អន្តរជាតិ
អគ្គរដ្ឋអាជ្ញាអាមេរិក៖ គ្មានការចោទប្រកាន់លើលោកស្រី គ្លីនតុន លើករណីអ៊ីម៉ែលទេ
អគ្គរដ្ឋអាជ្ញាអាមេរិកលោកស្រី Loretta Lynch
×![]()
ដោយ: តន ចាន់រិទ្ធារ៉ា
នៅថ្ងៃទី៥ ខែកក្កដា ភ្នាក់ងារស៊ើបអង្កេតសហព័ន្ធ (FBI) មិនបានជំរុញឲ្យមានការដាក់បណ្តឹង ព្រហ្មទណ្ឌប្រឆាំងលោកស្រី ហ៊ីឡារី គ្លីនតុន ក្នុងសំណុំរឿងប្រើប្រាស់អ៊ីម៉ែលឯកជនក្នុងពេលបំពេញការងារសាធារណនោះ។ មកដល់ថ្ងៃទី៦ ខែកក្កដា អគ្គរដ្ឋអាជ្ញាអាមេរិក ក៏បានឯកភាពនឹងភ្នាក់ងារ FBI ដោយមិនការចោទប្រកាន់ណាមួយចំពោះបេក្ខជនប្រធានាធិបតីបក្សប្រជាធិបតេយ្យនោះទេ។
អគ្គរដ្ឋអាជ្ញាអាមេរិកលោកស្រី Loretta Lynch បានទទួលអនុសាសន៍របស់ភា្នក់ងារស៊ើបអង្កេតសហព័ន្ធ ដោយមិនធ្វើការចោទប្រកាន់ចំពោះលោកស្រី ហ៊ីឡារី គ្លីនតុន លើករណីប្រើប្រាស់អ៊ីម៉ែលឯកជន ក្នុងពេលធ្វើជារដ្ឋមន្ត្រីការបរទេសទេ។ លោកស្រី សម្រេចដូចនេះ បន្ទាប់ជំនួបជាមួយប្រធាន FBI លោក James Comey និងអ្នកស៊ើបអង្កេតដទៃទៀត ដែលចូលរួមក្នុងសំណុំរឿងមួយនេះ។
ក្នុងសេចក្ដីការណ៍របស់ខ្លួន អគ្គរដ្ឋអាជ្ញារូបនេះ និយាយថា លោកស្រីទទួលអនុសាសន៍ជាឯកច្ឆន្ទរបស់ FBI ដែលបន្ទាប់ពីការស៊ើបអង្កេតយូរឆ្នាំមកហើយនោះ សម្រេចថា នឹងគ្មានការដាក់បណ្ដឹងអ្វីលើបុគ្គល ក្នុងការស៊ើបអង្កេតនេះទេ។ ទីភ្នាក់ងារព័ត៌មាន AFP ផ្សាយថា នៅមុននេះ លោកស្រី Lynch ក៏ធ្លាប់សន្យាថា នឹងគោរពការសម្រេចចិត្តរបស់ FBI និងរដ្ឋអាជ្ញា លើករណីនេះ បន្ទាប់ពីលោកស្រី បានជួបជាមួយលោក ប៊ីល គ្លីនតុន រូចមក។
ភ្នាក់ងារស៊ើបអង្កេតសហព័ន្ធ នៅថ្ងៃទី៥ ខែកក្កដា បញ្ជាក់ថា លោកស្រី គ្លីនតុន នឹងមិនរងការចោទប្រកាន់អ្វីទេ ដោយអះអាងថា ការស៊ើបអង្កេតរបស់ខ្លួន មិនគាំទ្រការកាត់ទោសឧក្រិដ្ឋឡើយ។ ប៉ុន្តែការវាយតម្លៃរបស់ FBI បានត្រឹមបង្ហាញថា លោកស្រី គ្លីនតុន មិនយកចិត្តទុកដាក់ ដោយផ្ញើព័ត៌មានសំខាន់ តាមរយៈអ៊ីម៉ែលរបស់ខ្លួន។
ទាក់ទិននឹងរឿងនេះ ប្រមុខ FBI លោក James Comey នឹងទៅផ្ដល់សក្ខីកម្មចំពោះមុខគណៈកម្មាធិការសភាផងដែរ។ សមាជិកគណៈកម្មាធិការសភា ដែលមានសមាសភាពមកពីបក្សប្រជាធិបតេយ្យ និងសាធារណរដ្ឋ នឹងចោទសួរលោក Comey លើសំណុំរឿងប្រើប្រាស់អ៊ីម៉ែលរបស់លោកស្រី គ្លីនតុន។
ការសម្រេចចិត្តរបស់អគ្គរដ្ឋអាជ្ញាអាមេរិក មិនបានធ្វើឲ្យក្រុមសាធារណរដ្ឋសប្បាយចិត្តនោះទេ ជាពិសេសបេក្ខជនប្រធានាធិបតី លោក ដូណាល់ ត្រាំ។ ពីយុទ្ធនាការនៅរដ្ឋ Cincinnati លោក ដូណាល់ ត្រាំ បានចោទលោកស្រី គ្លីនតុន ថា សូកប៉ាន់លោកស្រី Lynch ដើម្បីបិទសំណុំរឿងនេះ។ លោកបន្តថា ប្រសិនបើលោកស្រី គ្លីនតុន ជាប់ឆ្នោតធ្វើប្រធានាធិបតី លោកស្រី នឹងស្នើឲ្យលោកស្រី Lynch ធ្វើជាអគ្គរដ្ឋអាជ្ញាបន្តទៀត។ មិនតែប៉ុណ្ណោះ សមាជិកសភា និងព្រឹទ្ធសភារបស់បក្ស ក៏ខកចិត្តនឹងការសម្រេចខាងលើ ដោយនិយាយថា លោកស្រី គ្លីនតុន ធ្វើខុសច្បាប់ និងបានកុហករឿងនេះ៕
