អន្តរជាតិ
នាយករដ្ឋមន្ត្រីអង់គ្លេស ព្រមានការធ្លាក់ចុះសេដ្ឋកិច្ច ប្រសិនបើចាកចេញពីអឺរ៉ុប
×![]()
ដោយ: តន ចាន់រិទ្ធារ៉ា
នៅសល់តែបីថ្ងៃទៀតប៉ុណ្ណោះ ពលរដ្ឋចក្រភពអង់គ្លេស នឹងសម្រេចចិត្តលើអនាគតរបស់ខ្លួន នៅក្នុងសហភាពអឺរ៉ុប។ យុទ្ធនាការរបស់ក្រុមដែលគាំទ្រការបន្តជាសមាជិក និងក្រុមដែលគាំទ្រឲ្យចាកចេញពីអឺរ៉ុប ក៏កំពុងតែធ្វើយ៉ាងញាប់ដៃញាប់ជើង ខណៈដែលនាយករដ្ឋមន្ត្រីអង់គ្លេស បានព្រមានថា អង់គ្លេសនឹងខាតបង់ ប្រសិនបើជ្រើសរើសការចាកចេញមែននោះ។
សូមស្ដាប់ព័ត៌មានលម្អិត៖
ជាថ្មីម្ដងទៀត នាយករដ្ឋមន្ត្រីអង់គ្លេស លោក ដេវីដ ខេមេរ៉ូន (David Cameron) បានលើកឡើងពីហានិភ័យ លើវិស័យសេដ្ឋកិច្ចរបស់អង់គ្លេស បើពលរដ្ឋចក្រភពអង់គ្លេសសម្រេចចាកចេញពីអឺរ៉ុប ក្នុងការធ្វើប្រជាមតិ ថ្ងៃទី២៣ ខែមិថុនា។ ប្រជាមតិនេះ នឹងសម្រេចលើជោគវាសនារបស់អង់គ្លេស ដែលនឹងប៉ះពាល់ដល់សេដ្ឋកិច្ច និងនយោបាយនៃសហភាពអឺរ៉ុប។
ក្នុងករណីដែលពលរដ្ឋចក្រភពអង់គ្លេស បោះឆ្នោតដើម្បីចាកចេញពីសហភាពអឺរ៉ុប ប្រទេសនេះ នឹងក្លាយជាសមាជិកទីមួយ ដែលចាកចេញពីអឺរ៉ុបក្នុងរយៈពេល៦០ឆ្នាំ នៃប្រវត្តិសាស្ត្រអង្គការតំបន់មួយនេះ។ ហើយរឿងនេះ ទំនងបង្កជាការសង្ស័យលើវាសនារបស់អឺរ៉ុប ដែលត្រូវបានបង្កើត ដោយឈរលើគោលការណ៍សន្តិភាព ចាប់តាំងពីការបញ្ចប់សង្គ្រាមលោកលើកទីពីរមកម្លះ។
ថ្លែងទៅកាន់អ្នកតាមដានទូរទស្សន៍ BBC នៅថ្ងៃទី១៩ ខែមិថុនា នាយករដ្ឋមន្ត្រីអង់គ្លេស ខេមេរ៉ូន បញ្ជាក់ថា វាមិនអាចបកក្រោយបានទេ ប្រសិនបើអ្នកបោះឆ្នោតទាំងឡាយ សម្រេចចិត្តចាកចេញពីអឺរ៉ុប ក្នុងប្រជាមតិ ថ្ងៃទី២៣ ខែមិថុនា ហើយសេដ្ឋកិច្ចរបស់អង់គ្លេស ពិតជាប៉ះពាល់មិនខាន។ លោក ក៍ទស្សទាយដែរថា អង់គ្លេស នឹងបាត់បង់សិទ្ធិក្នុងតំបន់ពាណិជ្ជកម្មសេរី ជាមួយអឺរ៉ុប ដែលនេះនឹងធ្វើឲ្យខូចខាតថវិកាជាតិដែលហូរចូល តាមរយៈការបង្កើនថ្លៃពន្ធ ឬបន្ថយចំណាយជាដើម។
សូមបញ្ជាក់ដែរថា ក្នុងការស្ទង់មតិកន្លងមក ក្រុមដែលគាំទ្រ និងក្រុមប្រឆាំងការចាកចេញ មានសំឡេងប្រហាក់ប្រហែលគ្នាប៉ុណ្ណោះ ខណៈដែលយុទ្ធនាការស្វែងរកសំឡេងគាំទ្រ សម្រាប់ប្រជាមតិនឹងបញ្ចប់ពេលខ្លីនេះ។ ក្រុមដែលគាំទ្រឲ្យចក្រភពអង់គ្លេស បន្តជាសមាជិកអឺរ៉ុប ដែលមាននាយករដ្ឋមន្ត្រី ខេមេរ៉ូន និងរដ្ឋមន្ត្រីមួយចំនួនទៀត តែងអះអាងពីផលវិបាកនានា ដូចជា ការធ្លាក់ចុះសេដ្ឋកិច្ច ឬអនុភាពជាតិជាដើម ប្រសិនបើចាកចេញ។
