កីឡាជាតិ
ជាតិ
កីឡាករ Keisuke Honda និងគួច សុគម្ភៈ ខណៈជប៉ុន និងកម្ពុជា ប៉ះគ្នាក្នុងព្រឹត្តិការណ៍ជម្រុះ World Cup។ ប្រភពរូបថត AFP
×![]()
ខ្សែប្រយុទ្ធរបស់ណាហ្គាវើល គួច សុគម្ភៈ មិនត្រឹមតែជាកីឡាករល្អនៅក្នុងក្លិប និងល្អនៅក្នុងក្រសែភ្នែករបស់ទស្សនិកជនកម្ពុជារាប់ម៉ឺននាក់ប៉ុណ្ណោះទេ។ គេក៏ជាកីឡាករដ៏ឆ្នើមមួយរូបនៅក្នុងក្រសែភ្នែករបស់កីឡាករជម្រើសជាតិជនជាតិជប៉ុនលំដាប់ពិភពលោក Keisuke Honda ផងដែរ នាការប្រកួតជម្រុះ World Cup រវាងក្រុមជម្រើសជាតិកម្ពុជា និងក្រុមជម្រើសជាតិជប៉ុន កាលពីឆ្នាំ២០១៥ កន្លងទៅ។ 
ក្នុងដំណើរទស្សនកិច្ចក៏ដូចជាចែករំលែកនូវបទពិសោធន៍ជាមួយសិស្សវិទ្យាល័យឥន្ទ្រទេវីកីឡាករ Keisuke Honda បានសរសើរកីឡាករពាក់អាវលេខ១០ ពោលគឺ គួច សុគម្ភៈ ថា ជាកីឡាករមួយដ៏ល្អនៅក្នុងក្រសែភ្នែករបស់គេ នាជំនួបមិត្តភាពអន្តរជាតិរវាងក្រុមជម្រើសជាតិកម្ពុជា និងក្រុមជម្រើសជាតិជប៉ុនកាលពីឆ្នាំ២០១៥ កន្លងទៅនេះ។ កីឡាកររូបនេះបញ្ជាក់ដូច្នេះថា៖«ខ្ញុំចាំបានមួយចំនួនដូចជាកីឡាករលេខ១០លេងល្អ ហើយក៏មានខ្សែបម្រើមួយចំនួនទៀត។ពួកគេនៅក្មេង ហើយខ្ញុំនឹងរកឱកាសមកលេងជាមួយក្រុមជម្រើសជាតិកម្ពុជានៅថ្ងៃខាងមុខទៀត»។
បច្ចុប្បន្ន សុគម្ភៈស្ថិតនៅក្រៅបញ្ជីក្រុមជម្រើសជាតិកម្ពុជា បន្ទាប់ពីរូបគេរងរបួសជើងនាជំនួបរវាងណាហ្គាវើល និងស៊ីម៉ាក់ ក្នុងក្របខណ្ឌមិត្តហ្វូនខេមបូឌានលីកកន្លងមក។
នាឱកាសនោះដែរ លោក Keisuke Honda បានបញ្ជាក់ថា លោកនឹងមកបើកសាលាបាល់ទាត់ HONDA’s SOLTILO SOCCER SCHOOL នៅកម្ពុជាក្នុងពេលឆាប់ៗខាងមុខនេះ ដើម្បីផ្តល់ឱកាសឲ្យកីឡាករវ័យក្មេងរបស់កម្ពុជាហ្វឹកហាត់ជាគ្រូជនជាតិជប៉ុនល្អៗ ដើម្បីពង្រឹងសមត្ថភាពកីឡាករកម្ពុជាឲ្យមានកម្រិតដូចកីឡាករនៅក្នុងតំបន់អឺរ៉ុប ជាពិសេសគ្រូបង្វឹកជនជាតិជប៉ុនទាំងនោះនឹងជួយចែករំលែកបទពិសោធន៍ល្អៗដល់គ្រូបង្វឹកកម្ពុជាផងដែរ នេះជាកត្តាដែលនាំឲ្យក្រុមជម្រើសជាតិកម្ពុជាអាចឡើងទៅលេងលំដាប់ពិភព World Cup នាពេលខាងមុខផងដែរ។
ក្នុងដំណើរទស្សនៈកិច្ចរបស់តារាបាល់ទាត់ដ៏ឆ្នើមរូបនេះ គឺទទួលបានការស្វាគមន៍យ៉ាងកក់ក្តៅពីសំណាក់ លោក ខៀវ សាម៉េត អនុប្រធានសហព័ន្ធបាល់ទាត់កម្ពុជានៅព្រលានយន្តហោះ និងអ្នកគាំទ្រ ព្រមទាំងសិស្សសលាជាច្រើនរូបនៅក្នុងព្រលានយន្តហោះទៀតផង។ មុនធ្វើដំណើរទៅចែករំលែកបទពិសោធន៍ល្អៗ និងការទទួលស្វាគមន៍របស់សិស្សសាលាយ៉ាងច្រើនសន្ធឹកសន្ធាប់នៃវិទ្យាល័យឥន្ទ្រទេវី កីឡាករ Honda បានចូលជួបប្រជុំបែបសម្ងាត់ជាមួយលោក សៅ សុខា ប្រធានសហព័ន្ធកីឡាបាល់ទាត់កម្ពុជាផងដែរ៕
