អន្តរជាតិ
ប្រមុខសិទ្ធិមនុស្ស UN ទាមទារឲ្យមីយ៉ាន់ម៉ា បញ្ចប់ការគាបសង្កត់លើជនជាតិរ៉ូហ៊ីងយ៉ា
លោក Zeid Ra-ad al-Hussein ឧត្តមស្នងការជាន់ខ្ពស់ទទួលបន្ទុកសិទ្ធិមនុស្សរបស់ UN
×![]()
ដោយ: តន ចាន់រិទ្ធារ៉ា
តាមរយៈរបាយការណ៍របស់ខ្លួន ប្រធានស្ថាប័នសិទ្ធិមនុស្សជាន់ខ្ពស់ នៃអង្គការសហប្រជាជាតិ បានទទូចឲ្យរដ្ឋាភិបាលមីយ៉ាន់ម៉ា បញ្ឈប់រាល់ការរើសអើង និងការធ្វើទុក្ខបុកម្នេញ ទៅលើជនជាតិភាគតិចមូស្លីមរ៉ូហ៊ីងយ៉ា ក៏ដូចជាជនជាតិភាគតិចដទៃទៀត ដែលរស់នៅលើទឹកដីមីយ៉ាន់ម៉ា។ 
លោក Zeid Ra-ad al-Hussein ឧត្តមស្នងការជាន់ខ្ពស់ទទួលបន្ទុកសិទ្ធិមនុស្ស នៅថ្ងៃទី២០ ខែមិថុនា បានទាមទារឲ្យរដ្ឋាភិបាលរបស់លោកស្រី អ៊ុងសាន ស៊ូជី លុបចោលការគាបសង្កត់ និងរើសអើង ប្រឆាំងនឹងជនជាតិមូស្លីមរ៉ូហ៊ីងយ៉ា។ ក្នុងរបាយការណ៍របស់ខ្លួន ដែលទើបនឹងចេញ គេនៅតែឃើញមានការផ្លាស់ប្ដូរលំនៅ និងការរំលោភបំពានផ្លូវភេទ លើជនជាតិភាគតិច ដែលកំពុងរស់នៅតាមរដ្ឋនានា ជាពិសេសក្នុងរដ្ឋ Rakhine តែម្ដង។
ក្នុងរបាយការណ៍ ដែលមានកម្រាស់១៨ទំព័រ ក្រុមប្រឹក្សាសិទ្ធិមនុស្សអង្គការសហប្រជាជាតិ រកឃើញពីការរំលោភបំពានលើជនជាតិរ៉ូហ៊ីងយ៉ា។ បញ្ហានេះ នាំមានការលើកឡើងពីការវាយប្រហារជាប្រព័ន្ធ ដែលនោះជាឧក្រិដ្ឋកម្មប្រឆាំងមនុស្សជាតិ។ ជាមួយគ្នានេះ ក្រុមប្រឹក្សានេះ ស្នើឲ្យរដ្ឋាភិបាលមីយ៉ាន់ម៉ា លុបបំបាត់ទាំងស្រុង បទបញ្ញត្តិមានលក្ខណៈរើសអើងគ្រប់ប្រភេទ នៅរដ្ឋ Rakhine ភាគខាងលិច ដែលមានជនភៀសខ្លួនរ៉ូហ៊ីងយ៉ា និងជនភៀសខ្លួនដទៃទៀត ជាង១២ម៉ឺននាក់។
ទន្ទឹមនឹងនេះ លោក Zeid បញ្ជាក់ក្នុងរបាយការណ៍ខាងលើទៀតថា រដ្ឋាភិបាលថ្មីមីយ៉ាន់ម៉ា ជាអ្នកបន្តវេនសកម្មភាពរបស់រដ្ឋាភិបាលចាស់ ដែលបានដាក់ច្បាប់ ប៉ះពាល់ដល់សិទ្ធិមូលដ្ឋាននៃជនភាគតិច។ ជាងនេះទៅទៀត បញ្ហានិទណ្ឌភាព នៅតែកត្តាប្រឈម ដែលធ្វើឲ្យអំពើហិង្សាកើនឡើងយ៉ាងខ្លាំង។
