អន្តរជាតិ
×![]()
ដោយ: តន ចាន់រិទ្ធារ៉ា
ភ្លាមៗបន្ទាប់ពី ប្រធានាធិបតី បារ៉ាក់ អូបាម៉ា ប្រកាសគាំទ្រ លោកស្រី គ្លីនតុន ជាបេក្ខជនប្រធានាធិបតីសម្រាប់បក្សប្រជាធិបតេយ្យ លោក ដូណាល់ ត្រាំ បានបង្ហោះសារ ដែលមានន័យឌឺដង ដាក់លោកស្រី គ្លីនតុន លើគណនីTwitter របស់លោកផ្ទាល់។ លោកស្រី គ្លីនតុន ក៏ឆ្លើយតបវិញ ដោយប្រាប់ឲ្យសេដ្ឋី ត្រាំ លុបគណនីរបស់លោក ចោលទៅ។
បើទោះជាយុទ្ធនាការបោះឆ្នោតប្រធានាធិបតីអាមេរិកមិនទាន់ដល់ក៏ដោយ សង្គ្រាមពាក្យសម្ដីរវាងបេក្ខជនប្រធានាធិបតីទាំងពីរ គឺលោកស្រី ហ៊ីឡារី គ្លីនតុន និងលោក ដូណាល់ ត្រាំ បានចាប់ផ្ដើមបណ្ដើរៗហើយ។ បណ្ដាញសង្គមល្បីឈ្មោះ Twitter បានក្លាយជាទីលាននៃការឆ្លើយឆ្លង របស់បេក្ខជនទាំងពីរ។
ការឆ្លើយឆ្លងលើ Twitter ចាប់ផ្ដើម នៅក្រោយពេល ប្រធានាធិបតី បារ៉ាក់ អូបាម៉ា នៅថ្ងៃទី១០ ខែមិថុនា បានថ្លែងគាំទ្របេក្ខភាព លោកស្រី គ្លីនតុន សម្រាប់បក្សប្រជាធិបតេយ្យ។ លោក ត្រាំ ដែលជាបេក្ខជនមកពីបក្សសាធារណរដ្ឋ បានសរសេរលើគណនី Twitter របស់លោកថា ៖« លោក អូបាម៉ា ទើបតែប្រកាសគាំទ្រលោកស្រី គ្លីនតុន ដែលទុច្ចរិត។ គាត់ (លោក អូបាម៉ា) ចង់ធ្វើជាប្រធានាធិបតីបួនឆ្នាំទៀត។ ប៉ុន្តែ អ្នកផ្សេងទៀត មិនចង់បានដូច្នេះទេ»។
ការអធិប្បាយរបស់លោក ត្រាំ លើបណ្ដាញ Twitter បានទទួលការចុចចែកចាយ (Share) និងចូលចិត្ត (Like) ជាច្រើន។ បើតាមសារព័ត៌មាន Telegraph បេក្ខជនប្រធានាធិបតី បក្ស សាធារណរដ្ឋរូបនេះ បន្ថែមថា៖« មនុស្សទុច្ចរិត ដូចលោកស្រី ហ៊ីឡារី គ្លីនតុន គឺជា មហន្ត រាយ សម្រាប់ការងារ សេដ្ឋកិច្ច ពាណិជ្ជកម្ម សុខាភិបាល យោធា និងវិស័យ ផ្សេងៗទៀត។
ឆ្លើយតបនឹងសាររបស់លោក ត្រាំ បេក្ខជនបក្សប្រជាធិបតេយ្យ លោកស្រី គ្លីនតុន បានសរសេរលើបណ្ដាញសង្គម Twitter វិញថា៖« លុបគណនីរបស់អ្នក (លោក ត្រាំ) ចោលទៅ»។ សាររបស់លោកស្រី ត្រូវបានអ្នកប្រើប្រាស់បណ្ដាញសង្គមមួយនេះ ចែកចាយយ៉ាងច្រើន រហូតដល់ជិត៤០ម៉ឺនដង។ ហើយសាររបស់លោកស្រី ក៏ក្លាយជាពាក្យពេញនិយមយ៉ាងខ្លាំងផងដែរ ក្នុងចំណោមអ្នកប្រើប្រាស់ Twitter ពិសេសសម្រាប់ ឆ្លើយតប នឹងអ្នកដែលបង្ហោះអ្វីដែលមិនល្អ។
យ៉ាងណាមិញ រឿងមិនបានបញ្ចប់ត្រឹមនេះទេ។ តាមរយៈបណ្ដាញ Twitter សេដ្ឋីអចលនទ្រព្យរូបនេះ ក៏បានសួរបែបឌឺដងថា៖« តើបុគ្គលិកលោកស្រី ទាំង៨២៣នាក់ ចំណាយពេលប៉ុន្មាន ដើម្បីតែសារបែបនេះ? ហើយឯណាទៅ អ៊ីមែលទាំង៣៣០០០ ដែលលោកស្រី បានលុប?»