អគ្គរដ្ឋអាជ្ញាអាមេរិកលោកស្រី Loretta Lynch បានទទួលអនុសាសន៍របស់ភា្នក់ងារស៊ើបអង្កេតសហព័ន្ធ ដោយមិនធ្វើការចោទប្រកាន់ចំពោះលោកស្រី ហ៊ីឡារី គ្លីនតុន លើករណីប្រើប្រាស់អ៊ីម៉ែលឯកជន ក្នុងពេលធ្វើជារដ្ឋមន្ត្រីការបរទេសទេ។ លោកស្រី សម្រេចដូចនេះ បន្ទាប់ជំនួបជាមួយប្រធាន FBI លោក James Comey និងអ្នកស៊ើបអង្កេតដទៃទៀត ដែលចូលរួមក្នុងសំណុំរឿងមួយនេះ។
ក្នុងសេចក្ដីការណ៍របស់ខ្លួន អគ្គរដ្ឋអាជ្ញារូបនេះ និយាយថា លោកស្រីទទួលអនុសាសន៍ជាឯកច្ឆន្ទរបស់ FBI ដែលបន្ទាប់ពីការស៊ើបអង្កេតយូរឆ្នាំមកហើយនោះ សម្រេចថា នឹងគ្មានការដាក់បណ្ដឹងអ្វីលើបុគ្គល ក្នុងការស៊ើបអង្កេតនេះទេ។ ទីភ្នាក់ងារព័ត៌មាន AFP ផ្សាយថា នៅមុននេះ លោកស្រី Lynch ក៏ធ្លាប់សន្យាថា នឹងគោរពការសម្រេចចិត្តរបស់ FBI និងរដ្ឋអាជ្ញា លើករណីនេះ បន្ទាប់ពីលោកស្រី បានជួបជាមួយលោក ប៊ីល គ្លីនតុន រូចមក។
ភ្នាក់ងារស៊ើបអង្កេតសហព័ន្ធ នៅថ្ងៃទី៥ ខែកក្កដា បញ្ជាក់ថា លោកស្រី គ្លីនតុន នឹងមិនរងការចោទប្រកាន់អ្វីទេ ដោយអះអាងថា ការស៊ើបអង្កេតរបស់ខ្លួន មិនគាំទ្រការកាត់ទោសឧក្រិដ្ឋឡើយ។ ប៉ុន្តែការវាយតម្លៃរបស់ FBI បានត្រឹមបង្ហាញថា លោកស្រី គ្លីនតុន មិនយកចិត្តទុកដាក់ ដោយផ្ញើព័ត៌មានសំខាន់ តាមរយៈអ៊ីម៉ែលរបស់ខ្លួន។
ទាក់ទិននឹងរឿងនេះ ប្រមុខ FBI លោក James Comey នឹងទៅផ្ដល់សក្ខីកម្មចំពោះមុខគណៈកម្មាធិការសភាផងដែរ។ សមាជិកគណៈកម្មាធិការសភា ដែលមានសមាសភាពមកពីបក្សប្រជាធិបតេយ្យ និងសាធារណរដ្ឋ នឹងចោទសួរលោក Comey លើសំណុំរឿងប្រើប្រាស់អ៊ីម៉ែលរបស់លោកស្រី គ្លីនតុន។
ការសម្រេចចិត្តរបស់អគ្គរដ្ឋអាជ្ញាអាមេរិក មិនបានធ្វើឲ្យក្រុមសាធារណរដ្ឋសប្បាយចិត្តនោះទេ ជាពិសេសបេក្ខជនប្រធានាធិបតី លោក ដូណាល់ ត្រាំ។ ពីយុទ្ធនាការនៅរដ្ឋ Cincinnati លោក ដូណាល់ ត្រាំ បានចោទលោកស្រី គ្លីនតុន ថា សូកប៉ាន់លោកស្រី Lynch ដើម្បីបិទសំណុំរឿងនេះ។ លោកបន្តថា ប្រសិនបើលោកស្រី គ្លីនតុន ជាប់ឆ្នោតធ្វើប្រធានាធិបតី លោកស្រី នឹងស្នើឲ្យលោកស្រី Lynch ធ្វើជាអគ្គរដ្ឋអាជ្ញាបន្តទៀត។ មិនតែប៉ុណ្ណោះ សមាជិកសភា និងព្រឹទ្ធសភារបស់បក្ស ក៏ខកចិត្តនឹងការសម្រេចខាងលើ ដោយនិយាយថា លោកស្រី គ្លីនតុន ធ្វើខុសច្បាប់ និងបានកុហករឿងនេះ៕
Tag:
អាមេរិក
ហ៊ីឡារីគ្លីនតុន
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
