អន្តរជាតិ
×![]()
ដោយ: តន ចាន់រិទ្ធារ៉ា
ស្ថាប័នគ្រប់គ្រងប្រព័ន្ធអ៊ីនធើណែត នឹងចាប់ផ្ដើមយុទ្ធនាការបង្ក្រាបព័ត៌មាន ដែលយកប្រភពមកពីបណ្ដាញសង្គមផ្សេងៗ។ រដ្ឋាភិបាលចិន ចាត់ទុកយុទ្ធនាការនេះ ជាការបោសសម្អាតព័ត៌មានមិនពិត និងការចែកចាយពីចចាមអារាម ដែលងាយនឹងបង្កចលាចល និងអស្ថិរភាពនៅក្នុងសង្គម។
រដ្ឋបាលគ្រប់គ្រងប្រព័ន្ធ Cyber របស់រដ្ឋាភិបាលចិន បានចេញសេចក្ដីប្រកាសមួយ តម្រូវឲ្យសារព័ត៌មាននៅលើអ៊ីនធើណែតទាំងអស់ ដែលយកព័ត៌មានពីបណ្ដាញសង្គមទៅផ្សព្វផ្សាយ ចាំចាច់មានការយល់ព្រមជាមុនសិន។ សេចក្ដីប្រកាស ដែលចេញនៅថ្ងៃទី៣ គឺជាយុទ្ធនាការបោសសម្អាតព័ត៌មានក្លែងក្លាយ ក្នុងគោលដៅចៀសវាង បង្កអសន្តិសុខ និងការចែកចាយព័ត៌មានមិនពិត។
សេចក្ដីប្រកាសខាងលើ បន្តថា ការប្រើប្រាស់ដំណឹងប្រាប់តគ្នា ឬការយកការសន្និដ្ឋានសម្រាប់ធ្វើជាព័ត៌មាន ក៏ដូចជាការប្រើប្រាស់រូបភាព ដើម្បីបង្ខូចការពិតត្រូវបានហាមឃាត់ដាច់ខាត។ តាមរយៈសេចក្ដីប្រកាសដដែល ស្ថាប័នគ្រប់គ្រងប្រព័ន្ធអ៊ីនធើណែតមួយនេះ ក៏បានប្រាប់ឲ្យមន្ត្រីពាក់ព័ន្ធគ្រប់ជាន់ថ្នាក់ ត្រូវបំពេញភារកិច្ចរបស់ខ្លួន ចំពោះការគ្រប់គ្រងអ៊ីនធើណែត។ ជាងនេះទៅទៀត ត្រូវពិនិត្យ ស៊ើបអង្កេត និងដោះស្រាយនឹងព័ត៌មានដែលមិនពិត។
វិធានការថ្មីនេះ គឺជាការបន្ថែមលើគោលនយោបាយចាស់ ដែលដាក់ចេញដើម្បីបង្កើនការត្រួតពិនិត្យលើប្រព័ន្ធអ៊ីនធើណែត។ កន្លងមក រដ្ឋាភិបាលចិន បានអនុវត្តការរឹតត្បិតយ៉ាងខ្លាំង លើសេរីភាពនៃការប្រើប្រាស់អ៊ីនធើណែត។ ហើយក្រុងប៉េកាំង ក៏គ្រោងនឹងដាក់បញ្ញត្តិមួយចំនួន ឲ្យក្លាយទៅជាច្បាប់ផងដែរ។
បើតាមទីភ្នាក់ងារព័ត៌មាន Reuters មន្ត្រីនៃរដ្ឋាភិបាលក្រុងប៉េកាំង អះអាងថា ការរឹតត្បិតការប្រើប្រាស់អ៊ីនធើណែត ដោយរួមទាំងការហាមឃាត់ការប្រើប្រាស់ គេហទំព័រល្បីដូចជា Google ឬFacebook ជាដើមនោះ គឺជាការចាំចាច់ ក្នុងការធានាសន្តិសុខ។ នេះក៏ដោយសារតែការគំរាមកំហែងលើសន្តិសុខ មានការកើនឡើងកាន់តែច្រើន ដូចជា ភេរវកម្ម។
របបក្រុងប៉េកាំង បានដាក់ការរឹតត្បិតលើបណ្ដាញសង្គម និងគេហទំព័រ ដែលភាគច្រើនមានប្រភពមកពីបស្ចឹមប្រទេស ដូចជា Facebook, Twitter ឬក៏Google ជាដើម។ សេរីភាពបញ្ចេញមតិ ក៏ត្រូវរឹតត្បិតកាន់តែខ្លាំងថែមទៀត ជាក់ស្ដែងនោះ ការប្រើប្រាស់បណ្ដាញសង្គម ត្រូវបានតាមដានយ៉ាងដិតដល់ ហើយបណ្ដាញសង្គមខ្លះ ប្រើបានតែក្នុងកន្លែងកំណត់ប៉ុណ្ណោះ៕
