អន្តរជាតិ
×![]()
ដោយ: តន ចាន់រិទ្ធារ៉ា
ខណៈការកើតឡើងអំពើហិង្សាកំពុងបង្កការព្រួយបារម្ភនោះ នៅអំឡុងពេល នៃការប្រកួតកីឡាបាល់ទាត់ ពានរង្វាន់ទ្វីបអឺរ៉ុបប្រចាំឆ្នាំ២០១៦ នៅឯទីក្រុងមូស្គូឯណោះ មន្ត្រីជាន់ខ្ពស់ផ្នែកកីឡាបាល់ទាត់របស់រុស្សី បែរជាកោតសរសើរ អ្នកគាំទ្រក្រុមកីឡាបាល់ទាត់ជម្រើសជាតិរុស្សី ដែលជាប់ពាក់ព័ន្ធនឹងអំពើហិង្សាទៅវិញ។ 
លោក Igor Lebedev មន្ត្រីនៅក្នុងសហព័ន្ធកីឡាបាល់ទាត់រុស្សី បានការពារសកម្មភាពរបស់អ្នកគាំទ្រក្រុមជម្រើសជាតិរុស្សី ដែលបង្កចលាចល ក្នុងព្រឹត្តិការណ៍ពានរង្វាន់ទ្វីបអឺរ៉ុប ក្នុងទីក្រុង Marseilles កាលពីចុងសប្ដាហ៍មុន។ លោក Lebedev អះអាងថា ក្រុមអ្នកគាំទ្រទាំងនោះ បានការពារកិត្តិយសរបស់ប្រទេសរបស់ខ្លួន ហើយពួកគេ គួរតែទទួលបានការលើកលែងទោស។
តាមរយៈបណ្ដាញសង្គម Twitter លោក Igor Lebedev ដែលជាសមាជិកគណៈកម្មាធិការប្រតិបត្តិសហព័ន្ធកីឡាបាល់ទាត់រុស្សី ហាក់មិនបានភ្ញាក់ផ្អើលនឹងអំពើហិង្សានេះទេ។ លោក សរសេរថា៖« ខ្ញុំមិនបានអ្វីប្លែកទេចំពោះការវាយគ្នារវាងអ្នកគាំទ្រ។ ផ្ទុយទៅវិញ អ្នកធ្វើបានល្អណាស់។ សូមធ្វើបន្តទៀតចុះ។»
ជាមួយគ្នានោះ លោក Igor Lebedev បានបង្ហាញចម្ងល់ចំពោះការដាក់កំហុសលើអ្នកគាំទ្ររុស្សី។ លោក បន្តឲ្យដឹងទៀតថា លោកមិនយល់ចំពោះអ្នកនយោបាយ និងមន្ត្រីមួយចំនួន ដែលរិះគន់ក្រុមអ្នកគាំទ្រជម្រើសជាតិរុស្សី ប៉ុន្តែគួរតែការពារពួកគេ និងដោះស្រាយជាមួយពួកគេ នៅពេលត្រលប់មកវិញ។ លើសពីនោះ លោកអះអាងថា អ្វីដែលកើតឡើងនៅទីក្រុង Marseilles និងកន្លែងដទៃទៀត មិនមែនជាកំហុសអ្នកគាំទ្រទេ តែបង្ហាញពីអសមត្ថភាពរបស់ប៉ូលិស ដែលរៀបចំមិនបានល្អ។
បើតាមការផ្សាយរបស់កាសែត The Guardian មន្ត្រីរូបនេះបន្ថែមថា វាជារឿងធម្មតាទេដែលទៅមើលបាល់ ហើយវាយគ្នានោះ។ ពួកគេបានការពារប្រទេសរបស់យើង និងមិនអនុញ្ញាតឲ្យអ្នកគាំទ្រក្រុមអង់គ្លេស មើលងាយយើងបាន។ ជាមួយគ្នានោះ លោកIgor Lebedev ក៏បានរិះគន់សារព័ត៌មាន ដែលនិយាយតែពីអ្នកគាំទ្ររុស្សី នៅពេលដែលអ្នកគាំទ្រជម្រើសជាតិអង់គ្លេស ជាអ្នកចាប់ផ្ដើមអំពើហិង្សានេះមុន ហើយក្រុមអ្នកគាំទ្រប្រទេសដទៃ ក៏មានការប៉ះទង្គិចគ្នាផងដែរ។