ចំណែកឯក្រុមដែលចង់ឲ្យអង់គ្លេសចាកចេញ រួមមានអភិបាលក្រុងឡុងដ៍ បូរីស ចនសុន ជាដើមនោះ ក៏ធ្វើយុទ្ធនាការខ្លាំងៗផងដែរ។ ក្រុមនេះ សន្យាថាអង់គ្លេស នឹងមានសិទ្ធិកាន់តែច្រើនថែមទៀត លើគោលនយោបាយសំខាន់ៗ ជាពិសេស លើការគ្រប់គ្រងជនអន្តោប្រវេសន៍ ដែលជាបញ្ហាក្ដៅនៅអឺរ៉ុប៕
សូមស្ដាប់ព័ត៌មានលម្អិត៖
ជាថ្មីម្ដងទៀត នាយករដ្ឋមន្ត្រីអង់គ្លេស លោក ដេវីដ ខេមេរ៉ូន (David Cameron) បានលើកឡើងពីហានិភ័យ លើវិស័យសេដ្ឋកិច្ចរបស់អង់គ្លេស បើពលរដ្ឋចក្រភពអង់គ្លេសសម្រេចចាកចេញពីអឺរ៉ុប ក្នុងការធ្វើប្រជាមតិ ថ្ងៃទី២៣ ខែមិថុនា។ ប្រជាមតិនេះ នឹងសម្រេចលើជោគវាសនារបស់អង់គ្លេស ដែលនឹងប៉ះពាល់ដល់សេដ្ឋកិច្ច និងនយោបាយនៃសហភាពអឺរ៉ុប។
ក្នុងករណីដែលពលរដ្ឋចក្រភពអង់គ្លេស បោះឆ្នោតដើម្បីចាកចេញពីសហភាពអឺរ៉ុប ប្រទេសនេះ នឹងក្លាយជាសមាជិកទីមួយ ដែលចាកចេញពីអឺរ៉ុបក្នុងរយៈពេល៦០ឆ្នាំ នៃប្រវត្តិសាស្ត្រអង្គការតំបន់មួយនេះ។ ហើយរឿងនេះ ទំនងបង្កជាការសង្ស័យលើវាសនារបស់អឺរ៉ុប ដែលត្រូវបានបង្កើត ដោយឈរលើគោលការណ៍សន្តិភាព ចាប់តាំងពីការបញ្ចប់សង្គ្រាមលោកលើកទីពីរមកម្លះ។
ថ្លែងទៅកាន់អ្នកតាមដានទូរទស្សន៍ BBC នៅថ្ងៃទី១៩ ខែមិថុនា នាយករដ្ឋមន្ត្រីអង់គ្លេស ខេមេរ៉ូន បញ្ជាក់ថា វាមិនអាចបកក្រោយបានទេ ប្រសិនបើអ្នកបោះឆ្នោតទាំងឡាយ សម្រេចចិត្តចាកចេញពីអឺរ៉ុប ក្នុងប្រជាមតិ ថ្ងៃទី២៣ ខែមិថុនា ហើយសេដ្ឋកិច្ចរបស់អង់គ្លេស ពិតជាប៉ះពាល់មិនខាន។ លោក ក៍ទស្សទាយដែរថា អង់គ្លេស នឹងបាត់បង់សិទ្ធិក្នុងតំបន់ពាណិជ្ជកម្មសេរី ជាមួយអឺរ៉ុប ដែលនេះនឹងធ្វើឲ្យខូចខាតថវិកាជាតិដែលហូរចូល តាមរយៈការបង្កើនថ្លៃពន្ធ ឬបន្ថយចំណាយជាដើម។
សូមបញ្ជាក់ដែរថា ក្នុងការស្ទង់មតិកន្លងមក ក្រុមដែលគាំទ្រ និងក្រុមប្រឆាំងការចាកចេញ មានសំឡេងប្រហាក់ប្រហែលគ្នាប៉ុណ្ណោះ ខណៈដែលយុទ្ធនាការស្វែងរកសំឡេងគាំទ្រ សម្រាប់ប្រជាមតិនឹងបញ្ចប់ពេលខ្លីនេះ។ ក្រុមដែលគាំទ្រឲ្យចក្រភពអង់គ្លេស បន្តជាសមាជិកអឺរ៉ុប ដែលមាននាយករដ្ឋមន្ត្រី ខេមេរ៉ូន និងរដ្ឋមន្ត្រីមួយចំនួនទៀត តែងអះអាងពីផលវិបាកនានា ដូចជា ការធ្លាក់ចុះសេដ្ឋកិច្ច ឬអនុភាពជាតិជាដើម ប្រសិនបើចាកចេញ។
ចំណែកឯក្រុមដែលចង់ឲ្យអង់គ្លេសចាកចេញ រួមមានអភិបាលក្រុងឡុងដ៍ បូរីស ចនសុន ជាដើមនោះ ក៏ធ្វើយុទ្ធនាការខ្លាំងៗផងដែរ។ ក្រុមនេះ សន្យាថាអង់គ្លេស នឹងមានសិទ្ធិកាន់តែច្រើនថែមទៀត លើគោលនយោបាយសំខាន់ៗ ជាពិសេស លើការគ្រប់គ្រងជនអន្តោប្រវេសន៍ ដែលជាបញ្ហាក្ដៅនៅអឺរ៉ុប៕
Tag:
អឺរ៉ុប
អង់គ្លេស
Brexit
© រក្សាសិទ្ធិដោយ thmeythmey.com
