ជាតិ
×![]()
អង្គការ Global Witness តាមរយៈរបាយការណ៍ Hostile Takeover បានទម្លាយឯកសារនានាពាក់ព័ន្ធនឹងសាជីវកម្មរបស់គ្រួសារសម្តេចនាយករដ្ឋមន្ត្រី ហ៊ុន សែន។ របាយការណ៍បានលើកឡើងថា គ្រួសារបុរសខ្លាំង បានក្តោបក្តាប់ក្រុមហ៊ុនក្នុងស្រុកជាង១០០ និងបានភាគលាភពីក្រុមហ៊ុន Brand ល្បីៗ ។ អ្នកនាំពាក្យគណបក្សប្រជាជនកម្ពុជាលោក សុខ ឥសាន ច្រានចោលរបាយការណ៍របស់ Global Witness ដោយលោកចាត់ទុកថា របាយការណ៍នេះបានវិនិច្ឆ័យ ក្នុងផ្លូវលម្អៀង ដោយឃើញស ថាខ្មៅ។
របាយការណ៍ Hostile Takeover (បណ្តាញនៃក្រុមហ៊ុនដ៏មហិមារបស់គ្រួសារកាន់អំណាចនៅកម្ពុជា) ដែលចេញផ្សាយដោយអង្គការ Global Witness ពីទីក្រុងឡុងដ៍ ប្រទេសអង់គ្លេសនៅថ្ងៃព្រហស្បតិ៍ ទី៧ ខែកក្កដា នេះ បានផ្តល់ទិន្នន័យនានាទាក់ទងនឹងសារជីវកម្មគ្រួសារសម្តេចនាយករដ្ឋមន្ត្រី ហ៊ុន សែន ដែលបានដឹកនាំកម្ពុជាអស់រយៈពេលជាង៣០ឆ្នាំ។
តាមរបាយការណ៍ សម្តេចនាយករដ្ឋមន្ត្រី ហ៊ុន សែន បានប្រកាសទ្រព្យសម្បត្តិជាសាធារណៈដល់អង្គភាពប្រឆាំងអំពើពុករលួយកាលពីឆ្នាំ២០១១ ដោយបានអះអាងប្រភពចំណូលតែមួយគត់របស់សម្តេច មានចំនួន១១៥០ដុល្លារអាមេរិកក្នុងមួយខែ ឬ១៣៨០០ដុល្លារអាមេរិកក្នុងមួយឆ្នាំ។ ទាក់ទងនឹងបញ្ហានេះ Global Witness បានដាក់ការងឿងឆ្ងល់ ដោយសារតែអ្នកជំនាញការនានាប៉ាន់ស្មានថា គ្រួសារសម្តេច ហ៊ុន សែន មានទ្រព្យចន្លោះពី៥០០លាន ទៅ១០០០លានដុល្លារអាមេរិកឯណោះ។
Global Witness បានចោទប្រកាន់សម្តេច ហ៊ុន សែន ថា បានបំពានលើតួនាទីខ្លួនក្នុងនាមជានាយករដ្ឋមន្ត្រីដើម្បីអនុញ្ញាតឲ្យសាច់ញាតិមានការកាន់កាប់ទាំងស្រុង ឬក៏មានចំណែកភាគច្រើនក្នុងឧស្សហកម្មសំខាន់ៗ ហើយក៏ជាមធ្យោបាយមួយក្នុងការធានាឲ្យបាននូវបន្ទាយនយោបាយដ៏រឹងមាំ។
របាយការណ៍ បានអះអាងពីការរកឃើញប្រភពចំណូលសំខាន់របស់គ្រួសារសម្តេចនាយករដ្ឋមន្ត្រី រួមមានដូចជាការទទួលបានផលលាភនានាពីក្រុមហ៊ុនក្នុងស្រុកចំនួន១១៤ដែលមានដើមទុនក្នុងបញ្ជីសរុបចំនួន២០០លានដុល្លារអាមេរិក ហើយអាជីវកម្មដែលផ្តល់ប្រាក់ចំណេញបំផុតគឺលើវិស័យពាណិជ្ជកម្មដោះដូរទំនិញ ហិរញ្ញវត្ថុ ថាមពល និងទេសចរណ៍។
