អន្តរជាតិ
គ្រាប់បែកអត្តឃាតវាយប្រហារព្រមគ្នា ក្នុងទីក្រុងបីរបស់អារ៉ាប៊ីសាអូឌីត
×![]()
ដោយ: តន ចាន់រិទ្ធារ៉ា
ក្នុងពេលតែមួយថ្ងៃ ទីក្រុងចំនួនបី របស់អារ៉ាប៊ីសាអូឌីត បានរងការវាយប្រហារដោយគ្រាប់បែកអត្តឃាតព្រមៗគ្នា និងបានសម្លាប់មនុស្សមួយចំនួនផងដែរ។ ការវាយប្រហារបន្តបន្ទាប់គ្នានេះ ធ្វើឡើង ខណៈអារ៉ាប៊ី សាអូឌីត កំពុងរៀបចំពិធីបុណ្យស្រាយបួស បញ្ចប់ខែ Ramadan របស់សាសនាឥស្លាម។
ប៉ុន្មានថ្ងៃក្រោយការវាយប្រហារនៅតួកគី និងអ៊ីរ៉ាក់ អ្នកវាយប្រហារគ្រាប់បែកអត្តឃាត បានបំផ្ទុះខ្លួនឯង នៅទីក្រុងចំនួនបី នៅអារ៉ាប៊ី សាអូឌីត ដោយបានសម្លាប់មន្ត្រីសន្តិសុខយ៉ាងតិចបួននាក់។ ការវាយប្រហារនេះ ដូចជាចំពេលដែលពិធីបុណ្យបញ្ចប់ខែRamadan កាន់តខិតមកដល់ និងជាពេលដែលប្រជាជនកាន់សាសនាឥស្លាម ជួបជុំគ្នាផងដែរ។
ការវាយប្រហារកើតឡើងក្នុងទីក្រុង Qatif នៅក្បែរស្ថានកុងស៊ុលរបស់អាមេរិក តំបន់ពិសិដ្ឋរបស់ក្រុមនិកាយស៊ីអ៊ីតនៅ Jeddah និងស្នាក់ការសន្តិសុខនៅទីក្រុង Medina។ អ្នកនាំពាក្យសន្តិសុខអារ៉ាប៊ី សាអូឌីត បានប្រាប់ទីភ្នាក់ងារព័ត៌មាន SPA ថា អ្នកបំផ្ទុះគ្រាប់បែក បានបំផ្ទុះខ្លួនឯងនៅកន្លែងចតរថយន្តខាងក្រៅផ្នូរព្យាការីម៉ូហាម៉ាត់ ក្នុងទីក្រុងMedina ដែលជាទីក្រុងពិសិដ្ឋទីពីររបស់ឥស្លាម។ កម្លាំងសន្តិសុខបួននាក់ បាត់បង់ជីវិត និងប្រាំនាក់ផ្សេងទៀតរបួស។
បើតាមទីភ្នាក់ងារព័ត៌មាន Reuters មន្ត្រីសន្តិសុខអារ៉ាប៊ី សាអូឌីត ម្នាក់និយាយដែរថា ជនវាយប្រហារម្នាក់ទៀតបានចតឡាននៅក្បែរស្ថានកុងស៊ុល ក្នុងទីក្រុង Jeddah នៅមុនពេលបំផ្ទុះឡាននោះ។ បើតាមវីដេអូដែលថតបាន គេឃើញឡានកំពុងឆេះ នៅកន្លែងចត និងឃើញមានឡានស៊ីរ៉ែន នៅកន្លែងកើតហេតុ។
ជាមួយគ្នានោះ រូបភាពជាច្រើន ត្រូវបានបង្ហោះនៅលើបណ្ដាញសង្គម ដែលបង្ហាញពីផ្សែងខ្មៅហុយទ្រលោម នៅក្បែរវិហារព្យាការីម៉ូហាម៉ាត់ ដែលកសាងក្នុងសតវត្សរ៍ទី៧។ ការវាយប្រហារនៅ Jeddah គឺជាការវាយប្រហារលើកទីមួយក្នុងឆ្នាំនេះ ដែលមានទិសដៅលើជនបរទេសក្នុងរាជាណាចក្រមួយនេះ។
