អន្តរជាតិ
នយោបាយអន្តរជាតិ
×![]()
ដោយ: តន ចាន់រិទ្ធារ៉ា
ហេតុការណ៍បាញ់ប្រហារក្នុងក្លឹបកំសាន្តនៅទីក្រុង Orlando ក្លាយជាប្រធាបទក្ដៅ សម្រាប់បេក្ខជនប្រធានាធិបតីអាមេរិកទាំងពីរ។ បេក្ខជនទាំងពីរ បានបញ្ចេញទស្សនៈផ្ទុយគ្នា ក្នុងគោលដៅទាក់ទាញសំឡេងគាំទ្រ ពីហេតុការណ៍បាញ់ប្រហារនេះ ដែលបណ្ដាលឲ្យមនុស្សជិត៥០នាក់ បាត់បង់ជីវិត។
សូមស្ដាប់ព័ត៌មានលម្អិត៖
**audio2**
ការបាញ់ប្រហារនៅទីក្រុង Orlando មិនបានធ្វើឲ្យបេក្ខជនប្រធានាធិបតីអាមេរិក មានគំនិតស្របគ្នានោះទេ។ ហេតុការណ៍នេះ កំពុងតែហែកហួរនយោបាយក្នុងស្រុករបស់អាមេរិក ដោយបេក្ខជនមកពីបក្សធំៗទាំងពីរ មានចំណាត់ការផ្ទុយគ្នា លើរបៀបនៃការប្រយុទ្ធប្រឆាំង នឹងសកម្មភាពក្រុមជ្រុលនិយម ព្រមទាំងការរឹតបន្តឹងសុវត្ថិភាព សម្រាប់ប្រជាជនអាមេរិក។
បេក្ខជនប្រធានាធិបតីមកពីបក្សសាធារណរដ្ឋ លោក ដូណាល់ ត្រាំ ប្រកាសថា លោក នឹងរឹតបន្តឹងលើគោលនយោបាយទាក់ទងនឹងជនអន្តោប្រវេសន៍ និងស្នើឲ្យបញ្ឈប់ការអនុញ្ញាតឲ្យជនភៀសខ្លួនស៊ីរី មកតាំងលំនៅលើទឹកដីអាមេរិក។ ថ្លែងពីរដ្ឋ New Hampshire នៅថ្ងៃទី១៣ ខែមិថុនា បេក្ខជនរូបនេះបន្តថា ប្រសិនបើលោកជាប់ឆ្នោត ជាប្រធានាធិបតី លោកនឹងផ្អាកលំហូរជនអន្តោប្រវេសន៍ ពីតំបន់ណាមួយ ដែលរកឃើញថា មានប្រវត្តិជាប់ពាក់ព័ន្ធ នឹងភេរវកម្ម លើទឹកដីអាមេរិក ឬទឹកដីសម្ព័ន្ធមិត្តរបស់ខ្លួន។
សេដ្ឋីអចលនទ្រព្យរូបនេះ និយាយទៀតថា យើងមិនអនុញ្ញាតឲ្យមនុស្សជាច្រើនពាន់នាក់ ហូរចូលទឹកដីអាមេរិកនោះទេ ដ្បិតពួកគេខ្លះ មានគំនិតដូចនឹងជនបាញ់ប្រហារ នៅ Orlando ដូច្នោះដែរ។ ឆ្លៀតពេលនោះ លោក ដូណាល់ ត្រាំ ក៏បានវាយប្រហារធ្ងន់ៗ លើលោកស្រី ហ៊ីឡារី គ្លីនតុន ព្រោះលោកស្រី អនុញ្ញាតឲ្យភេរវជនឥស្លាមនិយម ចូលមកទឹកដីអាមេរិក។ លោក ត្រាំ អះអាងដែរថា លោកស្រី គ្លីនតុន មិនយល់អ្វីពីរ៉ាឌីកាល់ឥស្លាមនិយមទេ។