លោកក៏និយាយការពារទៀតថា អ្នកគាំទ្ររបស់រុស្សី មិនអាក្រក់ទេ ហើយវាមិនច្បាស់ទេថា ហេតុអ្វីបានជាសារព័ត៌មានព្យាយាមចោទថា អំពើនេះជាសកម្មភាពគួរឲ្យខ្មាស់នោះ។ ប្រសិនបើ អ្នកគាំទ្រអង់គ្លេស មិនធ្វើសកម្មភាពមុនទេ អ្នកគាំទ្ររុស្សីក៏មិនវាយបកវិញ ពីកន្លែងអង្គុយរបស់ខ្លួនវិញដែរ៕
លោក Igor Lebedev មន្ត្រីនៅក្នុងសហព័ន្ធកីឡាបាល់ទាត់រុស្សី បានការពារសកម្មភាពរបស់អ្នកគាំទ្រក្រុមជម្រើសជាតិរុស្សី ដែលបង្កចលាចល ក្នុងព្រឹត្តិការណ៍ពានរង្វាន់ទ្វីបអឺរ៉ុប ក្នុងទីក្រុង Marseilles កាលពីចុងសប្ដាហ៍មុន។ លោក Lebedev អះអាងថា ក្រុមអ្នកគាំទ្រទាំងនោះ បានការពារកិត្តិយសរបស់ប្រទេសរបស់ខ្លួន ហើយពួកគេ គួរតែទទួលបានការលើកលែងទោស។
តាមរយៈបណ្ដាញសង្គម Twitter លោក Igor Lebedev ដែលជាសមាជិកគណៈកម្មាធិការប្រតិបត្តិសហព័ន្ធកីឡាបាល់ទាត់រុស្សី ហាក់មិនបានភ្ញាក់ផ្អើលនឹងអំពើហិង្សានេះទេ។ លោក សរសេរថា៖« ខ្ញុំមិនបានអ្វីប្លែកទេចំពោះការវាយគ្នារវាងអ្នកគាំទ្រ។ ផ្ទុយទៅវិញ អ្នកធ្វើបានល្អណាស់។ សូមធ្វើបន្តទៀតចុះ។»
ជាមួយគ្នានោះ លោក Igor Lebedev បានបង្ហាញចម្ងល់ចំពោះការដាក់កំហុសលើអ្នកគាំទ្ររុស្សី។ លោក បន្តឲ្យដឹងទៀតថា លោកមិនយល់ចំពោះអ្នកនយោបាយ និងមន្ត្រីមួយចំនួន ដែលរិះគន់ក្រុមអ្នកគាំទ្រជម្រើសជាតិរុស្សី ប៉ុន្តែគួរតែការពារពួកគេ និងដោះស្រាយជាមួយពួកគេ នៅពេលត្រលប់មកវិញ។ លើសពីនោះ លោកអះអាងថា អ្វីដែលកើតឡើងនៅទីក្រុង Marseilles និងកន្លែងដទៃទៀត មិនមែនជាកំហុសអ្នកគាំទ្រទេ តែបង្ហាញពីអសមត្ថភាពរបស់ប៉ូលិស ដែលរៀបចំមិនបានល្អ។
បើតាមការផ្សាយរបស់កាសែត The Guardian មន្ត្រីរូបនេះបន្ថែមថា វាជារឿងធម្មតាទេដែលទៅមើលបាល់ ហើយវាយគ្នានោះ។ ពួកគេបានការពារប្រទេសរបស់យើង និងមិនអនុញ្ញាតឲ្យអ្នកគាំទ្រក្រុមអង់គ្លេស មើលងាយយើងបាន។ ជាមួយគ្នានោះ លោកIgor Lebedev ក៏បានរិះគន់សារព័ត៌មាន ដែលនិយាយតែពីអ្នកគាំទ្ររុស្សី នៅពេលដែលអ្នកគាំទ្រជម្រើសជាតិអង់គ្លេស ជាអ្នកចាប់ផ្ដើមអំពើហិង្សានេះមុន ហើយក្រុមអ្នកគាំទ្រប្រទេសដទៃ ក៏មានការប៉ះទង្គិចគ្នាផងដែរ។
លោកក៏និយាយការពារទៀតថា អ្នកគាំទ្ររបស់រុស្សី មិនអាក្រក់ទេ ហើយវាមិនច្បាស់ទេថា ហេតុអ្វីបានជាសារព័ត៌មានព្យាយាមចោទថា អំពើនេះជាសកម្មភាពគួរឲ្យខ្មាស់នោះ។ ប្រសិនបើ អ្នកគាំទ្រអង់គ្លេស មិនធ្វើសកម្មភាពមុនទេ អ្នកគាំទ្ររុស្សីក៏មិនវាយបកវិញ ពីកន្លែងអង្គុយរបស់ខ្លួនវិញដែរ៕
Tag:
រុស្សី
បារាំង
Euro 2016
© រក្សាសិទ្ធិដោយ thmeythmey.com
