អន្តរជាតិ
×![]()
ដោយ: តន ចាន់រិទ្ធារ៉ា
ខណៈដែលបក្សសម្ព័ន្ធយោធា NATO កំពុងរៀបចំផែនការបញ្ជូនទ័ពទៅកាន់ប្រទេសតំបន់អឺរ៉ុបជាប់ព្រំដែនរុស្សី ប្រទេសកាណាដា ក៏នឹងរួមចំណែកក្នុងការងារនេះ ដោយបញ្ជូនទ័ពរបស់ខ្លួនមួយចំនួន ទៅជួយ NATO ផងដែរ។ ព្រមគ្នានឹងការបញ្ជូនទ័ពនេះ កាណាដា បញ្ជាក់ដែរថា ខ្លួនត្រៀមចរចាជាមួយរុស្សីជានិច្ច ដើម្បីបញ្ចុះកម្ដៅតានតឹង។
រដ្ឋាភិបាលកាណាដា បញ្ជាក់នៅថ្ងៃទី៣០ ខែមិថុនា ថា ខ្លូននឹងបញ្ជូនទ័ពទៅចូលរួមជាមួយកងកម្លាំង NATO ចំនួន៤ពាន់នាក់ ដែលនឹងពង្រាយនៅតាមព្រំដែនជាមួយរុស្សី។ NATO រៀបចំផែនការបញ្ជូនទៅកាន់ប្រទេសជាប់ព្រំដែនរុស្សី ដើម្បីទប់ទល់នឹងរុស្សី ដែលកំពុងតែមានសកម្មភាពយោធាខ្លាំងក្នុងតំបន់នេះ។
កាណាដា អាមេរិក អាល្លឺម៉ង់ និងចក្រភពអង់គ្លេស នឹងដឹកនាំកងវរសេនាតូចចំនួនមួយរៀងៗខ្លួន ក្នុងអង្គភាពថ្មី ដែលនឹងត្រូវបង្កើត។ អង្គភាពនេះ នឹងជួយប្រទេសដែលជាប់ព្រំដែនរុស្សី ពីការគំរាមកំហែងណាមួយ ដូចដែលធ្លាប់កើតឡើងក្នុងឆ្នាំ២០១៤ ពេលរុស្សីលេបយកតំបន់គ្រីមេ។ រដ្ឋមន្ត្រីការពារជាតិកាណាដា លោក Harjit Sajjan ដែលរិះគន់សកម្មភាពរុស្សី មិនបានផ្ដល់ព័ត៌មានលម្អិតនោះទេ ប៉ុន្តែអ្នកការទូត NATO និយាយថា កងទ័ពកាណាដា នឹងតាំងនៅឡាត់វី។
រដ្ឋមន្ត្រីការពារជាតិ បានប្រកាសពីព័ត៌មាននេះ មួយថ្ងៃបន្ទាប់ពីប្រធានាធិបតីអាមេរិក បារ៉ាក់ អូបាម៉ា ថ្លែងទៅកាន់សភាកាណាដា ដោយលោកអូបាម៉ា ប្រាប់ថា កាណាដាណ ត្រូវតែចូលរួមជាមួយ NATO ឲ្យបានច្រើន។ ទីភ្នាក់ងារព័ត៌មាន Reuters ផ្សាយថា ក្នុងពេលសម្ភាសន៍តាមទូរសព្ទ លោក Harjit Sajjan និយាយថា ក្នុងនាមជាសមាជិក NATO យើងចាំបាច់ផ្ញើសារខ្លាំងៗទៅរុស្សី។
សូមបញ្ជាក់ថា កាលពីដើមខែមិថុនា ក្រុងវ៉ាស៊ីនតោន បានស្នើសុំជំនួយពីកាណាដា ដើម្បីបង្កើតកងកម្លាំងទ័ព ព្រោះសមាជិកដទៃទៀតរបស់បក្សសម្ព័ន្ធយោធា NATO ហាក់ដូចជារារែកចិត្ត។ សរសេរលើទំព័រ Twitter របស់លោក អគ្គលេខាធិការ NATO លោក Jens Stoltenberg និយាយថា៖« អរគុណ! កាណាដា។ ពេលនេះកងវរសេនាតូចទាំងបួនមានអ្នកដឹកនាំហើយ»។
ជាមួយគ្នានេះ នាយករដ្ឋមន្ត្រីកាណាដា លោក Justin Trudeau នឹងបង្ហាញពីការចូលរួមរបស់ប្រទេសលោក ក្នុងកិច្ចប្រជុំកំពូល NATO នៅប៉ូឡូញ នាសប្ដាហ៍ក្រោយនេះ។ សកម្មភាពរុស្សី នាពេលកន្លងមក មិនបានធ្វើឲ្យកាណាដា សប្បាយចិត្តនោះទេ ហើយរដ្ឋាភិបាលលោក Trudeau ថែមទាំងដាក់ទណ្ឌកម្មជាច្រើនលើរុស្សី ដែលរួមទាំងវិស័យសេដ្ឋកិច្ច អ្នកជំនួញ និងផ្នែកជាច្រើនទៀត៕
