អន្តរជាតិ
×![]()
ដោយ: តន ចាន់រិទ្ធារ៉ា
រាជវាំងជប៉ុន បានចេញមកបដិសេធព័ត៌មានដែលផ្សាយថា អធិរាជជប៉ុន អាគីហ៊ីតុ (Akihito) មានព្រះបំណងដាក់រាជ្យសម្បត្តិ ក្នុងពេលព្រះអង្គនៅមានព្រះជន្ម។ ការបដិសេធនេះ ធ្វើឡើងបន្ទាប់សារព័ត៌មានជប៉ុន ដែលស្រង់ប្រភពពីរាជវាំង ផ្សាយថា អធិរាជជប៉ុន មានបំណងផ្ទេររាជ្យដល់រជ្ជទាយាទជំនួសវិញ ទាន់ពេលនៅមានព្រះជន្ម។
នៅថ្ងៃទី១៣ ខែកក្កដា សារព័ត៌មានក្នុងស្រុករបស់ជប៉ុនដូចជាទូរទស្សន៍ NKH ជាដើម បានផ្សាយព្រោងព្រាត ថា ព្រះចៅអធិរាជ អាគីហ៊ីតុ នឹងដាក់រាជ្យ ក្នុងពេលពីរបីឆ្នាំនេះ ថ្វាយរជ្ជទាយាទ ណារុហ៊ីតុ (Naruhito) ។ ប៉ុន្តែបន្ទាប់មក ទីភ្នាក់ងារអធិរាជ (Imperial Household Agency) ដែលទទួលបន្ទុកការងាររបស់អធិរាជ ក៏បានបដិសេធព័តមានទាំងនេះ។
បើតាមទូរទស្សន៍ Channel NewsAsia អនុប្រធានទីភ្នាក់ងារនេះ លោក Shinichiro Yamamoto ប្រាប់អ្នករាយការណ៍ព័ត៌មាន នៅយប់ថ្ងៃទី១៣ ខែកក្កដា ថា រឿងនេះ មិន មែនជាការពិតទេ។ លោក បញ្ជាក់ទៀតថា អធិរាជ មិនមានព្រះទ័យដើម្បីពិភាក្សា ពីតួនាទីដែលមានចែងក្នុងរដ្ឋធម្មនុញ្ញទេ។ ជាមួយគ្នា នាយករដ្ឋមន្ត្រី ស៊ីនហ្សូ អាបេ និងអ្នកនាំពាក្យរដ្ឋាភិបាលជប៉ុន ក៏មិនបានអធិប្បាយបញ្ហានេះដែរ។
សូមបញ្ជាក់ថា សារព័ត៌មានព័ត៌មាន NHK និងKyodo បានរាយការណ៍ពីព័ត៌មានដាក់រាជ្យក្នុងពេលខ្លីខាងមុខ។ ទូរទស្សន៍ NHK បន្ថែមថា ខណៈដែលព្រះអង្គ មានព្រះជន្មច្រើន និងបានកាត់បន្ថយព្រះរាជកិច្ចជាច្រើនមកនោះ អធិរាជ អាគីហ៊ីតុ មិនមានបំណងដើម្បីបន្តជាព្រះចៅអធិរាជជប៉ុនទៀតទេ។
ដោយស្រង់ប្រភពព័ត៌មានពីការិយាល័យអធិរាជ ទូរទស្សន៍ NHK ផ្សាយទៀតថា បំណងរបស់អធិរាជ ត្រូវបានមហេសីព្រះអង្គ មីឈីកុ (Michiko) និងរាជ្ជទាយាទ ណារុហ៊ីតុ យល់ព្រមហើយ។ ប្រសិន មានដាក់រាជ្យមែន រជ្ជទាយាទអង្គនេះ នឹងក្លាយជាអធិរាជជប៉ុន ដែលតាមច្បាប់ តំណាងឲ្យការរួបរួមរបស់ជប៉ុន។
អធិរាជ អាគីហ៊ីតុ បានសោយរាជ្យអស់រយៈពេល២៧ឆ្នាំមកហើយ ហើយព្រះអង្គនឹងក្លាយជាអធិរាជទីមួយ ក្នុងពេលពីររយឆ្នាំមកនេះ ដែលសម្រេចចិត្តដាក់រាជ្យ ប្រសិនបើព័ត៌មានទាំងអស់ ជាការពិត។ ហើយជារឿយៗ អធិរាជ អាគីហ៊ីតុ តែងតែបង្ហាញការសោកស្ដាយ ចំពោះសោកនាដកម្មសង្គ្រាមលោកលើកទីពីរ ដែលបង្កដោយជីតារបស់ព្រះអង្គផងដែរ។
ដូចប្រទេសកាន់របបរាជានិយមអាស្រ័យរដ្ឋធម្មនុញ្ញដទៃទៀតដែរ ព្រះចៅអធិរាជ អាគីហ៊ីតុ មិនមានអំណាចអ្វីដូចអធិរាជមុនៗនោះទេ។ នេះក៏ដោយសារតែ រដ្ឋធម្មនុញ្ញបច្ចុប្បន្ន ដែលសរសេរដោយអាមេរិក មិនបានផ្ដល់អំណាចអ្វីដល់អធិរាជឡើយ ព្រោះខ្លាចដូចសម័យសង្គ្រាមលោកលើកទីពីរ ដែលជប៉ុនបង្កសង្គ្រាម និងវាតទីលើទឹកដីជាច្រើន៕