ជាមួយគ្នានេះផងដែរ Global Witness បានរកឃើញថា សមាជិកគ្រួសារត្រកូល ហ៊ុន មានសម្ព័ន្ធអាជីវកម្មជាមួយក្រុមហ៊ុនម៉ាកលំដាប់ពិភពលោក ដូចជា Visa, Unilever, Proctor & Gamble, Honda, Apple, Cannon និង Nokia ជាដើម។
អង្គការជំនាញស៊ើបអង្កេតដែលមានមូលដ្ឋាននៅទីក្រុងឡុងដ៍ ប្រទេសអង់គ្លេសមួយនេះ បានអះអាងថា ក្រុមការងារស៊ើបអង្កេតរបស់ខ្លួនបានចំណាយពេលជាច្រើនខែដើម្បីជីកកកាយរកទិន្នន័យទាក់ទងនឹងកម្មសិទ្ធិក្នុងក្រុមហ៊ុននៅកម្ពុជា។ Global Witness អះអាងផងដែរថា ពួកគេបានសរសេរលិខិតផ្ញើជូនសមាជិក២៥រូបក្នុងគ្រួសារត្រកូល ហ៊ុន រួមទាំងក្រុមហ៊ុន និងស្ថាប័នពាក់ព័ន្ធនានាដើម្បីសុំប្រតិកម្មតបត ប៉ុន្តែពួកគេទទួលបានការឆ្លើយតបតែពីលោក សុខ ពុទ្ធីវុទ្ធ ដែលជាកូនប្រសាររបស់សម្តេច ហ៊ុន សែន និងពីសំណាក់ក្រុមហ៊ុន/ស្ថាប័នចំនួន៦ប៉ុណ្ណោះ។
ជុំវិញការផ្សាយរបាយការណ៍របស់ Global Witness ហើយទទួលនូវការចាប់អារម្មណ៍ពីបណ្តាសារព័ត៌មានធំៗនៅលើពិភពលោក អ្នកនាំពាក្យគណបក្សប្រជាជនកម្ពុជាលោក សុខ ឥសាន ច្រានចោលភ្លាមៗដោយលោកចាត់ទុកថា របាយការណ៍នេះបានវិនិច្ឆ័យ ក្នុងផ្លូវលម្អៀង ដោយឃើញស ថាខ្មៅ។
លោក សុខ ឥសាន បានបញ្ជាក់ប្រាប់សារព័ត៌មានថ្មីៗ ថា សាជីវកម្មរបស់ក្រុមគ្រួសារសម្ដេច ហ៊ុន សែន គឺអនុវត្តស្របតាមនីតិវិធីច្បាប់នៃប្រទេសកម្ពុជា។ អ្នកនាំពាក្យរូបនេះ បានប្រតិកម្មតបយ៉ាងដូច្នេះថា៖«វាមិនមានអ្វីចម្លែកទេ ព្រោះGlobal Witness តែងតែចេញរបាយការណ៍ចង្អៀតចង្អល់ ទោះបីជាល្អក៏ Global Witness មើលមកក្នុងផ្លូវអាក្រក់ដែរ។ សាជីវកម្មក្រុមគ្រួសារសម្ដេច គឺធ្វើត្រឹមត្រូវតាមគោលការណ៍នីតិវិធីច្បាប់របស់កម្ពុជា ព្រោះកម្ពុជា មានស្ថាប័នប្រឆាំងអំពើពុករលួយ ក្រសួងពាណិជ្ជកម្មជាអ្នកតាមដានត្រួតពិនិត្យវាយតម្លៃលើជំនួញ…ហើយបើនិយាយពីជំនួញក្នុងវិស័យធំៗ តែគេឃើញចំណេញគឺគេវិនិយោគហើយ ព្រោះអ្នកណាក៏ចង់ចំណេញដែរ តែឲ្យត្រូវតាមច្បាប់ ដូច្នេះ Global Witness គួរតែមើលច្បាប់ប្រទេសកម្ពុជាឲ្យបានច្បាស់មុននឹងចេញរបាយការណ៍»៕