បើតាមសារព័ត៌មាន Asia Correspondence មន្ត្រីជាន់ខ្ពស់សិទ្ធិមនុស្សរូបនេះ ប្រាប់ឲ្យដឹង ដែរថា វាអាចជារឿងពិបាកលុបបំបាត់ការរើសអើងបែបនេះ ដោយសារត្រូវការពេលវេលា និងហិរញ្ញវត្ថុ។ ប៉ុន្តែវាត្រូវតែគោលដៅចម្បង ដើម្បីបញ្ចប់អំពើហិង្សា និងរារាំងការកើតឡើងបញ្ហាដូចនេះ លើជនជាតិរ៉ូហ៊ីងយ៉ា ក៏ដូចជា ជនជាតិភាគតិចដទៃទៀត។
យ៉ាងណាក្ដី បញ្ហានេះ ទំនងជាពិបាកដោះស្រាយ ខណៈរដ្ឋាភិបាលថ្មីមីយ៉ាន់ម៉ា ហាក់ដូចជាគ្មានបំណងដោះស្រាយនោះទេ។ ក្នុងជំនួបជាមួយអ្នករាយការណ៍ពិសេសរបស់ UN ទីប្រឹក្សារដ្ឋ លោកស្រី អ៊ុងសាន ស៊ូជី បានបញ្ជាក់ជំហររបស់រដ្ឋាភិបាលមីយ៉ាន់ម៉ា ដែលមិនមានបំណងប្រើប្រាស់ពាក្យ «រ៉ូហ៊ីងយ៉ា» ឡើយ។
សូមរម្លឹកថា ជនជាតិរ៉ូហ៊ីងយ៉ា ត្រូវបានរដ្ឋាភិបាលមីយ៉ាន់ម៉ា មុនៗ ផាត់ចេញពីបញ្ជីជនជាតិភាគតិចប្រទេសនេះ និងចាត់ទុកក្រុមនេះ ជាមនុស្សគ្មានរដ្ឋ។ ជម្លោះទឹកដី និងធនធានធម្មជាតិ ក្នុងរដ្ឋ Rakhine ក្លាយជាអំពើហិង្សារវាងក្រុមភាគច្រើនពុទ្ធសាសនិក និងក្រុមជនជាតិមូស្លីមភាគតិច។ ជនជាតិរ៉ូហ៊ីងយ៉ា ជាងមួយសែន ត្រូវបង្ខំចិត្តផ្លាស់ប្ដូរលំនៅ និងត្រូវរស់នៅក្នងជំរំ៕
លោក Zeid Ra-ad al-Hussein ឧត្តមស្នងការជាន់ខ្ពស់ទទួលបន្ទុកសិទ្ធិមនុស្ស នៅថ្ងៃទី២០ ខែមិថុនា បានទាមទារឲ្យរដ្ឋាភិបាលរបស់លោកស្រី អ៊ុងសាន ស៊ូជី លុបចោលការគាបសង្កត់ និងរើសអើង ប្រឆាំងនឹងជនជាតិមូស្លីមរ៉ូហ៊ីងយ៉ា។ ក្នុងរបាយការណ៍របស់ខ្លួន ដែលទើបនឹងចេញ គេនៅតែឃើញមានការផ្លាស់ប្ដូរលំនៅ និងការរំលោភបំពានផ្លូវភេទ លើជនជាតិភាគតិច ដែលកំពុងរស់នៅតាមរដ្ឋនានា ជាពិសេសក្នុងរដ្ឋ Rakhine តែម្ដង។