នៅឯទីក្រុង Qatif ដែលជាទីក្រុងសម្បូរជនមូស្លីមស៊ីអ៊ីត គ្រាប់មួយ និងគ្រឿងផ្ទុះពីរទៀតបានផ្ទុះនៅក្បែរវិហារស៊ីអ៊ីត។ អ្នកនាំពាក្យសន្តិសុខនិយាយថា ខ្លួនប្រាណរបស់អ្នកបំផ្ទុះគ្រាប់បែក និងសាកសពមនុស្សពីរនាក់ទៀត ត្រូវបានរកឃើញ។ ប៉ុន្តែភ្លាមៗក្រោយការបំផ្ទុះ គេមិនឃើញមានក្រុមណា ចេញមកទទួលខុសត្រូវនោះទេ៕
ប៉ុន្មានថ្ងៃក្រោយការវាយប្រហារនៅតួកគី និងអ៊ីរ៉ាក់ អ្នកវាយប្រហារគ្រាប់បែកអត្តឃាត បានបំផ្ទុះខ្លួនឯង នៅទីក្រុងចំនួនបី នៅអារ៉ាប៊ី សាអូឌីត ដោយបានសម្លាប់មន្ត្រីសន្តិសុខយ៉ាងតិចបួននាក់។ ការវាយប្រហារនេះ ដូចជាចំពេលដែលពិធីបុណ្យបញ្ចប់ខែRamadan កាន់តខិតមកដល់ និងជាពេលដែលប្រជាជនកាន់សាសនាឥស្លាម ជួបជុំគ្នាផងដែរ។
ការវាយប្រហារកើតឡើងក្នុងទីក្រុង Qatif នៅក្បែរស្ថានកុងស៊ុលរបស់អាមេរិក តំបន់ពិសិដ្ឋរបស់ក្រុមនិកាយស៊ីអ៊ីតនៅ Jeddah និងស្នាក់ការសន្តិសុខនៅទីក្រុង Medina។ អ្នកនាំពាក្យសន្តិសុខអារ៉ាប៊ី សាអូឌីត បានប្រាប់ទីភ្នាក់ងារព័ត៌មាន SPA ថា អ្នកបំផ្ទុះគ្រាប់បែក បានបំផ្ទុះខ្លួនឯងនៅកន្លែងចតរថយន្តខាងក្រៅផ្នូរព្យាការីម៉ូហាម៉ាត់ ក្នុងទីក្រុងMedina ដែលជាទីក្រុងពិសិដ្ឋទីពីររបស់ឥស្លាម។ កម្លាំងសន្តិសុខបួននាក់ បាត់បង់ជីវិត និងប្រាំនាក់ផ្សេងទៀតរបួស។
បើតាមទីភ្នាក់ងារព័ត៌មាន Reuters មន្ត្រីសន្តិសុខអារ៉ាប៊ី សាអូឌីត ម្នាក់និយាយដែរថា ជនវាយប្រហារម្នាក់ទៀតបានចតឡាននៅក្បែរស្ថានកុងស៊ុល ក្នុងទីក្រុង Jeddah នៅមុនពេលបំផ្ទុះឡាននោះ។ បើតាមវីដេអូដែលថតបាន គេឃើញឡានកំពុងឆេះ នៅកន្លែងចត និងឃើញមានឡានស៊ីរ៉ែន នៅកន្លែងកើតហេតុ។
ជាមួយគ្នានោះ រូបភាពជាច្រើន ត្រូវបានបង្ហោះនៅលើបណ្ដាញសង្គម ដែលបង្ហាញពីផ្សែងខ្មៅហុយទ្រលោម នៅក្បែរវិហារព្យាការីម៉ូហាម៉ាត់ ដែលកសាងក្នុងសតវត្សរ៍ទី៧។ ការវាយប្រហារនៅ Jeddah គឺជាការវាយប្រហារលើកទីមួយក្នុងឆ្នាំនេះ ដែលមានទិសដៅលើជនបរទេសក្នុងរាជាណាចក្រមួយនេះ។
នៅឯទីក្រុង Qatif ដែលជាទីក្រុងសម្បូរជនមូស្លីមស៊ីអ៊ីត គ្រាប់មួយ និងគ្រឿងផ្ទុះពីរទៀតបានផ្ទុះនៅក្បែរវិហារស៊ីអ៊ីត។ អ្នកនាំពាក្យសន្តិសុខនិយាយថា ខ្លួនប្រាណរបស់អ្នកបំផ្ទុះគ្រាប់បែក និងសាកសពមនុស្សពីរនាក់ទៀត ត្រូវបានរកឃើញ។ ប៉ុន្តែភ្លាមៗក្រោយការបំផ្ទុះ គេមិនឃើញមានក្រុមណា ចេញមកទទួលខុសត្រូវនោះទេ៕
Tag:
អារ៉ាប៊ីសាអូឌីត
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