បើទោះជាយុទ្ធនាការបោះឆ្នោតប្រធានាធិបតីអាមេរិកមិនទាន់ដល់ក៏ដោយ សង្គ្រាមពាក្យសម្ដីរវាងបេក្ខជនប្រធានាធិបតីទាំងពីរ គឺលោកស្រី ហ៊ីឡារី គ្លីនតុន និងលោក ដូណាល់ ត្រាំ បានចាប់ផ្ដើមបណ្ដើរៗហើយ។ បណ្ដាញសង្គមល្បីឈ្មោះ Twitter បានក្លាយជាទីលាននៃការឆ្លើយឆ្លង របស់បេក្ខជនទាំងពីរ។
ការឆ្លើយឆ្លងលើ Twitter ចាប់ផ្ដើម នៅក្រោយពេល ប្រធានាធិបតី បារ៉ាក់ អូបាម៉ា នៅថ្ងៃទី១០ ខែមិថុនា បានថ្លែងគាំទ្របេក្ខភាព លោកស្រី គ្លីនតុន សម្រាប់បក្សប្រជាធិបតេយ្យ។ លោក ត្រាំ ដែលជាបេក្ខជនមកពីបក្សសាធារណរដ្ឋ បានសរសេរលើគណនី Twitter របស់លោកថា ៖« លោក អូបាម៉ា ទើបតែប្រកាសគាំទ្រលោកស្រី គ្លីនតុន ដែលទុច្ចរិត។ គាត់ (លោក អូបាម៉ា) ចង់ធ្វើជាប្រធានាធិបតីបួនឆ្នាំទៀត។ ប៉ុន្តែ អ្នកផ្សេងទៀត មិនចង់បានដូច្នេះទេ»។
ការអធិប្បាយរបស់លោក ត្រាំ លើបណ្ដាញ Twitter បានទទួលការចុចចែកចាយ (Share) និងចូលចិត្ត (Like) ជាច្រើន។ បើតាមសារព័ត៌មាន Telegraph បេក្ខជនប្រធានាធិបតី បក្ស សាធារណរដ្ឋរូបនេះ បន្ថែមថា៖« មនុស្សទុច្ចរិត ដូចលោកស្រី ហ៊ីឡារី គ្លីនតុន គឺជា មហន្ត រាយ សម្រាប់ការងារ សេដ្ឋកិច្ច ពាណិជ្ជកម្ម សុខាភិបាល យោធា និងវិស័យ ផ្សេងៗទៀត។
ឆ្លើយតបនឹងសាររបស់លោក ត្រាំ បេក្ខជនបក្សប្រជាធិបតេយ្យ លោកស្រី គ្លីនតុន បានសរសេរលើបណ្ដាញសង្គម Twitter វិញថា៖« លុបគណនីរបស់អ្នក (លោក ត្រាំ) ចោលទៅ»។ សាររបស់លោកស្រី ត្រូវបានអ្នកប្រើប្រាស់បណ្ដាញសង្គមមួយនេះ ចែកចាយយ៉ាងច្រើន រហូតដល់ជិត៤០ម៉ឺនដង។ ហើយសាររបស់លោកស្រី ក៏ក្លាយជាពាក្យពេញនិយមយ៉ាងខ្លាំងផងដែរ ក្នុងចំណោមអ្នកប្រើប្រាស់ Twitter ពិសេសសម្រាប់ ឆ្លើយតប នឹងអ្នកដែលបង្ហោះអ្វីដែលមិនល្អ។
យ៉ាងណាមិញ រឿងមិនបានបញ្ចប់ត្រឹមនេះទេ។ តាមរយៈបណ្ដាញ Twitter សេដ្ឋីអចលនទ្រព្យរូបនេះ ក៏បានសួរបែបឌឺដងថា៖« តើបុគ្គលិកលោកស្រី ទាំង៨២៣នាក់ ចំណាយពេលប៉ុន្មាន ដើម្បីតែសារបែបនេះ? ហើយឯណាទៅ អ៊ីមែលទាំង៣៣០០០ ដែលលោកស្រី បានលុប?»
Tag:
ហ៊ីឡារីគ្លីនតុន
ដូណាល់ត្រាំ
អាមេរិក
© រក្សាសិទ្ធិដោយ thmeythmey.com
