អន្តរជាតិ
×![]()
ដោយ: តន ចាន់រិទ្ធារ៉ា
ប្រមុខដឹកនាំទីបេ បានលូកដៃចូលក្នុងជម្លោះសាសនា នៅមីយ៉ាន់ម៉ា រវាងអ្នកកាន់ព្រះពុទ្ធសាសនាភាគច្រើន និងជនជាតិរ៉ូហ៊ីងយ៉ាភាគតិច ដែលគោរពសាសនាឥស្លាមដែលនៅតែបង្កជាបញ្ហាប្រឈមនៅឡើយ។ មេដឹកនាំទីបេ បានស្នើឲ្យទីប្រឹក្សារដ្ឋ លោកស្រី អ៊ុងសាន ស៊ូជី ឆាប់បញ្ចប់ជម្លោះរ៉ាំរ៉ៃនេះ។
មេដឹកនាំទីបេ សម្ដេចសង្ឈ ដាឡៃឡាម៉ា បានលើកឡើងពីជម្លោះសាសនានៅក្នុងរដ្ឋ Rakhine រវាងក្រុមអ្នកកាន់ព្រះពុទ្ធសាសនាភាគច្រើន និងជនជាតិមូស្លីមរ៉ូហ៊ីងយ៉ា ភាគតិច ទៅកាន់មេដឹកនាំមីយ៉ាន់ម៉ា លោកស្រី អ៊ុងសាន ស៊ូជី។ ក្នុងជំនួបនោះ សម្ដេចសង្ឃទីបេ មានបន្ទូលថា លោកស្រី ស៊ូជី មានការទទួលខុសត្រូវផ្នែកសីលធម៌ ក្នុងការជួយបញ្ចប់ជម្លោះសាសនានេះ។
ក្នុងកិច្ចសម្ភាសន៍មួយ ក្នុងក្រុងវ៉ាស៊ីនតោន នៅថ្ងៃទី១៣ ខែមិថុនា មេដឹកនាំសាសនាអង្គនេះ បញ្ជាក់ថា លោកស្រី ស៊ូជី ជាជ័យលាភីណូបែលសន្តិភាពពិភពលោក ដូច្នេះលោកស្រី គួរតែព្យាយាមកាត់បន្ថយភាពតានតឹង រវាងសហគមន៍ពុទ្ធសាសនិក និងសហគមន៍អ្នកកាន់សាសនាឥស្លាម។ លោក សង្កត់ធ្ងន់ថា លោកបានប្រាប់លោកស្រី ស៊ូជី គួរតែនិយាយជាចំហឲ្យបានច្រើន។
យ៉ាងណាមិញ សម្ដេចសង្ឈ ដាឡៃឡាម៉ា និយាយដែរថា ទីប្រឹក្សារដ្ឋ លោកស្រី អ៊ុងសាន ស៊ូជី បានឆ្លើយតបនឹងសំណើនេះវិញថា ស្ថានភាព ពិតជាស្មុគស្មាញណាស់។ លើសពីនេះទៅទៀត បើតាមសារព័ត៌មាន Reuters សម្ដេចសង្ឃ ដែលជាជ័យលាភីណូបែលសន្តិភាពដែរនោះ បន្តទៀតថា មានលោកសង្ឃពុទ្ធសាសនាខ្លះ នៅមីយ៉ាន់ម៉ា ហាក់ដូចជាមានអាកប្បកិរិយាអវិជ្ជមាន ចំពោះជនជាតិមូស្លីម និងលោកសង្ឃទាំងនោះ គួរតែចាំព្រះភក្រព្រះពុទ្ធ ឲ្យច្បាស់។
សូមបញ្ជាក់រម្លឹកដែរថា ក្នុងឆ្នាំ២០១២ ជនមូស្លីមភាគតិចរ៉ូហ៊ីងយ៉ា ដែលមិនត្រូវបានចាត់ទុកជាជនជាតិរបស់មីយ៉ាន់ម៉ា ប្រឈមនឹងការធ្វើទុក្ខបុកម្នេញយ៉ាងខ្លាំង ពីសំណាក់អ្នកកាន់សាសនាព្រះពុទ្ធនៅក្នុងរដ្ឋ Rakhine ដោយរួមបញ្ចូលទាំងសមាជិកខ្លះរបស់គណបក្ស លោកស្រី ស៊ូជី ផងដែរ។ ជនមូស្លីមរ៉ូហ៊ីងយ៉ា ជាងមួយនាក់ ត្រូវបានសម្លាប់ ខណៈដែលច្រើនជាងមួយសែននាក់ទៀត រស់នៅដោយការគៀបសង្កត់ នៅតាមជំរំនានា។
កាលពីខែឧសភា រដ្ឋាភិបាលមីយ៉ាន់ម៉ា បានប្រកាសថា លោកស្រី ស៊ូជី នឹងដឹកនាំការចរចា ស្វែងរកសន្តិភាព និងការអភិវឌ្ឃនៅរដ្ឋ Rakhine។ ប៉ុន្តែ គេមិនទាន់ដឹងច្បាស់ពី ផែនការលំអិតនោះទេ។ កាលពីទស្សនកិច្ចរបស់រដ្ឋមន្ត្រីការបរទេសអាមេរិក លោក ចន ឃេរី នៅមីយ៉ាន់ម៉ា លោកស្រី ស៊ូជី និយាយថា មីយ៉ាន់ម៉ា ត្រូវការពេលវេលាបន្ថែមទៀត ដើម្បីដោះស្រាយបញ្ហានេះ ខណៈ ការប្រើប្រាស់ពាក្យ «រ៉ូហ៊ីងយ៉ា» ក៏ជាបញ្ហាទើសទាល់មួយផងដែរ៕
