ជាតិ
នយោបាយជាតិ
យុវជន២នាក់ដែលស្និទ្ធជាមួយលោក កែម ឡី ភៀសខ្លួនទៅក្រៅប្រទេស
× យុវជន២នាក់ដែលមានសកម្មភាពស្និទនឹងលោក កែម ឡី បានភៀសខ្លួនទៅក្រៅប្រទេសនៅថ្ងៃនេះ បន្ទាប់ពីលោក កែម ឡី ដែលជាអ្នកវិភាគល្បីមួយរូប ត្រូវបានឃាតករបាញ់សម្លាប់។
យុវជនបងប្អូនភ្លោះទាំងពីរនាក់ គឺតែងតែពិភាក្សានិងទទួលយកគំនិតពីលោក កែម ឡី ក្នុងសកម្មភាពបំពេញការងារ ទាក់ទងនិងការការពារព្រៃឈើ និងបរិស្ថានជាដើម។ យុវជនទាំងនេះបានសរសេរក្នុងហ្វេសប៊ុកឈ្មោះ Chum Hout Chum Hour អមជាមួយរូបភាពយ៉ាងដូច្នេះថា៖« មានតែខោ អាវមួយកំភ្លេពាក់ជាប់នឹងខ្លួន ត្រូវបង្ខំចិត្តចាកចេញទៅទាំងអារម្មណ៍ក្ដុកក្ដួលក្រៃលែង។ លាហើយកម្ពុជាអើយ»។ មុនពេលចាកចេញពីប្រទេសកម្ពុជា យុវជនដែលស្និទ្ធនិងលោក កែម ឡី នេះបានសរសេរលើហ្វេសប៊ុកដោយបញ្ជាក់មូលហេតុដូច្នេះថា៖«ពេលនេះពួកខ្ញុំអត់មានសុវត្ថិភាពទេ ហើយកំពុងតែនៅកន្លែងមួយ»។
យុវជនទាំងពីរនេះបានបង្ហោះរូបថតអង្គុយពិភាក្សាការងារជាមួយលោក កែម ឡី លើបណ្ដាញហ្វេសប៊ុកកន្លងមក មុនពេលឃាតករបាញ់សម្លាប់លោក កែម ឡី នៅក្នុងម៉ាតក្បែរស្ដុបបូកគោ ៕
© រក្សាសិទ្ធិដោយ thmeythmey.com