អន្តរជាតិ
×![]()
ដោយ: តន ចាន់រិទ្ធារ៉ា
សហរដ្ឋអាមេរិក បានចាត់តាំងនាយឧត្តមនាវី Michelle Howard ជាស្ត្រីមានដើមកំណើតអាហ្វ្រិក ជាមេបញ្ជាការកងទ័ពរបស់ខ្លួន ប្រចាំទ្វីបអឺរ៉ុប។ លោកស្រី នាយឧត្តមនាវី រូបនេះ នឹងក្លាយជាជនជាតិអាមេរិក ដើមកំណើតអាហ្វ្រិកដំបូងគេ ដែលកាន់តំណែង ជាមេបញ្ជាការរួមដ៏ធំនេះ។
នាយឧត្តមនាវីទ័ពជើងទឹកអាមេរិក លោកស្រី Michelle Howard នៅថ្ងៃទី៧ ខែមិថុនា ត្រូវបានតែងតាំង ជាមេបញ្ជាការកងទ័ពអាមេរិក ប្រចាំអឺរ៉ុប និងអាហ្វ្រិក និងបញ្ជាការរួមកងកម្លាំងសម្ព័ន្ធមិត្តណាតូ។ លោកស្រី ជាជនជាតិស្បែកខ្មៅដំបូងគេ សម្រាប់តំណែងដ៏ខ្ពស់មួយនេះ។
លោកស្រីនាយឧត្តមនាវីផ្កាយបួននេះ នឹងបញ្ជារាល់ប្រតិបត្តិការជើងទឹក នៅអឺរ៉ុប និងតំបន់ជាច្រើន នៃទ្វីបអាហ្វ្រិក។ ចំណែក ទីបញ្ជាការណាតូ ដែលជាបញ្ជាការមួយ ក្នុងចំណោមបញ្ជាការពីរ របស់សម្ព័ន្ធណាតូ គឺទទួលខុសត្រូវ លើការរៀបចំផែនការ និងអនុវត្តបេសកកម្មនានា របស់ណាតូ។
«ខ្ញុំសន្យា ដឹកនាំលោក-អ្នក ជាមួយនឹងកម្លាំង ការតាំងចិត្ត និងត្រៀមខ្លួន ជានិច្ច»។ នេះជាការលើកឡើងរបស់ លោកស្រីនាយឧត្តមនាវី Michelle Howard ក្នុងពេលទទួលបានការតែងតាំង។
ការទទួលតំណែងថ្មីរបស់លោកស្រីឧត្តមនាវី គឺចំពេលដែល អាមេរិក និងណាតូ កំពុងតែសហការគ្នា ទបទល់នឹង សកម្មភាពយោធារបស់រុស្សី និងការទប់ស្កាត់លំហូរជនភៀសខ្លួន នៅក្នុងសមុទ្រម៉េឌីទែរ៉ានេ។ លោកស្រី Michelle Howard ក៏ទើបតែបញ្ចប់តួនាទី ជាមេបញ្ជាការរង នៃប្រតិបត្តិការជើងទឹក ហើយលោកស្រី នឹងស្នងតំណែងពីលោក ឧត្តមនាវី Mark Ferguson ដែលចូលនិវត្តន៍។
ការចាកចេញរបស់លោក Mark Ferguson ក៏ស្របពេលដែលរុស្សី កំពុងតែពង្រីកប្រតិបត្តិការជើងទឹករបស់ខ្លួន នៅមហាសមុទ្រអាត្លង់ទិកខាងជើង និងសមុទ្រម៉េឌីទែរ៉ានេ។ ការពង្រាយប្រតិបត្តិការនេះ ធ្វើឲ្យប៉ះពាល់ដល់កងកម្លាំងជើងទឹករបស់ណាតូ ដែលរួមមាន នាវាមុជទឹក កប៉ាល់ និងយន្តហោះស៊ើបការណ៍សមុទ្រ។
ជាមួយគ្នានេះដែរ កងកម្លាំងជើងទឹក ក៏កំពុងតែរៀបចំខ្លួន ក្នុងការចូលរួមក្នុងការដោះស្រាយវិបត្តិជនភៀសខ្លួនអឺរ៉ុប។ បញ្ជាការកងទ័ពជើងទឹកអាមេរិក នឹងពង្រាយនាវា ទៅកាន់សមុទ្រអេជែន នៅរយៈពេលប៉ុន្មានសប្ដាហ៍ខាងមុខ។ មួយវិញទៀត ទ័ពជើងទឹកនេះ នឹងចូលរួមជាមួយកងកម្លាំងណាតូ ដើម្បីជួយតួកគី និងក្រិក ក្នុងបញ្ឈប់ការរត់ពន្ធមនុស្ស រវាងប្រទេសទាំងពីរ។
ទាក់ទងនឹងលោកឧត្តមនាវី Mark Ferguson នោះដែរ លោក មានតួនាទីសំខាន់ក្នុងសកម្មភាពជើងទឹក ក្នុងខែមិថុនានេះ ដូចជាការមកដល់នៃនាវាដឹកយន្តហោះចំនួនពីរ នៅសមុទ្រម៉េឌីទែរ៉ានេ គឺនាវា USS Harry S. Truman និង USS Dwight D. Eisenhower។ លោក ក៏ដឹកនាំសមយុទ្ធពហុសាសន៍ នៅសមុទ្របាល់ទិក ផងដែរ៕