ក្នុងរបាយការណ៍ ដែលមានកម្រាស់១៨ទំព័រ ក្រុមប្រឹក្សាសិទ្ធិមនុស្សអង្គការសហប្រជាជាតិ រកឃើញពីការរំលោភបំពានលើជនជាតិរ៉ូហ៊ីងយ៉ា។ បញ្ហានេះ នាំមានការលើកឡើងពីការវាយប្រហារជាប្រព័ន្ធ ដែលនោះជាឧក្រិដ្ឋកម្មប្រឆាំងមនុស្សជាតិ។ ជាមួយគ្នានេះ ក្រុមប្រឹក្សានេះ ស្នើឲ្យរដ្ឋាភិបាលមីយ៉ាន់ម៉ា លុបបំបាត់ទាំងស្រុង បទបញ្ញត្តិមានលក្ខណៈរើសអើងគ្រប់ប្រភេទ នៅរដ្ឋ Rakhine ភាគខាងលិច ដែលមានជនភៀសខ្លួនរ៉ូហ៊ីងយ៉ា និងជនភៀសខ្លួនដទៃទៀត ជាង១២ម៉ឺននាក់។
ទន្ទឹមនឹងនេះ លោក Zeid បញ្ជាក់ក្នុងរបាយការណ៍ខាងលើទៀតថា រដ្ឋាភិបាលថ្មីមីយ៉ាន់ម៉ា ជាអ្នកបន្តវេនសកម្មភាពរបស់រដ្ឋាភិបាលចាស់ ដែលបានដាក់ច្បាប់ ប៉ះពាល់ដល់សិទ្ធិមូលដ្ឋាននៃជនភាគតិច។ ជាងនេះទៅទៀត បញ្ហានិទណ្ឌភាព នៅតែកត្តាប្រឈម ដែលធ្វើឲ្យអំពើហិង្សាកើនឡើងយ៉ាងខ្លាំង។
បើតាមសារព័ត៌មាន Asia Correspondence មន្ត្រីជាន់ខ្ពស់សិទ្ធិមនុស្សរូបនេះ ប្រាប់ឲ្យដឹង ដែរថា វាអាចជារឿងពិបាកលុបបំបាត់ការរើសអើងបែបនេះ ដោយសារត្រូវការពេលវេលា និងហិរញ្ញវត្ថុ។ ប៉ុន្តែវាត្រូវតែគោលដៅចម្បង ដើម្បីបញ្ចប់អំពើហិង្សា និងរារាំងការកើតឡើងបញ្ហាដូចនេះ លើជនជាតិរ៉ូហ៊ីងយ៉ា ក៏ដូចជា ជនជាតិភាគតិចដទៃទៀត។
យ៉ាងណាក្ដី បញ្ហានេះ ទំនងជាពិបាកដោះស្រាយ ខណៈរដ្ឋាភិបាលថ្មីមីយ៉ាន់ម៉ា ហាក់ដូចជាគ្មានបំណងដោះស្រាយនោះទេ។ ក្នុងជំនួបជាមួយអ្នករាយការណ៍ពិសេសរបស់ UN ទីប្រឹក្សារដ្ឋ លោកស្រី អ៊ុងសាន ស៊ូជី បានបញ្ជាក់ជំហររបស់រដ្ឋាភិបាលមីយ៉ាន់ម៉ា ដែលមិនមានបំណងប្រើប្រាស់ពាក្យ «រ៉ូហ៊ីងយ៉ា» ឡើយ។
សូមរម្លឹកថា ជនជាតិរ៉ូហ៊ីងយ៉ា ត្រូវបានរដ្ឋាភិបាលមីយ៉ាន់ម៉ា មុនៗ ផាត់ចេញពីបញ្ជីជនជាតិភាគតិចប្រទេសនេះ និងចាត់ទុកក្រុមនេះ ជាមនុស្សគ្មានរដ្ឋ។ ជម្លោះទឹកដី និងធនធានធម្មជាតិ ក្នុងរដ្ឋ Rakhine ក្លាយជាអំពើហិង្សារវាងក្រុមភាគច្រើនពុទ្ធសាសនិក និងក្រុមជនជាតិមូស្លីមភាគតិច។ ជនជាតិរ៉ូហ៊ីងយ៉ា ជាងមួយសែន ត្រូវបង្ខំចិត្តផ្លាស់ប្ដូរលំនៅ និងត្រូវរស់នៅក្នងជំរំ៕
Tag:
មីយ៉ាន់ម៉ា
រ៉ូហ៊ីងយ៉ា
© រក្សាសិទ្ធិដោយ thmeythmey.com
