អន្តរជាតិ
×![]()
ដោយ: តន ចាន់រិទ្ធារ៉ា
ក្នុងរយៈពេលជិតពីរឆ្នាំមកនេះ មានការវាយប្រហារភេរវកម្មជាច្រើនលើក នៅលើទឹកដីបារាំង ដែលបានឆក់យកជីវិតមនុស្សអស់រាប់រយនាក់ មានទាំងជនស៊ីវិល អ្នកកាសែត និងកងកម្លាំងសន្តិសុខផងដែរ។ ការវាយប្រហារចុងក្រោយ គឺការបើកឡានបុករះលើហ្វូងមនុស្ស នៅទីក្រុង Nice ហើយបានសម្លាប់មនុស្សជាច្រើន។ និយាយឲ្យខ្លីទៅពីរឆ្នាំចុងក្រោយនេះ បារាំងរងការវាយប្រហារធំៗបីលើក ដែលមានស្ថានភាពអាក្រក់ខ្លាំង ហើយគេក៏ឆ្ងល់ថា ហេតុអ្វីមានតែបារាំងតែឯង រងគ្រោះភេរវកម្មផ្ទួនៗបែបនេះ?
សូមស្ដាប់ព័ត៌មានលម្អិត៖
ខណៈដែលប្រជាជនបារាំង កំពុងតែអបអរពិធីបុណ្យជាតិ Bastille Day សោកនាដកម្មមួយ ក៏កើតឡើងនៅឯទីក្រុង Nice។ រថយន្តដឹកទំនិញមួយ បានបើកបុករះពលរដ្ឋបារាំង ដែលកំពុងទស្សនាការបាញ់កាំជ្រួចនៅក្រុងភាគខាងត្បូង ខណៈក្រុមហ្វូងមនុស្សដែលកំពុងតែសប្បាយរីករាយក្នុងថ្ងៃបុណ្យជាតិបារាំងដែលស្ទើរតែចប់ទៅហើយនោះ។
ភ្លាមៗក្រោយហេតុការណ៍នេះ ប្រធានាធិបតីបារាំងលោក ហ្វ្រង់ស្វ័រ ហូឡង់ (Francois Hollande) ក៏បានទៅដល់ទីក្រុង Nice ដើម្បីពិនិត្យស្ថានការណ៍ ហើយលោក ក៏បានប្រកាស បន្តដាក់ប្រទេសក្នុងស្ថានភាពអាសន្នរយៈពេលបីខែទៅមុខទៀតផងដែរ។ តាមការអះអាងរបស់លោកប្រធានាធិបតីហូឡង់ យ៉ាងហោចណាស់ មានប្រជាជន៧៧នាក់ បានស្លាប់ និងជាច្រើននាក់ផ្សេងទៀត បានរងរបួសក្នុងព្រឹត្តិការណ៍នេះ។ តាមពិតទៅ បារាំង មិនរួចផុតពីការប្រកាសដកស្ថានភាពអាសន្ននៅឡើយនោះទេ ពោលគឺ មុនហេតុការណ៍នេះកើតឡើង បារាំង ក៏បានដាក់ប្រទេសក្នុងស្ថានភាពប្រកាសអាសន្នមួយ ដែលគ្រោងនឹងបញ្ចប់នៅថ្ងៃទី២៦ ខែកក្កដាខាងមុខនេះផងដែរ។
ជាងនេះទៅទៀត ប្រធានាធិបតីបារាំង ថែមទាំងចាត់ទុកហេតុការណ៍ខាងលើ ជាសកម្មភាពភេរវកម្មទៀតផង បើទោះជាមិនទាន់ដឹងពីមូលហេតុ និងមិនទាន់ដឹងថាក្រុមណាចេញមកទទួលខុសត្រូវក៏ដោយ។ លោក ហូឡង់ ក៏ប្រកាសប្រឆាំងនឹងភេរវកម្ម ដោយនឹងបង្កើនសកម្មភាពប្រយុទ្ធជាមួយក្រុមរដ្ឋឥស្លាម នៅស៊ីរី និងអ៊ីរ៉ាក់។
១.ក្នុងពេលជិតពីរឆ្នាំ បារាំងរងការវាយប្រហារធំៗបីលើក
បើរាប់ទាំងការវាយប្រហារនៅយប់ថ្ងៃទី១៤ ខែកក្កដាម្សិលមិញនេះ បារាំង បានរងការវាយប្រហារធំៗ ពីសំណាក់ភេរវជន ចំនួនបីដងរួចមកហើយ។ កាសែត Le Figaro បានចាត់ទុកការវាយប្រហារនេះ ជាការព្រមានដល់សហគមន៍អឺរ៉ុបទាំងមូល ហើយការវាយប្រហារធំៗពីរលើកកន្លងមក សុទ្ធសឹងតែបានសម្លាប់មនុស្សជាច្រើន។