នាយឧត្តមនាវីទ័ពជើងទឹកអាមេរិក លោកស្រី Michelle Howard នៅថ្ងៃទី៧ ខែមិថុនា ត្រូវបានតែងតាំង ជាមេបញ្ជាការកងទ័ពអាមេរិក ប្រចាំអឺរ៉ុប និងអាហ្វ្រិក និងបញ្ជាការរួមកងកម្លាំងសម្ព័ន្ធមិត្តណាតូ។ លោកស្រី ជាជនជាតិស្បែកខ្មៅដំបូងគេ សម្រាប់តំណែងដ៏ខ្ពស់មួយនេះ។
លោកស្រីនាយឧត្តមនាវីផ្កាយបួននេះ នឹងបញ្ជារាល់ប្រតិបត្តិការជើងទឹក នៅអឺរ៉ុប និងតំបន់ជាច្រើន នៃទ្វីបអាហ្វ្រិក។ ចំណែក ទីបញ្ជាការណាតូ ដែលជាបញ្ជាការមួយ ក្នុងចំណោមបញ្ជាការពីរ របស់សម្ព័ន្ធណាតូ គឺទទួលខុសត្រូវ លើការរៀបចំផែនការ និងអនុវត្តបេសកកម្មនានា របស់ណាតូ។
«ខ្ញុំសន្យា ដឹកនាំលោក-អ្នក ជាមួយនឹងកម្លាំង ការតាំងចិត្ត និងត្រៀមខ្លួន ជានិច្ច»។ នេះជាការលើកឡើងរបស់ លោកស្រីនាយឧត្តមនាវី Michelle Howard ក្នុងពេលទទួលបានការតែងតាំង។
ការទទួលតំណែងថ្មីរបស់លោកស្រីឧត្តមនាវី គឺចំពេលដែល អាមេរិក និងណាតូ កំពុងតែសហការគ្នា ទបទល់នឹង សកម្មភាពយោធារបស់រុស្សី និងការទប់ស្កាត់លំហូរជនភៀសខ្លួន នៅក្នុងសមុទ្រម៉េឌីទែរ៉ានេ។ លោកស្រី Michelle Howard ក៏ទើបតែបញ្ចប់តួនាទី ជាមេបញ្ជាការរង នៃប្រតិបត្តិការជើងទឹក ហើយលោកស្រី នឹងស្នងតំណែងពីលោក ឧត្តមនាវី Mark Ferguson ដែលចូលនិវត្តន៍។
ការចាកចេញរបស់លោក Mark Ferguson ក៏ស្របពេលដែលរុស្សី កំពុងតែពង្រីកប្រតិបត្តិការជើងទឹករបស់ខ្លួន នៅមហាសមុទ្រអាត្លង់ទិកខាងជើង និងសមុទ្រម៉េឌីទែរ៉ានេ។ ការពង្រាយប្រតិបត្តិការនេះ ធ្វើឲ្យប៉ះពាល់ដល់កងកម្លាំងជើងទឹករបស់ណាតូ ដែលរួមមាន នាវាមុជទឹក កប៉ាល់ និងយន្តហោះស៊ើបការណ៍សមុទ្រ។
ជាមួយគ្នានេះដែរ កងកម្លាំងជើងទឹក ក៏កំពុងតែរៀបចំខ្លួន ក្នុងការចូលរួមក្នុងការដោះស្រាយវិបត្តិជនភៀសខ្លួនអឺរ៉ុប។ បញ្ជាការកងទ័ពជើងទឹកអាមេរិក នឹងពង្រាយនាវា ទៅកាន់សមុទ្រអេជែន នៅរយៈពេលប៉ុន្មានសប្ដាហ៍ខាងមុខ។ មួយវិញទៀត ទ័ពជើងទឹកនេះ នឹងចូលរួមជាមួយកងកម្លាំងណាតូ ដើម្បីជួយតួកគី និងក្រិក ក្នុងបញ្ឈប់ការរត់ពន្ធមនុស្ស រវាងប្រទេសទាំងពីរ។
ទាក់ទងនឹងលោកឧត្តមនាវី Mark Ferguson នោះដែរ លោក មានតួនាទីសំខាន់ក្នុងសកម្មភាពជើងទឹក ក្នុងខែមិថុនានេះ ដូចជាការមកដល់នៃនាវាដឹកយន្តហោះចំនួនពីរ នៅសមុទ្រម៉េឌីទែរ៉ានេ គឺនាវា USS Harry S. Truman និង USS Dwight D. Eisenhower។ លោក ក៏ដឹកនាំសមយុទ្ធពហុសាសន៍ នៅសមុទ្របាល់ទិក ផងដែរ៕
Tag:
អាមេរិក
© រក្សាសិទ្ធិដោយ thmeythmey.com