របាយការណ៍ Hostile Takeover (បណ្តាញនៃក្រុមហ៊ុនដ៏មហិមារបស់គ្រួសារកាន់អំណាចនៅកម្ពុជា) ដែលចេញផ្សាយដោយអង្គការ Global Witness ពីទីក្រុងឡុងដ៍ ប្រទេសអង់គ្លេសនៅថ្ងៃព្រហស្បតិ៍ ទី៧ ខែកក្កដា នេះ បានផ្តល់ទិន្នន័យនានាទាក់ទងនឹងសារជីវកម្មគ្រួសារសម្តេចនាយករដ្ឋមន្ត្រី ហ៊ុន សែន ដែលបានដឹកនាំកម្ពុជាអស់រយៈពេលជាង៣០ឆ្នាំ។
តាមរបាយការណ៍ សម្តេចនាយករដ្ឋមន្ត្រី ហ៊ុន សែន បានប្រកាសទ្រព្យសម្បត្តិជាសាធារណៈដល់អង្គភាពប្រឆាំងអំពើពុករលួយកាលពីឆ្នាំ២០១១ ដោយបានអះអាងប្រភពចំណូលតែមួយគត់របស់សម្តេច មានចំនួន១១៥០ដុល្លារអាមេរិកក្នុងមួយខែ ឬ១៣៨០០ដុល្លារអាមេរិកក្នុងមួយឆ្នាំ។ ទាក់ទងនឹងបញ្ហានេះ Global Witness បានដាក់ការងឿងឆ្ងល់ ដោយសារតែអ្នកជំនាញការនានាប៉ាន់ស្មានថា គ្រួសារសម្តេច ហ៊ុន សែន មានទ្រព្យចន្លោះពី៥០០លាន ទៅ១០០០លានដុល្លារអាមេរិកឯណោះ។
Global Witness បានចោទប្រកាន់សម្តេច ហ៊ុន សែន ថា បានបំពានលើតួនាទីខ្លួនក្នុងនាមជានាយករដ្ឋមន្ត្រីដើម្បីអនុញ្ញាតឲ្យសាច់ញាតិមានការកាន់កាប់ទាំងស្រុង ឬក៏មានចំណែកភាគច្រើនក្នុងឧស្សហកម្មសំខាន់ៗ ហើយក៏ជាមធ្យោបាយមួយក្នុងការធានាឲ្យបាននូវបន្ទាយនយោបាយដ៏រឹងមាំ។
របាយការណ៍ បានអះអាងពីការរកឃើញប្រភពចំណូលសំខាន់របស់គ្រួសារសម្តេចនាយករដ្ឋមន្ត្រី រួមមានដូចជាការទទួលបានផលលាភនានាពីក្រុមហ៊ុនក្នុងស្រុកចំនួន១១៤ដែលមានដើមទុនក្នុងបញ្ជីសរុបចំនួន២០០លានដុល្លារអាមេរិក ហើយអាជីវកម្មដែលផ្តល់ប្រាក់ចំណេញបំផុតគឺលើវិស័យពាណិជ្ជកម្មដោះដូរទំនិញ ហិរញ្ញវត្ថុ ថាមពល និងទេសចរណ៍។
ជាមួយគ្នានេះផងដែរ Global Witness បានរកឃើញថា សមាជិកគ្រួសារត្រកូល ហ៊ុន មានសម្ព័ន្ធអាជីវកម្មជាមួយក្រុមហ៊ុនម៉ាកលំដាប់ពិភពលោក ដូចជា Visa, Unilever, Proctor & Gamble, Honda, Apple, Cannon និង Nokia ជាដើម។
