អន្តរជាតិ
×![]()
ដោយ: តន ចាន់រិទ្ធារ៉ា
កាសែតក្នុងស្រុកបារាំងមួយ បានបញ្ចេញព័ត៌មានមួយទាក់ទងនឹងប្រធានាធិបតីបារាំង លោក ហ្វ្រង់ស្វ័រ ហូឡង់ (Francois Hollande) ដោយសរសេរថា អ្នកកាត់សក់របស់លោក ហូឡង់ ទទួលបានប្រាក់ខែដល់ទៅជិតមួយម៉ឺនអឺរ៉ុប ។ ជាងនេះទៅទៀត អ្នកកាត់សក់ ត្រូវរក្សាការសម្ងាត់ដែលខ្លួនដឹង ពេលកំពុងធ្វើការផងដែរ។
កាសែត Le Canard Enchainé ដែលល្បីខាងបញ្ចេញរឿងអាស្រូវរបស់រដ្ឋាភិបាល បានផ្សាយព័ត៌មានពីប្រាក់ខែដ៏ខ្ពស់របស់អ្នកកាត់សក់ របស់ប្រធានាធិបតីបារាំង ហ្វ្រង់ស្វ័រ ហូឡង់។ បើតាមកាសែតនេះ ជាងកាត់សក់ Olivier B. ទទួលបានប្រាក់ខែចំនួន 9,895 អឺរ៉ូ សម្រាប់ការងារកាត់សក់ឲ្យលោក ហូឡង់។
កាសែតដដែល ដែលចេញផ្សាយនៅថ្ងៃទី១៣ ខែកក្កដា បន្តថា អ្នកកាត់សក់នេះ ចុះហត្ថលេខាធ្វើការ៥ឆ្នាំ ជាមួយប្រធានាធិបតីបារាំង ពោលគឺចាប់តាំងពីលោក ហ្វ្រង់ស្វ័រ ហូឡង់ ចូលកាន់តំណែងក្នុងឆ្នាំ២០១២។ កិច្ចសន្យានោះ មានទាំងការលើកទឹកចិត្ត ដែលរួមបញ្ចូលជំនួយហិរញ្ញវត្ថុ លំនៅដ្ឋាន ក៏ដូចជាអត្ថប្រយោជន៍នានាសម្រាប់គ្រួសារផងដែរ។
យ៉ាងណាមិញ បើតាមសារព័ត៌មាន France24 លោកស្រី Sarah Levy ដែលជាមេធាវីជាងកាត់សក់ Oliver និយាយថា ការងារនេះ ត្រូវការការប្ដជ្ញាចិត្តខ្ពស់។ មេធាវីរូបនេះ និយាយទៀតថា ជាងកាត់សក់ Oliver ត្រូវតែប្រុងខ្លួនសម្រាប់ការងារ២៤ម៉ោងលើ២៤ម៉ោង និង៧ថ្ងៃក្នុងមួយសប្ដាហ៍។ ហើយរូបគេ ត្រូវស្បថថា រក្សាការសម្ងាត់ទាំងអស់ដែលខ្លួនដឹង។
«Oliver បានខកថ្ងៃកំណើតកូនរបស់គាត់ ហើយគាត់ត្រូវលក់ហាងរបស់ខ្លួន ដោយសារតែការងាររវល់ពេក»។ នេះជាការបន្ថែមរបស់មេធាវី Sarah ដែលចេញផ្សាយលើសារព័ត៌មាន France24។
កាសែត Le Canard Enchainé ក៏ផ្សាយដែរថា វិមានប្រធានាធិបតី Elysée palace ក៏បញ្ជាក់ពីព័ត៌មាននេះដែរ ដោយនិយាយថា លោក Oliver ទទួលខុសត្រូវចំពោះសក់លោក ហូឡង់ នៅរៀងរាល់ព្រឹក និងនៅពេលចាំបាច់នានា ជាពិសេសមុនពេលលោក ហូឡង់ ថ្លែងសុន្ទរកថា។ ហើយអ្នកកាត់សក់នេះ ក៏ធ្វើដំណើរតាមប្រធានាធិបតី ក្នុងដំណើរដែលលើសមួយថ្ងៃ។
ព័ត៌មាននៃប្រាក់ខែ និងលក្ខខណ្ឌការងាររបស់អ្នកកាត់សក់លោកប្រធានាធិបតី ហូឡង់ បង្កឲ្យមនុស្សម្នា ភ្ញាក់ផ្អើលខ្លាំង។ យ៉ាងណាមិញ នេះមិនមែនជាលើកទីមួយទេ ដែលប្រធានាធិបតីបារាំង ជួលអ្នកកាត់សក់ថ្លៃៗ។ អតីតប្រធានាធិបតីលោក Nicolas Sarkozy ក៏ធ្លាប់ជួយអ្នកកាត់សក់ ដែលមានប្រាក់ខែ៨ពាន់ដុល្លារផងដែរ៕