ទាក់ទិននឹងការបាញ់ប្រហារនេះដែរ បេក្ខជនប្រធានាធិបតីមកពីបក្សប្រជាធិបតេយ្យ លោកស្រី ហ៊ីឡារី គ្លីនតុន ក៏ឆក់ឱកាសនេះ ស្វែងរកការគាំទ្រផងដែរ ប៉ុន្តលោកស្រី មិនបានខ្វល់នឹងលោក ត្រាំ នោះទេ។ បើតាមទីភ្នាក់ងារ AFP បេក្ខជនរូបនេះ បានស្នើឲ្យប្រជាជនអាមេរិក បដិសេធ នយោបាយប្រកាន់បក្សពួក និងរួមគ្នាប្រឆាំងនឹងអំពើភេរវកម្ម។
ដោយមិននិយាយចំដល់លោក ត្រាំ ដែលមាននយោបាយតឹងរ៉ឹងនឹងជនមូស្លីម លោកស្រី គ្លីនតុន បញ្ជាក់ដែរថា វោហារសាស្ត្រដែលដុតបញ្ឆេះប្រឆាំងឥស្លាម និងការហាមឃាត់លើសាសនា នឹងប៉ះពាល់កាន់តែខ្លាំងលើជនមូស្លីម ដែលស្អប់ភេរវកម្ម។ លោកស្រី ព្រមានដែរថា ប្រជាភិថុតិ មិនអាចបញ្ចប់ភេរវកម្មបានទេ។ លើសពីនោះ បេក្ខជនប្រធានាធិបតីរូបនេះ ក៏ទាមទារឲ្យអារ៉ាប៊ី សាអូឌីត និងគុយវ៉ែត ដែលជាសម្ព័ន្ធមិត្តអាមេរិក ឲ្យបញ្ឈប់នយោបាយណា ដែលមានប្រយោជន៍ដល់ក្រុមជ្រុលនិយម ជាពិសេស ទប់ស្កាត់ជនជាតិខ្លួន ពីការផ្គត់ផ្គង់ក្រុមភេរវជន។
សូមរម្លឹកដែរថា ករណីបាញ់ប្រហារនៅក្លឹបកំសាន្តអ្នកស្រលាញ់ភេទដូចគ្នានៅក្រុង Orlando នារដ្ឋ Florida នាថ្ងៃអាទិត្យទី ១២ មិថុនា បានបណ្តាលឲ្យមនុស្សស្លាប់កើនដល់ ៥០នាក់ហើយ។ ចំណែកមនុស្សចំនួន៥៣នាក់ផ្សេងទៀតបានរងរបួសនិងកំពុងទទួលការសង្គ្រោះបន្ទាន់នៅមន្ទីរពេទ្យ៕
សូមស្ដាប់ព័ត៌មានលម្អិត៖
**audio2**
ការបាញ់ប្រហារនៅទីក្រុង Orlando មិនបានធ្វើឲ្យបេក្ខជនប្រធានាធិបតីអាមេរិក មានគំនិតស្របគ្នានោះទេ។ ហេតុការណ៍នេះ កំពុងតែហែកហួរនយោបាយក្នុងស្រុករបស់អាមេរិក ដោយបេក្ខជនមកពីបក្សធំៗទាំងពីរ មានចំណាត់ការផ្ទុយគ្នា លើរបៀបនៃការប្រយុទ្ធប្រឆាំង នឹងសកម្មភាពក្រុមជ្រុលនិយម ព្រមទាំងការរឹតបន្តឹងសុវត្ថិភាព សម្រាប់ប្រជាជនអាមេរិក។
បេក្ខជនប្រធានាធិបតីមកពីបក្សសាធារណរដ្ឋ លោក ដូណាល់ ត្រាំ ប្រកាសថា លោក នឹងរឹតបន្តឹងលើគោលនយោបាយទាក់ទងនឹងជនអន្តោប្រវេសន៍ និងស្នើឲ្យបញ្ឈប់ការអនុញ្ញាតឲ្យជនភៀសខ្លួនស៊ីរី មកតាំងលំនៅលើទឹកដីអាមេរិក។ ថ្លែងពីរដ្ឋ New Hampshire នៅថ្ងៃទី១៣ ខែមិថុនា បេក្ខជនរូបនេះបន្តថា ប្រសិនបើលោកជាប់ឆ្នោត ជាប្រធានាធិបតី លោកនឹងផ្អាកលំហូរជនអន្តោប្រវេសន៍ ពីតំបន់ណាមួយ ដែលរកឃើញថា មានប្រវត្តិជាប់ពាក់ព័ន្ធ នឹងភេរវកម្ម លើទឹកដីអាមេរិក ឬទឹកដីសម្ព័ន្ធមិត្តរបស់ខ្លួន។