ក្នុងការវាយប្រហារលើកទីមួយ ក្រុមភេរវករបានដាក់គោលដៅលើទស្សនាវដ្តី Charlie Hebdo កាលពីថ្ងៃទី៧ ខែមករា ឆ្នាំ២០១៥។ ខ្មាន់កាំភ្លើងពីរនាក់ ប្រដាប់ដោយកាំភ្លើងបានបើកការវាយប្រហារលើស្នាក់ការទស្សនាវដ្ដី Charlie Hebdo ដែលនៅក្នុងទីក្រុងប៉ារីសតែម្តង ដោយបានសម្លាប់មនុស្ស១២នាក់ ដោយរួមទាំងអ្នកគូររូបត្លុក៨នាក់របស់កាសែតនេះផងដែរ។ ការវាយប្រហារ និងការចាប់ចំណាប់ខ្មាំង កើតឡើងជាបន្តបន្ទាប់ដែលបណ្តាលមនុស្ស៥នាក់ទៀតស្លាប់ ក្នុងនោះ មានភេរវជន៣នាក់ផងដែរ។
ជារឿយៗ ទស្សនាវដ្តីបារាំងខាងលើ បានបោះពុម្ភផ្សាយរូបត្លុករបស់ព្យាការីសាសនាឥស្លាម Mohammad ដែលរឿងនេះអាចជាមូលហេតុ ដែលនាំឲ្យក្រុមភេរវជនសងសឹកវិញ ដ្បិតពួកគេគិតថា ជាការប្រមាថចំពោះបុគ្គលជាទីគោរពរបស់ពួកគេ។
រំលងបានយូរបន្តិច សោកនាដកម្មមួយទៀត ក៏កើតឡើងចំពោះបារាំង ហើយពេលនោះគឺក្នុងទីក្រុងប៉ារីស ដែលជាបេះដូងរបស់បារាំងតែម្ដង។ មនុស្សយ៉ាងណាស់១៣០នាក់ហើយ ដែលបានស្លាប់ក្នុងការវាយប្រហារផ្ទួនៗគ្នានៅទីក្រុងប៉ារីស កាលពីថ្ងៃទី១៣ ខែវិច្ឆិកា ឆ្នាំ២០១៥។ ក្រុមសកម្មជនរដ្ឋឥស្លាម៩នាក់ បានបើកការវាយប្រហារដោយកាំភ្លើង និងគ្រឿងផ្ទុះ លើទីតាំងជាច្រើន ដោយរួមទាំងរោងល្ខោន Bataclan កីឡដ្ឋាន Stade de France និងនៅភោជនីយដ្ឋានមួយចំនួនទៀត។
២.ភេរវករ វាយប្រហារបារាំងដើម្បីសងសឹក ?
អ្វីដែលគួរឲ្យកត់សម្គាល់នោះ រដ្ឋាភិបាលលោក ហ្វ្រង់ស្វ័រ ហូឡង់ បានជួបនូវយុគសម័យមួយដ៏សោកសង្រែងដោយសារសកម្មភាពរបស់ក្រុមភេរវជន ដែលធ្វើឲ្យគេគិតថា ហេតុអ្វីបានជាបារាំងរងទុក្ខជាងគេ។ តាមពិតទៅ ការវាយប្រហារជាច្រើនលើកច្រើនសារមកនេះ ក៏ព្រោះតែពួកគេ ចង់សងសឹកបារាំង។
បារាំង ដែលជាសម្ព័ន្ធមិត្តរបស់អាមេរិក ចេញមុខយ៉ាងខ្លាំងក្នុងប្រតិបត្តិការប្រយុទ្ធប្រឆាំងនឹងក្រុមជ្រុលនិយម ស្ទើរគ្រប់ទីកន្លែង។ បារាំង បានពង្រាយកងទ័ពជាច្រើនកន្លែងជុំវិញពិភពលោក ដើម្បីកម្ទេចក្រុមជ្រុលនិយមជីហាដទាំងនៅអាហ្វ្រិក និងមជ្ឈិមបូព៌ា។
ជាក់ស្ដែងនោះ បារាំង មានកងទ័ពលើសមួយម៉ឺននាក់ នៅតាមប្រទេសនានា ដើម្បីប្រឆាំងនឹងសកម្មជនភេរវកម្ម។ កងទ័ពបារាំងចំនួនបីពាន់នាក់ កំពុងប្រតិបត្តិការនៅអាហ្វ្រិកខាងលិច និងពីរពាន់នាក់ទៀត នៅអាហ្វ្រិកកណ្ដាល។
