អន្តរជាតិ
ទឹកលិចក្នុងទីក្រុងបាងកក ព្រឹកនេះ ។ រូបថត ThaiBPS
×![]()
ដោយ: តន ចាន់រិទ្ធារ៉ា
បន្ទាប់ពីភ្លៀងខ្លាំងៗប៉ុន្មានថ្ងៃមកនេះ ទឹកជំនន់កំពុងវាយប្រហាររាជធានីបាងកកយ៉ាងខ្លាំង។ ផ្លូវជាច្រើនក្នុងទីក្រុង បានលិចមិនអាចធ្វើដំណើរបាន និងធ្វើឲ្យស្ទះចរាចរណ៍ខ្លាំងខណៈដែល សាលារៀន និងទីតាំងជាច្រើនទៀត ត្រូវបានបិទផងដែរ។ នេះបើយោងតាមសារព័ត៌មាន Bangkok Post។
រាជធានីបាងកក កំពុងតែរងការវាយប្រហារពីទឹកជំនន់យ៉ាងធ្ងន់ធ្ងរ នៅថ្ងៃទី២១ ខែមិថុនានេះ។ ដងផ្លូវជាច្រើនក្នុងរាជធានីនេះ បានលិច ដោយសារទឹកហូរកាត់ផ្លូវ ដែលបង្កការរាំងស្ទះយ៉ាងខ្លាំង ដល់ប្រជាជន។
អាជ្ញាធរក្រុងបាងកក អះអាងថា ការភ្លៀងជាប់ៗគ្នា ជាមួយនឹងប្រព័ន្ធលូបង្ហូរដែលមិនសូវមានប្រសិទ្ធភាព ជាមូលហេតុធ្វើឲ្យវិថីក្នុងទីក្រុងប្រមាណ៣០ មិនអាចឆ្លងកាត់បាន។ តំបន់រងគ្រោះខ្លាំងជាងគេ គឺតំបន់ Lat Phrao ដែលជាផ្នែកទំនាបនៃទីក្រុង។ នៅទីនោះ សាលារៀនយ៉ាងតិច៤ ត្រូវបានបិទ នៅថ្ងៃទី២១ ខែមិថុនា ដោយសារទឹកជំនន់ វាយប្រហារខ្លាំង។
មួយវិញទៀត ផ្លូវជាច្រើនក្នុងតំបន់ Lat Phrao នៅតែស្ថិតក្រោមទឹកនៅឡើយ នៅព្រឹកថ្ងៃនេះ ជាពិសេសចំណុចប្រសព្វផ្លូវ Ratchadaphisek ដែលកម្ពស់ទឹក គឺខ្ពស់ជាងផ្លូវរថភ្លើង MRT ទៅទៀត។ យ៉ាងណាក្ដី ផ្លូវក្រោមដី នៅតែអាចដំណើរការធម្មតា ដោយគ្មានរអាក់រអួលទេ។
ជាមួយគ្នានេះ នាយកដ្ឋានព្យាករណ៍ធាតុអាកាស ក៏បញ្ជាក់ដែរថា ភ្លៀងនឹងបន្តធ្លាក់ប្រចាំថ្ងៃ ព្រមគ្នានឹងព្យុះរន្ទះ រហូតដល់សប្ដាហ៍នេះ៕
រាជធានីបាងកក កំពុងតែរងការវាយប្រហារពីទឹកជំនន់យ៉ាងធ្ងន់ធ្ងរ នៅថ្ងៃទី២១ ខែមិថុនានេះ។ ដងផ្លូវជាច្រើនក្នុងរាជធានីនេះ បានលិច ដោយសារទឹកហូរកាត់ផ្លូវ ដែលបង្កការរាំងស្ទះយ៉ាងខ្លាំង ដល់ប្រជាជន។
អាជ្ញាធរក្រុងបាងកក អះអាងថា ការភ្លៀងជាប់ៗគ្នា ជាមួយនឹងប្រព័ន្ធលូបង្ហូរដែលមិនសូវមានប្រសិទ្ធភាព ជាមូលហេតុធ្វើឲ្យវិថីក្នុងទីក្រុងប្រមាណ៣០ មិនអាចឆ្លងកាត់បាន។ តំបន់រងគ្រោះខ្លាំងជាងគេ គឺតំបន់ Lat Phrao ដែលជាផ្នែកទំនាបនៃទីក្រុង។ នៅទីនោះ សាលារៀនយ៉ាងតិច៤ ត្រូវបានបិទ នៅថ្ងៃទី២១ ខែមិថុនា ដោយសារទឹកជំនន់ វាយប្រហារខ្លាំង។
មួយវិញទៀត ផ្លូវជាច្រើនក្នុងតំបន់ Lat Phrao នៅតែស្ថិតក្រោមទឹកនៅឡើយ នៅព្រឹកថ្ងៃនេះ ជាពិសេសចំណុចប្រសព្វផ្លូវ Ratchadaphisek ដែលកម្ពស់ទឹក គឺខ្ពស់ជាងផ្លូវរថភ្លើង MRT ទៅទៀត។ យ៉ាងណាក្ដី ផ្លូវក្រោមដី នៅតែអាចដំណើរការធម្មតា ដោយគ្មានរអាក់រអួលទេ។
ជាមួយគ្នានេះ នាយកដ្ឋានព្យាករណ៍ធាតុអាកាស ក៏បញ្ជាក់ដែរថា ភ្លៀងនឹងបន្តធ្លាក់ប្រចាំថ្ងៃ ព្រមគ្នានឹងព្យុះរន្ទះ រហូតដល់សប្ដាហ៍នេះ៕
Tag:
បាងកក
ទឹកជំនន់
© រក្សាសិទ្ធិដោយ thmeythmey.com