មេដឹកនាំទីបេ សម្ដេចសង្ឈ ដាឡៃឡាម៉ា បានលើកឡើងពីជម្លោះសាសនានៅក្នុងរដ្ឋ Rakhine រវាងក្រុមអ្នកកាន់ព្រះពុទ្ធសាសនាភាគច្រើន និងជនជាតិមូស្លីមរ៉ូហ៊ីងយ៉ា ភាគតិច ទៅកាន់មេដឹកនាំមីយ៉ាន់ម៉ា លោកស្រី អ៊ុងសាន ស៊ូជី។ ក្នុងជំនួបនោះ សម្ដេចសង្ឃទីបេ មានបន្ទូលថា លោកស្រី ស៊ូជី មានការទទួលខុសត្រូវផ្នែកសីលធម៌ ក្នុងការជួយបញ្ចប់ជម្លោះសាសនានេះ។
ក្នុងកិច្ចសម្ភាសន៍មួយ ក្នុងក្រុងវ៉ាស៊ីនតោន នៅថ្ងៃទី១៣ ខែមិថុនា មេដឹកនាំសាសនាអង្គនេះ បញ្ជាក់ថា លោកស្រី ស៊ូជី ជាជ័យលាភីណូបែលសន្តិភាពពិភពលោក ដូច្នេះលោកស្រី គួរតែព្យាយាមកាត់បន្ថយភាពតានតឹង រវាងសហគមន៍ពុទ្ធសាសនិក និងសហគមន៍អ្នកកាន់សាសនាឥស្លាម។ លោក សង្កត់ធ្ងន់ថា លោកបានប្រាប់លោកស្រី ស៊ូជី គួរតែនិយាយជាចំហឲ្យបានច្រើន។
យ៉ាងណាមិញ សម្ដេចសង្ឈ ដាឡៃឡាម៉ា និយាយដែរថា ទីប្រឹក្សារដ្ឋ លោកស្រី អ៊ុងសាន ស៊ូជី បានឆ្លើយតបនឹងសំណើនេះវិញថា ស្ថានភាព ពិតជាស្មុគស្មាញណាស់។ លើសពីនេះទៅទៀត បើតាមសារព័ត៌មាន Reuters សម្ដេចសង្ឃ ដែលជាជ័យលាភីណូបែលសន្តិភាពដែរនោះ បន្តទៀតថា មានលោកសង្ឃពុទ្ធសាសនាខ្លះ នៅមីយ៉ាន់ម៉ា ហាក់ដូចជាមានអាកប្បកិរិយាអវិជ្ជមាន ចំពោះជនជាតិមូស្លីម និងលោកសង្ឃទាំងនោះ គួរតែចាំព្រះភក្រព្រះពុទ្ធ ឲ្យច្បាស់។
សូមបញ្ជាក់រម្លឹកដែរថា ក្នុងឆ្នាំ២០១២ ជនមូស្លីមភាគតិចរ៉ូហ៊ីងយ៉ា ដែលមិនត្រូវបានចាត់ទុកជាជនជាតិរបស់មីយ៉ាន់ម៉ា ប្រឈមនឹងការធ្វើទុក្ខបុកម្នេញយ៉ាងខ្លាំង ពីសំណាក់អ្នកកាន់សាសនាព្រះពុទ្ធនៅក្នុងរដ្ឋ Rakhine ដោយរួមបញ្ចូលទាំងសមាជិកខ្លះរបស់គណបក្ស លោកស្រី ស៊ូជី ផងដែរ។ ជនមូស្លីមរ៉ូហ៊ីងយ៉ា ជាងមួយនាក់ ត្រូវបានសម្លាប់ ខណៈដែលច្រើនជាងមួយសែននាក់ទៀត រស់នៅដោយការគៀបសង្កត់ នៅតាមជំរំនានា។
កាលពីខែឧសភា រដ្ឋាភិបាលមីយ៉ាន់ម៉ា បានប្រកាសថា លោកស្រី ស៊ូជី នឹងដឹកនាំការចរចា ស្វែងរកសន្តិភាព និងការអភិវឌ្ឃនៅរដ្ឋ Rakhine។ ប៉ុន្តែ គេមិនទាន់ដឹងច្បាស់ពី ផែនការលំអិតនោះទេ។ កាលពីទស្សនកិច្ចរបស់រដ្ឋមន្ត្រីការបរទេសអាមេរិក លោក ចន ឃេរី នៅមីយ៉ាន់ម៉ា លោកស្រី ស៊ូជី និយាយថា មីយ៉ាន់ម៉ា ត្រូវការពេលវេលាបន្ថែមទៀត ដើម្បីដោះស្រាយបញ្ហានេះ ខណៈ ការប្រើប្រាស់ពាក្យ «រ៉ូហ៊ីងយ៉ា» ក៏ជាបញ្ហាទើសទាល់មួយផងដែរ៕
Tag:
ដាឡៃឡាម៉ា
អ៊ុងសានស៊ូជី
មីយ៉ាន់ម៉ា
© រក្សាសិទ្ធិដោយ thmeythmey.com
