបណ្តាញរបស់អគ្គិសនីកម្ពុជាផង នឹងចាប់ផ្តើមពីថ្ងៃទី២០ ខែមិថុនាតទៅ។
បើតាមសេចក្តីជូនដំណឹងរបស់រដ្ឋបាលរាជធានីភ្នំពេញ នៅថ្ងៃទី៩ ខែមិថុនា មានមហាវិថីធំៗចំនួន៦ ដែលត្រូវអនុវត្តន៍គម្រោងនេះមុនគេ គឺមហាវិថីព្រះនរោត្តម សហព័ន្ធរុស្ស៊ី មុនីវង្ស ម៉ៅសេទុង កម្ពុជាក្រោម និងមហាវិថីព្រះសីហនុ។
លោក ឃួង ស្រេង បានបញ្ជាក់ប្រាប់សារព័ត៌មានថ្មីៗនៅថ្ងៃទី៩ ខែមិថុនានេះថា រដ្ឋបាលរាជធានីបានកំណត់ហើយថា នៅត្រឹមដំណាច់ឆ្នាំ២០១៦នេះ រាជធានីភ្នំពេញនឹងគ្មានវត្តមានខ្សែកាបរញ៉េរញ៉ៃ នៅតាមបណ្តោយមហាវិថីធំៗខាងលើទេ។
យ៉ាងណាក៏ដោយអ្នកនាំពាក្យសាលារាជធានីភ្នំពេញរូបនេះ បញ្ជាក់ថាការផ្តើមអនុវត្តន៍គម្រោងនេះគឺស្ថិតនៅដំណាក់កាលតាមដាន មើលការអនុវត្តការងាររបស់ប្រតិបត្តិករទាំងឡាយដែលមានបណ្តាញខ្សែកាបនៅលើអាកាស មុននឹងវាយតម្លៃថាតើ គម្រោងនេះអាចសម្រេចបានទៅតាមកាលកំណត់ ឬយ៉ាងណា?
បើតាមលោក ឃួង ស្រេង ជាបឋមក្រុមការងារ និងអ្នកពាក់ព័ន្ធត្រូវចាប់ផ្តើមកាត់ទម្លាក់ខ្សែកាបកាត់ទទឹងផ្លូវជាមុនសិន បន្ទាប់មកទើបបន្តការងារកាត់ទម្លាក់បណ្តាញខ្សែកាបដែលស្ថិតនៅតាមបណ្តោយមហាវិថីធំៗទាំង៦នោះ។ បន្ទាប់ពីការងារទាំងនេះរួចរាល់ រដ្ឋបាលរាជធានី នឹងណែនាំឲ្យប្រតិបត្តិករទាំងនោះ កាត់ទម្លាក់បណ្តាញខ្សែកាប នៅតាមបណ្តាផ្លូវផ្សេងទៀត នៅក្នុងរាជធានីភ្នំពេញ។ នេះជាបន្ថែមរបស់ អ្នកនាំពាក្យសាលារាជធានីភ្នំពេញដដែល។
ផ្អែកតាមសេចក្តីជូនដំណឹងដដែលរបស់រដ្ឋបាលរាជធានីភ្នំពេញ នៅថ្ងៃទី៩ ខែមិថុនានេះ រដ្ឋបាលរាជធានីភ្នំពេញ ក៏ស្នើឲ្យប្រជាពលរដ្ឋ ម្ចាស់អាជីវកម្ម ក្រុមហ៊ុន អង្គភាពរដ្ឋ និងអ្នកពាក់ព័ន្ធទាំងអស់ ដែលមានបណ្តាញខ្សែកាប ឬអ្នកកំពុងប្រើប្រាស់ចិញ្ចើមផ្លូវ លើបណ្តោយមហាវិថីទាំង៦ ត្រូវរៀបចំរុះរើចេញ និងចូលរួមទាំងអស់គ្នា ដើម្បីសម្រួលដល់ក្រុមការងារ និងឲ្យការអនុវត្តគម្រោងនេះប្រព្រឹត្តិទៅដោយរលូន ទទួលបានលទ្ធផលតាមការគ្រោងទុក៕
Tag:
ខ្សែកាប
ឃួង ស្រេង
© រក្សាសិទ្ធិដោយ thmeythmey.com