អង្គការជំនាញស៊ើបអង្កេតដែលមានមូលដ្ឋាននៅទីក្រុងឡុងដ៍ ប្រទេសអង់គ្លេសមួយនេះ បានអះអាងថា ក្រុមការងារស៊ើបអង្កេតរបស់ខ្លួនបានចំណាយពេលជាច្រើនខែដើម្បីជីកកកាយរកទិន្នន័យទាក់ទងនឹងកម្មសិទ្ធិក្នុងក្រុមហ៊ុននៅកម្ពុជា។ Global Witness អះអាងផងដែរថា ពួកគេបានសរសេរលិខិតផ្ញើជូនសមាជិក២៥រូបក្នុងគ្រួសារត្រកូល ហ៊ុន រួមទាំងក្រុមហ៊ុន និងស្ថាប័នពាក់ព័ន្ធនានាដើម្បីសុំប្រតិកម្មតបត ប៉ុន្តែពួកគេទទួលបានការឆ្លើយតបតែពីលោក សុខ ពុទ្ធីវុទ្ធ ដែលជាកូនប្រសាររបស់សម្តេច ហ៊ុន សែន និងពីសំណាក់ក្រុមហ៊ុន/ស្ថាប័នចំនួន៦ប៉ុណ្ណោះ។
ជុំវិញការផ្សាយរបាយការណ៍របស់ Global Witness ហើយទទួលនូវការចាប់អារម្មណ៍ពីបណ្តាសារព័ត៌មានធំៗនៅលើពិភពលោក អ្នកនាំពាក្យគណបក្សប្រជាជនកម្ពុជាលោក សុខ ឥសាន ច្រានចោលភ្លាមៗដោយលោកចាត់ទុកថា របាយការណ៍នេះបានវិនិច្ឆ័យ ក្នុងផ្លូវលម្អៀង ដោយឃើញស ថាខ្មៅ។
លោក សុខ ឥសាន បានបញ្ជាក់ប្រាប់សារព័ត៌មានថ្មីៗ ថា សាជីវកម្មរបស់ក្រុមគ្រួសារសម្ដេច ហ៊ុន សែន គឺអនុវត្តស្របតាមនីតិវិធីច្បាប់នៃប្រទេសកម្ពុជា។ អ្នកនាំពាក្យរូបនេះ បានប្រតិកម្មតបយ៉ាងដូច្នេះថា៖«វាមិនមានអ្វីចម្លែកទេ ព្រោះGlobal Witness តែងតែចេញរបាយការណ៍ចង្អៀតចង្អល់ ទោះបីជាល្អក៏ Global Witness មើលមកក្នុងផ្លូវអាក្រក់ដែរ។ សាជីវកម្មក្រុមគ្រួសារសម្ដេច គឺធ្វើត្រឹមត្រូវតាមគោលការណ៍នីតិវិធីច្បាប់របស់កម្ពុជា ព្រោះកម្ពុជា មានស្ថាប័នប្រឆាំងអំពើពុករលួយ ក្រសួងពាណិជ្ជកម្មជាអ្នកតាមដានត្រួតពិនិត្យវាយតម្លៃលើជំនួញ…ហើយបើនិយាយពីជំនួញក្នុងវិស័យធំៗ តែគេឃើញចំណេញគឺគេវិនិយោគហើយ ព្រោះអ្នកណាក៏ចង់ចំណេញដែរ តែឲ្យត្រូវតាមច្បាប់ ដូច្នេះ Global Witness គួរតែមើលច្បាប់ប្រទេសកម្ពុជាឲ្យបានច្បាស់មុននឹងចេញរបាយការណ៍»៕
Tag:
Global Witness
គ្រួសារសម្តេច ហ៊ុន សែន
សម្តេច ហ៊ុន សែន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
4 ម៉ោង