រដ្ឋាភិបាលកាណាដា បញ្ជាក់នៅថ្ងៃទី៣០ ខែមិថុនា ថា ខ្លូននឹងបញ្ជូនទ័ពទៅចូលរួមជាមួយកងកម្លាំង NATO ចំនួន៤ពាន់នាក់ ដែលនឹងពង្រាយនៅតាមព្រំដែនជាមួយរុស្សី។ NATO រៀបចំផែនការបញ្ជូនទៅកាន់ប្រទេសជាប់ព្រំដែនរុស្សី ដើម្បីទប់ទល់នឹងរុស្សី ដែលកំពុងតែមានសកម្មភាពយោធាខ្លាំងក្នុងតំបន់នេះ។
កាណាដា អាមេរិក អាល្លឺម៉ង់ និងចក្រភពអង់គ្លេស នឹងដឹកនាំកងវរសេនាតូចចំនួនមួយរៀងៗខ្លួន ក្នុងអង្គភាពថ្មី ដែលនឹងត្រូវបង្កើត។ អង្គភាពនេះ នឹងជួយប្រទេសដែលជាប់ព្រំដែនរុស្សី ពីការគំរាមកំហែងណាមួយ ដូចដែលធ្លាប់កើតឡើងក្នុងឆ្នាំ២០១៤ ពេលរុស្សីលេបយកតំបន់គ្រីមេ។ រដ្ឋមន្ត្រីការពារជាតិកាណាដា លោក Harjit Sajjan ដែលរិះគន់សកម្មភាពរុស្សី មិនបានផ្ដល់ព័ត៌មានលម្អិតនោះទេ ប៉ុន្តែអ្នកការទូត NATO និយាយថា កងទ័ពកាណាដា នឹងតាំងនៅឡាត់វី។
រដ្ឋមន្ត្រីការពារជាតិ បានប្រកាសពីព័ត៌មាននេះ មួយថ្ងៃបន្ទាប់ពីប្រធានាធិបតីអាមេរិក បារ៉ាក់ អូបាម៉ា ថ្លែងទៅកាន់សភាកាណាដា ដោយលោកអូបាម៉ា ប្រាប់ថា កាណាដាណ ត្រូវតែចូលរួមជាមួយ NATO ឲ្យបានច្រើន។ ទីភ្នាក់ងារព័ត៌មាន Reuters ផ្សាយថា ក្នុងពេលសម្ភាសន៍តាមទូរសព្ទ លោក Harjit Sajjan និយាយថា ក្នុងនាមជាសមាជិក NATO យើងចាំបាច់ផ្ញើសារខ្លាំងៗទៅរុស្សី។
សូមបញ្ជាក់ថា កាលពីដើមខែមិថុនា ក្រុងវ៉ាស៊ីនតោន បានស្នើសុំជំនួយពីកាណាដា ដើម្បីបង្កើតកងកម្លាំងទ័ព ព្រោះសមាជិកដទៃទៀតរបស់បក្សសម្ព័ន្ធយោធា NATO ហាក់ដូចជារារែកចិត្ត។ សរសេរលើទំព័រ Twitter របស់លោក អគ្គលេខាធិការ NATO លោក Jens Stoltenberg និយាយថា៖« អរគុណ! កាណាដា។ ពេលនេះកងវរសេនាតូចទាំងបួនមានអ្នកដឹកនាំហើយ»។
ជាមួយគ្នានេះ នាយករដ្ឋមន្ត្រីកាណាដា លោក Justin Trudeau នឹងបង្ហាញពីការចូលរួមរបស់ប្រទេសលោក ក្នុងកិច្ចប្រជុំកំពូល NATO នៅប៉ូឡូញ នាសប្ដាហ៍ក្រោយនេះ។ សកម្មភាពរុស្សី នាពេលកន្លងមក មិនបានធ្វើឲ្យកាណាដា សប្បាយចិត្តនោះទេ ហើយរដ្ឋាភិបាលលោក Trudeau ថែមទាំងដាក់ទណ្ឌកម្មជាច្រើនលើរុស្សី ដែលរួមទាំងវិស័យសេដ្ឋកិច្ច អ្នកជំនួញ និងផ្នែកជាច្រើនទៀត៕
Tag:
កាណាដា
NATO
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
