ព័ត៍មានសុខភាព
សុខភាព៖ អត្ថប្រយោជន៍របស់ផ្លែធុរ៉េន
×
ធុរ៉េនគឺជាផ្លែឈើដែលមនុស្សភាគច្រើនចូលចិត្តញ៉ាំបំផុត ព្រោះវាមានរសជាតិផ្អែម និងឆ្ងាញ់ ហើយក៏មានអ្នកខ្លះមិនចូលចិត្តពិសារដែរ ដោយសារតែក្លិនរបស់វា។ ដូចនេះចំពោះអ្នកដែលមិនចូលចិត្តបរិភោគគួរតែចាប់ផ្តើមសាកល្បងញ៉ាំវាបន្តិច ព្រោះវាអាចផ្តល់អត្ថប្រយោជន៍ដល់សុខភាពអ្នកបាន។ ដូចនេះតើវាអាចផ្តល់អ្វីខ្លះដល់រាងកាយអ្នកទៅ?
នៅក្នុងផ្លែធុរ៉េននេះមានសារធាតុចិញ្ចឹមជាច្រើនដែលអាចជួយធ្វើឲ្យរាងកាយអ្នកមានភាពរឹងមាំ នោះអ្នកនឹងមានសុខភាពល្អជាមិនខាន។ ម្យ៉ាងទៀតវាក៏អាចជួយប៉ូវក្រលៀនអ្នកដែរ។ ជាងនេះទៅទៀតប្រសិនជាអ្នកមានអាការៈឈឺពោះពេលមករដូវ អ្នកអាចញ៉ាំវាបាន នោះវានឹងជួយធ្វើឲ្យអ្នកមានអាការៈធូរស្រាលជាងមុន ។ ថ្វីត្បិតតែផ្លែធុរ៉េននេះមានសារធាតុចិញ្ចឹមច្រើន ប៉ុន្តែអ្នកមិនអាចញ៉ាំច្រើនពេកនោះទេ ព្រោះវាអាចធ្វើឲ្យអ្នកមានអាការៈក្តៅក្នុង ដូចនេះក្រោយពេលដែលអ្នកពិសារហើយ អ្នកអាចយកអំបិលបន្តិចលាយជាមួយទឹក ហើយញ៉ាំ នោះអ្នកនឹងមិនងាយកើតមានអាការៈក្តៅក្នុងឡើយ។ ហើយចំពោះអ្នកដែលមានជំងឺទឹកនោមផ្អែមមិនគួរពិសារឡើយ ព្រោះវាមានជាតិស្ករខ្ពស់ដែលអាចធ្វើឲ្យជំងឺអ្នកកាន់តែធ្ងន់ធ្ងរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com