កាសែត Le Canard Enchainé ដែលល្បីខាងបញ្ចេញរឿងអាស្រូវរបស់រដ្ឋាភិបាល បានផ្សាយព័ត៌មានពីប្រាក់ខែដ៏ខ្ពស់របស់អ្នកកាត់សក់ របស់ប្រធានាធិបតីបារាំង ហ្វ្រង់ស្វ័រ ហូឡង់។ បើតាមកាសែតនេះ ជាងកាត់សក់ Olivier B. ទទួលបានប្រាក់ខែចំនួន 9,895 អឺរ៉ូ សម្រាប់ការងារកាត់សក់ឲ្យលោក ហូឡង់។
កាសែតដដែល ដែលចេញផ្សាយនៅថ្ងៃទី១៣ ខែកក្កដា បន្តថា អ្នកកាត់សក់នេះ ចុះហត្ថលេខាធ្វើការ៥ឆ្នាំ ជាមួយប្រធានាធិបតីបារាំង ពោលគឺចាប់តាំងពីលោក ហ្វ្រង់ស្វ័រ ហូឡង់ ចូលកាន់តំណែងក្នុងឆ្នាំ២០១២។ កិច្ចសន្យានោះ មានទាំងការលើកទឹកចិត្ត ដែលរួមបញ្ចូលជំនួយហិរញ្ញវត្ថុ លំនៅដ្ឋាន ក៏ដូចជាអត្ថប្រយោជន៍នានាសម្រាប់គ្រួសារផងដែរ។
យ៉ាងណាមិញ បើតាមសារព័ត៌មាន France24 លោកស្រី Sarah Levy ដែលជាមេធាវីជាងកាត់សក់ Oliver និយាយថា ការងារនេះ ត្រូវការការប្ដជ្ញាចិត្តខ្ពស់។ មេធាវីរូបនេះ និយាយទៀតថា ជាងកាត់សក់ Oliver ត្រូវតែប្រុងខ្លួនសម្រាប់ការងារ២៤ម៉ោងលើ២៤ម៉ោង និង៧ថ្ងៃក្នុងមួយសប្ដាហ៍។ ហើយរូបគេ ត្រូវស្បថថា រក្សាការសម្ងាត់ទាំងអស់ដែលខ្លួនដឹង។
«Oliver បានខកថ្ងៃកំណើតកូនរបស់គាត់ ហើយគាត់ត្រូវលក់ហាងរបស់ខ្លួន ដោយសារតែការងាររវល់ពេក»។ នេះជាការបន្ថែមរបស់មេធាវី Sarah ដែលចេញផ្សាយលើសារព័ត៌មាន France24។
កាសែត Le Canard Enchainé ក៏ផ្សាយដែរថា វិមានប្រធានាធិបតី Elysée palace ក៏បញ្ជាក់ពីព័ត៌មាននេះដែរ ដោយនិយាយថា លោក Oliver ទទួលខុសត្រូវចំពោះសក់លោក ហូឡង់ នៅរៀងរាល់ព្រឹក និងនៅពេលចាំបាច់នានា ជាពិសេសមុនពេលលោក ហូឡង់ ថ្លែងសុន្ទរកថា។ ហើយអ្នកកាត់សក់នេះ ក៏ធ្វើដំណើរតាមប្រធានាធិបតី ក្នុងដំណើរដែលលើសមួយថ្ងៃ។
ព័ត៌មាននៃប្រាក់ខែ និងលក្ខខណ្ឌការងាររបស់អ្នកកាត់សក់លោកប្រធានាធិបតី ហូឡង់ បង្កឲ្យមនុស្សម្នា ភ្ញាក់ផ្អើលខ្លាំង។ យ៉ាងណាមិញ នេះមិនមែនជាលើកទីមួយទេ ដែលប្រធានាធិបតីបារាំង ជួលអ្នកកាត់សក់ថ្លៃៗ។ អតីតប្រធានាធិបតីលោក Nicolas Sarkozy ក៏ធ្លាប់ជួយអ្នកកាត់សក់ ដែលមានប្រាក់ខែ៨ពាន់ដុល្លារផងដែរ៕
Tag:
បារាំង
Francois Hollande
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