រដ្ឋបាលគ្រប់គ្រងប្រព័ន្ធ Cyber របស់រដ្ឋាភិបាលចិន បានចេញសេចក្ដីប្រកាសមួយ តម្រូវឲ្យសារព័ត៌មាននៅលើអ៊ីនធើណែតទាំងអស់ ដែលយកព័ត៌មានពីបណ្ដាញសង្គមទៅផ្សព្វផ្សាយ ចាំចាច់មានការយល់ព្រមជាមុនសិន។ សេចក្ដីប្រកាស ដែលចេញនៅថ្ងៃទី៣ គឺជាយុទ្ធនាការបោសសម្អាតព័ត៌មានក្លែងក្លាយ ក្នុងគោលដៅចៀសវាង បង្កអសន្តិសុខ និងការចែកចាយព័ត៌មានមិនពិត។
សេចក្ដីប្រកាសខាងលើ បន្តថា ការប្រើប្រាស់ដំណឹងប្រាប់តគ្នា ឬការយកការសន្និដ្ឋានសម្រាប់ធ្វើជាព័ត៌មាន ក៏ដូចជាការប្រើប្រាស់រូបភាព ដើម្បីបង្ខូចការពិតត្រូវបានហាមឃាត់ដាច់ខាត។ តាមរយៈសេចក្ដីប្រកាសដដែល ស្ថាប័នគ្រប់គ្រងប្រព័ន្ធអ៊ីនធើណែតមួយនេះ ក៏បានប្រាប់ឲ្យមន្ត្រីពាក់ព័ន្ធគ្រប់ជាន់ថ្នាក់ ត្រូវបំពេញភារកិច្ចរបស់ខ្លួន ចំពោះការគ្រប់គ្រងអ៊ីនធើណែត។ ជាងនេះទៅទៀត ត្រូវពិនិត្យ ស៊ើបអង្កេត និងដោះស្រាយនឹងព័ត៌មានដែលមិនពិត។
វិធានការថ្មីនេះ គឺជាការបន្ថែមលើគោលនយោបាយចាស់ ដែលដាក់ចេញដើម្បីបង្កើនការត្រួតពិនិត្យលើប្រព័ន្ធអ៊ីនធើណែត។ កន្លងមក រដ្ឋាភិបាលចិន បានអនុវត្តការរឹតត្បិតយ៉ាងខ្លាំង លើសេរីភាពនៃការប្រើប្រាស់អ៊ីនធើណែត។ ហើយក្រុងប៉េកាំង ក៏គ្រោងនឹងដាក់បញ្ញត្តិមួយចំនួន ឲ្យក្លាយទៅជាច្បាប់ផងដែរ។
បើតាមទីភ្នាក់ងារព័ត៌មាន Reuters មន្ត្រីនៃរដ្ឋាភិបាលក្រុងប៉េកាំង អះអាងថា ការរឹតត្បិតការប្រើប្រាស់អ៊ីនធើណែត ដោយរួមទាំងការហាមឃាត់ការប្រើប្រាស់ គេហទំព័រល្បីដូចជា Google ឬFacebook ជាដើមនោះ គឺជាការចាំចាច់ ក្នុងការធានាសន្តិសុខ។ នេះក៏ដោយសារតែការគំរាមកំហែងលើសន្តិសុខ មានការកើនឡើងកាន់តែច្រើន ដូចជា ភេរវកម្ម។
របបក្រុងប៉េកាំង បានដាក់ការរឹតត្បិតលើបណ្ដាញសង្គម និងគេហទំព័រ ដែលភាគច្រើនមានប្រភពមកពីបស្ចឹមប្រទេស ដូចជា Facebook, Twitter ឬក៏Google ជាដើម។ សេរីភាពបញ្ចេញមតិ ក៏ត្រូវរឹតត្បិតកាន់តែខ្លាំងថែមទៀត ជាក់ស្ដែងនោះ ការប្រើប្រាស់បណ្ដាញសង្គម ត្រូវបានតាមដានយ៉ាងដិតដល់ ហើយបណ្ដាញសង្គមខ្លះ ប្រើបានតែក្នុងកន្លែងកំណត់ប៉ុណ្ណោះ៕
Tag:
ចិន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