នៅអ៊ីរ៉ាក់ឯណោះវិញ បារាំងក៏បញ្ជូនទ័ពលើសបីពាន់នាក់ ដើម្បីចូលរួមជាមួយកងកម្លាំងសម្ព័ន្ធមិត្ត ក្នុងការកម្ទេចក្រុមភេរវជនផងដែរ។ ហើយកាលពីសប្ដាហ៍មុន ប្រធានាធិបតី ហូឡង់ ក៏ប្រកាសថា នឹងបញ្ជូននាវាដឹកយន្តហោះ ទៅកាន់សមុទ្រពែរ្ស ដើម្បីចូលរួមកម្ទេចក្រុមរដ្ឋឥស្លាមទៀតផង។
និយាយឲ្យខ្លីទៅ ដោយសារតែបារាំង ចេញមុខចេញមាត់ជាងគេក្នុងសកម្មភាពប្រយុទ្ធប្រឆាំងនឹងក្រុមភេរវជន ទើបប្រទេសនេះ ក៏រងការវាយប្រហារខ្លាំងជាងគេ។ ជាងនេះទៅទៀត បារាំង ជាប្រទេសដែលមានជនមូស្លីមរស់នៅច្រើនជាងគេ នៅអឺរ៉ុប ដែលនេះធ្វើឲ្យបារាំងងាយរងគ្រោះ ពីការវាយប្រហារពីសំណាក់ក្រុមជ្រុលនិយម ។ សកម្មជនទាំងនោះ អាចជ្រៀតចូលទឹកដីបារាំងបានយ៉ាងស្រួល ដើម្បីធ្វើសកម្មភាព ឬក៏ទាក់ទាញជនមូស្លីម ដែលកំពុងរស់នៅបារាំងស្រាប់ ឲ្យដើរតាមមនោគមន៍របស់ខ្លួន និងវាយប្រហារលើទីតាំងនានា៕
សូមស្ដាប់ព័ត៌មានលម្អិត៖
ខណៈដែលប្រជាជនបារាំង កំពុងតែអបអរពិធីបុណ្យជាតិ Bastille Day សោកនាដកម្មមួយ ក៏កើតឡើងនៅឯទីក្រុង Nice។ រថយន្តដឹកទំនិញមួយ បានបើកបុករះពលរដ្ឋបារាំង ដែលកំពុងទស្សនាការបាញ់កាំជ្រួចនៅក្រុងភាគខាងត្បូង ខណៈក្រុមហ្វូងមនុស្សដែលកំពុងតែសប្បាយរីករាយក្នុងថ្ងៃបុណ្យជាតិបារាំងដែលស្ទើរតែចប់ទៅហើយនោះ។
ភ្លាមៗក្រោយហេតុការណ៍នេះ ប្រធានាធិបតីបារាំងលោក ហ្វ្រង់ស្វ័រ ហូឡង់ (Francois Hollande) ក៏បានទៅដល់ទីក្រុង Nice ដើម្បីពិនិត្យស្ថានការណ៍ ហើយលោក ក៏បានប្រកាស បន្តដាក់ប្រទេសក្នុងស្ថានភាពអាសន្នរយៈពេលបីខែទៅមុខទៀតផងដែរ។ តាមការអះអាងរបស់លោកប្រធានាធិបតីហូឡង់ យ៉ាងហោចណាស់ មានប្រជាជន៧៧នាក់ បានស្លាប់ និងជាច្រើននាក់ផ្សេងទៀត បានរងរបួសក្នុងព្រឹត្តិការណ៍នេះ។ តាមពិតទៅ បារាំង មិនរួចផុតពីការប្រកាសដកស្ថានភាពអាសន្ននៅឡើយនោះទេ ពោលគឺ មុនហេតុការណ៍នេះកើតឡើង បារាំង ក៏បានដាក់ប្រទេសក្នុងស្ថានភាពប្រកាសអាសន្នមួយ ដែលគ្រោងនឹងបញ្ចប់នៅថ្ងៃទី២៦ ខែកក្កដាខាងមុខនេះផងដែរ។
ជាងនេះទៅទៀត ប្រធានាធិបតីបារាំង ថែមទាំងចាត់ទុកហេតុការណ៍ខាងលើ ជាសកម្មភាពភេរវកម្មទៀតផង បើទោះជាមិនទាន់ដឹងពីមូលហេតុ និងមិនទាន់ដឹងថាក្រុមណាចេញមកទទួលខុសត្រូវក៏ដោយ។ លោក ហូឡង់ ក៏ប្រកាសប្រឆាំងនឹងភេរវកម្ម ដោយនឹងបង្កើនសកម្មភាពប្រយុទ្ធជាមួយក្រុមរដ្ឋឥស្លាម នៅស៊ីរី និងអ៊ីរ៉ាក់។
១.ក្នុងពេលជិតពីរឆ្នាំ បារាំងរងការវាយប្រហារធំៗបីលើក