សេដ្ឋីអចលនទ្រព្យរូបនេះ និយាយទៀតថា យើងមិនអនុញ្ញាតឲ្យមនុស្សជាច្រើនពាន់នាក់ ហូរចូលទឹកដីអាមេរិកនោះទេ ដ្បិតពួកគេខ្លះ មានគំនិតដូចនឹងជនបាញ់ប្រហារ នៅ Orlando ដូច្នោះដែរ។ ឆ្លៀតពេលនោះ លោក ដូណាល់ ត្រាំ ក៏បានវាយប្រហារធ្ងន់ៗ លើលោកស្រី ហ៊ីឡារី គ្លីនតុន ព្រោះលោកស្រី អនុញ្ញាតឲ្យភេរវជនឥស្លាមនិយម ចូលមកទឹកដីអាមេរិក។ លោក ត្រាំ អះអាងដែរថា លោកស្រី គ្លីនតុន មិនយល់អ្វីពីរ៉ាឌីកាល់ឥស្លាមនិយមទេ។
ទាក់ទិននឹងការបាញ់ប្រហារនេះដែរ បេក្ខជនប្រធានាធិបតីមកពីបក្សប្រជាធិបតេយ្យ លោកស្រី ហ៊ីឡារី គ្លីនតុន ក៏ឆក់ឱកាសនេះ ស្វែងរកការគាំទ្រផងដែរ ប៉ុន្តលោកស្រី មិនបានខ្វល់នឹងលោក ត្រាំ នោះទេ។ បើតាមទីភ្នាក់ងារ AFP បេក្ខជនរូបនេះ បានស្នើឲ្យប្រជាជនអាមេរិក បដិសេធ នយោបាយប្រកាន់បក្សពួក និងរួមគ្នាប្រឆាំងនឹងអំពើភេរវកម្ម។
ដោយមិននិយាយចំដល់លោក ត្រាំ ដែលមាននយោបាយតឹងរ៉ឹងនឹងជនមូស្លីម លោកស្រី គ្លីនតុន បញ្ជាក់ដែរថា វោហារសាស្ត្រដែលដុតបញ្ឆេះប្រឆាំងឥស្លាម និងការហាមឃាត់លើសាសនា នឹងប៉ះពាល់កាន់តែខ្លាំងលើជនមូស្លីម ដែលស្អប់ភេរវកម្ម។ លោកស្រី ព្រមានដែរថា ប្រជាភិថុតិ មិនអាចបញ្ចប់ភេរវកម្មបានទេ។ លើសពីនោះ បេក្ខជនប្រធានាធិបតីរូបនេះ ក៏ទាមទារឲ្យអារ៉ាប៊ី សាអូឌីត និងគុយវ៉ែត ដែលជាសម្ព័ន្ធមិត្តអាមេរិក ឲ្យបញ្ឈប់នយោបាយណា ដែលមានប្រយោជន៍ដល់ក្រុមជ្រុលនិយម ជាពិសេស ទប់ស្កាត់ជនជាតិខ្លួន ពីការផ្គត់ផ្គង់ក្រុមភេរវជន។
សូមរម្លឹកដែរថា ករណីបាញ់ប្រហារនៅក្លឹបកំសាន្តអ្នកស្រលាញ់ភេទដូចគ្នានៅក្រុង Orlando នារដ្ឋ Florida នាថ្ងៃអាទិត្យទី ១២ មិថុនា បានបណ្តាលឲ្យមនុស្សស្លាប់កើនដល់ ៥០នាក់ហើយ។ ចំណែកមនុស្សចំនួន៥៣នាក់ផ្សេងទៀតបានរងរបួសនិងកំពុងទទួលការសង្គ្រោះបន្ទាន់នៅមន្ទីរពេទ្យ៕
Tag:
ហ៊ីឡារីគ្លីនតុន
ដូណាល់ត្រាំ
អាមេរិក
Orlando
© រក្សាសិទ្ធិដោយ thmeythmey.com