ក្នុងដំណើរទស្សនកិច្ចក៏ដូចជាចែករំលែកនូវបទពិសោធន៍ជាមួយសិស្សវិទ្យាល័យឥន្ទ្រទេវីកីឡាករ Keisuke Honda បានសរសើរកីឡាករពាក់អាវលេខ១០ ពោលគឺ គួច សុគម្ភៈ ថា ជាកីឡាករមួយដ៏ល្អនៅក្នុងក្រសែភ្នែករបស់គេ នាជំនួបមិត្តភាពអន្តរជាតិរវាងក្រុមជម្រើសជាតិកម្ពុជា និងក្រុមជម្រើសជាតិជប៉ុនកាលពីឆ្នាំ២០១៥ កន្លងទៅនេះ។ កីឡាកររូបនេះបញ្ជាក់ដូច្នេះថា៖«ខ្ញុំចាំបានមួយចំនួនដូចជាកីឡាករលេខ១០លេងល្អ ហើយក៏មានខ្សែបម្រើមួយចំនួនទៀត។ពួកគេនៅក្មេង ហើយខ្ញុំនឹងរកឱកាសមកលេងជាមួយក្រុមជម្រើសជាតិកម្ពុជានៅថ្ងៃខាងមុខទៀត»។
បច្ចុប្បន្ន សុគម្ភៈស្ថិតនៅក្រៅបញ្ជីក្រុមជម្រើសជាតិកម្ពុជា បន្ទាប់ពីរូបគេរងរបួសជើងនាជំនួបរវាងណាហ្គាវើល និងស៊ីម៉ាក់ ក្នុងក្របខណ្ឌមិត្តហ្វូនខេមបូឌានលីកកន្លងមក។
នាឱកាសនោះដែរ លោក Keisuke Honda បានបញ្ជាក់ថា លោកនឹងមកបើកសាលាបាល់ទាត់ HONDA’s SOLTILO SOCCER SCHOOL នៅកម្ពុជាក្នុងពេលឆាប់ៗខាងមុខនេះ ដើម្បីផ្តល់ឱកាសឲ្យកីឡាករវ័យក្មេងរបស់កម្ពុជាហ្វឹកហាត់ជាគ្រូជនជាតិជប៉ុនល្អៗ ដើម្បីពង្រឹងសមត្ថភាពកីឡាករកម្ពុជាឲ្យមានកម្រិតដូចកីឡាករនៅក្នុងតំបន់អឺរ៉ុប ជាពិសេសគ្រូបង្វឹកជនជាតិជប៉ុនទាំងនោះនឹងជួយចែករំលែកបទពិសោធន៍ល្អៗដល់គ្រូបង្វឹកកម្ពុជាផងដែរ នេះជាកត្តាដែលនាំឲ្យក្រុមជម្រើសជាតិកម្ពុជាអាចឡើងទៅលេងលំដាប់ពិភព World Cup នាពេលខាងមុខផងដែរ។
ក្នុងដំណើរទស្សនៈកិច្ចរបស់តារាបាល់ទាត់ដ៏ឆ្នើមរូបនេះ គឺទទួលបានការស្វាគមន៍យ៉ាងកក់ក្តៅពីសំណាក់ លោក ខៀវ សាម៉េត អនុប្រធានសហព័ន្ធបាល់ទាត់កម្ពុជានៅព្រលានយន្តហោះ និងអ្នកគាំទ្រ ព្រមទាំងសិស្សសលាជាច្រើនរូបនៅក្នុងព្រលានយន្តហោះទៀតផង។ មុនធ្វើដំណើរទៅចែករំលែកបទពិសោធន៍ល្អៗ និងការទទួលស្វាគមន៍របស់សិស្សសាលាយ៉ាងច្រើនសន្ធឹកសន្ធាប់នៃវិទ្យាល័យឥន្ទ្រទេវី កីឡាករ Honda បានចូលជួបប្រជុំបែបសម្ងាត់ជាមួយលោក សៅ សុខា ប្រធានសហព័ន្ធកីឡាបាល់ទាត់កម្ពុជាផងដែរ៕
Tag:
បាល់ទាត់
គួច សុកុម្ភៈ
Keisuke Honda
© រក្សាសិទ្ធិដោយ thmeythmey.com