នៅថ្ងៃទី១៣ ខែកក្កដា សារព័ត៌មានក្នុងស្រុករបស់ជប៉ុនដូចជាទូរទស្សន៍ NKH ជាដើម បានផ្សាយព្រោងព្រាត ថា ព្រះចៅអធិរាជ អាគីហ៊ីតុ នឹងដាក់រាជ្យ ក្នុងពេលពីរបីឆ្នាំនេះ ថ្វាយរជ្ជទាយាទ ណារុហ៊ីតុ (Naruhito) ។ ប៉ុន្តែបន្ទាប់មក ទីភ្នាក់ងារអធិរាជ (Imperial Household Agency) ដែលទទួលបន្ទុកការងាររបស់អធិរាជ ក៏បានបដិសេធព័តមានទាំងនេះ។
បើតាមទូរទស្សន៍ Channel NewsAsia អនុប្រធានទីភ្នាក់ងារនេះ លោក Shinichiro Yamamoto ប្រាប់អ្នករាយការណ៍ព័ត៌មាន នៅយប់ថ្ងៃទី១៣ ខែកក្កដា ថា រឿងនេះ មិន មែនជាការពិតទេ។ លោក បញ្ជាក់ទៀតថា អធិរាជ មិនមានព្រះទ័យដើម្បីពិភាក្សា ពីតួនាទីដែលមានចែងក្នុងរដ្ឋធម្មនុញ្ញទេ។ ជាមួយគ្នា នាយករដ្ឋមន្ត្រី ស៊ីនហ្សូ អាបេ និងអ្នកនាំពាក្យរដ្ឋាភិបាលជប៉ុន ក៏មិនបានអធិប្បាយបញ្ហានេះដែរ។
សូមបញ្ជាក់ថា សារព័ត៌មានព័ត៌មាន NHK និងKyodo បានរាយការណ៍ពីព័ត៌មានដាក់រាជ្យក្នុងពេលខ្លីខាងមុខ។ ទូរទស្សន៍ NHK បន្ថែមថា ខណៈដែលព្រះអង្គ មានព្រះជន្មច្រើន និងបានកាត់បន្ថយព្រះរាជកិច្ចជាច្រើនមកនោះ អធិរាជ អាគីហ៊ីតុ មិនមានបំណងដើម្បីបន្តជាព្រះចៅអធិរាជជប៉ុនទៀតទេ។
ដោយស្រង់ប្រភពព័ត៌មានពីការិយាល័យអធិរាជ ទូរទស្សន៍ NHK ផ្សាយទៀតថា បំណងរបស់អធិរាជ ត្រូវបានមហេសីព្រះអង្គ មីឈីកុ (Michiko) និងរាជ្ជទាយាទ ណារុហ៊ីតុ យល់ព្រមហើយ។ ប្រសិន មានដាក់រាជ្យមែន រជ្ជទាយាទអង្គនេះ នឹងក្លាយជាអធិរាជជប៉ុន ដែលតាមច្បាប់ តំណាងឲ្យការរួបរួមរបស់ជប៉ុន។
អធិរាជ អាគីហ៊ីតុ បានសោយរាជ្យអស់រយៈពេល២៧ឆ្នាំមកហើយ ហើយព្រះអង្គនឹងក្លាយជាអធិរាជទីមួយ ក្នុងពេលពីររយឆ្នាំមកនេះ ដែលសម្រេចចិត្តដាក់រាជ្យ ប្រសិនបើព័ត៌មានទាំងអស់ ជាការពិត។ ហើយជារឿយៗ អធិរាជ អាគីហ៊ីតុ តែងតែបង្ហាញការសោកស្ដាយ ចំពោះសោកនាដកម្មសង្គ្រាមលោកលើកទីពីរ ដែលបង្កដោយជីតារបស់ព្រះអង្គផងដែរ។
ដូចប្រទេសកាន់របបរាជានិយមអាស្រ័យរដ្ឋធម្មនុញ្ញដទៃទៀតដែរ ព្រះចៅអធិរាជ អាគីហ៊ីតុ មិនមានអំណាចអ្វីដូចអធិរាជមុនៗនោះទេ។ នេះក៏ដោយសារតែ រដ្ឋធម្មនុញ្ញបច្ចុប្បន្ន ដែលសរសេរដោយអាមេរិក មិនបានផ្ដល់អំណាចអ្វីដល់អធិរាជឡើយ ព្រោះខ្លាចដូចសម័យសង្គ្រាមលោកលើកទីពីរ ដែលជប៉ុនបង្កសង្គ្រាម និងវាតទីលើទឹកដីជាច្រើន៕
Tag:
ជប៉ុន
Akihito
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