បើរាប់ទាំងការវាយប្រហារនៅយប់ថ្ងៃទី១៤ ខែកក្កដាម្សិលមិញនេះ បារាំង បានរងការវាយប្រហារធំៗ ពីសំណាក់ភេរវជន ចំនួនបីដងរួចមកហើយ។ កាសែត Le Figaro បានចាត់ទុកការវាយប្រហារនេះ ជាការព្រមានដល់សហគមន៍អឺរ៉ុបទាំងមូល ហើយការវាយប្រហារធំៗពីរលើកកន្លងមក សុទ្ធសឹងតែបានសម្លាប់មនុស្សជាច្រើន។
ក្នុងការវាយប្រហារលើកទីមួយ ក្រុមភេរវករបានដាក់គោលដៅលើទស្សនាវដ្តី Charlie Hebdo កាលពីថ្ងៃទី៧ ខែមករា ឆ្នាំ២០១៥។ ខ្មាន់កាំភ្លើងពីរនាក់ ប្រដាប់ដោយកាំភ្លើងបានបើកការវាយប្រហារលើស្នាក់ការទស្សនាវដ្ដី Charlie Hebdo ដែលនៅក្នុងទីក្រុងប៉ារីសតែម្តង ដោយបានសម្លាប់មនុស្ស១២នាក់ ដោយរួមទាំងអ្នកគូររូបត្លុក៨នាក់របស់កាសែតនេះផងដែរ។ ការវាយប្រហារ និងការចាប់ចំណាប់ខ្មាំង កើតឡើងជាបន្តបន្ទាប់ដែលបណ្តាលមនុស្ស៥នាក់ទៀតស្លាប់ ក្នុងនោះ មានភេរវជន៣នាក់ផងដែរ។
ជារឿយៗ ទស្សនាវដ្តីបារាំងខាងលើ បានបោះពុម្ភផ្សាយរូបត្លុករបស់ព្យាការីសាសនាឥស្លាម Mohammad ដែលរឿងនេះអាចជាមូលហេតុ ដែលនាំឲ្យក្រុមភេរវជនសងសឹកវិញ ដ្បិតពួកគេគិតថា ជាការប្រមាថចំពោះបុគ្គលជាទីគោរពរបស់ពួកគេ។
រំលងបានយូរបន្តិច សោកនាដកម្មមួយទៀត ក៏កើតឡើងចំពោះបារាំង ហើយពេលនោះគឺក្នុងទីក្រុងប៉ារីស ដែលជាបេះដូងរបស់បារាំងតែម្ដង។ មនុស្សយ៉ាងណាស់១៣០នាក់ហើយ ដែលបានស្លាប់ក្នុងការវាយប្រហារផ្ទួនៗគ្នានៅទីក្រុងប៉ារីស កាលពីថ្ងៃទី១៣ ខែវិច្ឆិកា ឆ្នាំ២០១៥។ ក្រុមសកម្មជនរដ្ឋឥស្លាម៩នាក់ បានបើកការវាយប្រហារដោយកាំភ្លើង និងគ្រឿងផ្ទុះ លើទីតាំងជាច្រើន ដោយរួមទាំងរោងល្ខោន Bataclan កីឡដ្ឋាន Stade de France និងនៅភោជនីយដ្ឋានមួយចំនួនទៀត។
២.ភេរវករ វាយប្រហារបារាំងដើម្បីសងសឹក ?
អ្វីដែលគួរឲ្យកត់សម្គាល់នោះ រដ្ឋាភិបាលលោក ហ្វ្រង់ស្វ័រ ហូឡង់ បានជួបនូវយុគសម័យមួយដ៏សោកសង្រែងដោយសារសកម្មភាពរបស់ក្រុមភេរវជន ដែលធ្វើឲ្យគេគិតថា ហេតុអ្វីបានជាបារាំងរងទុក្ខជាងគេ។ តាមពិតទៅ ការវាយប្រហារជាច្រើនលើកច្រើនសារមកនេះ ក៏ព្រោះតែពួកគេ ចង់សងសឹកបារាំង។
បារាំង ដែលជាសម្ព័ន្ធមិត្តរបស់អាមេរិក ចេញមុខយ៉ាងខ្លាំងក្នុងប្រតិបត្តិការប្រយុទ្ធប្រឆាំងនឹងក្រុមជ្រុលនិយម ស្ទើរគ្រប់ទីកន្លែង។ បារាំង បានពង្រាយកងទ័ពជាច្រើនកន្លែងជុំវិញពិភពលោក ដើម្បីកម្ទេចក្រុមជ្រុលនិយមជីហាដទាំងនៅអាហ្វ្រិក និងមជ្ឈិមបូព៌ា។
ជាក់ស្ដែងនោះ បារាំង មានកងទ័ពលើសមួយម៉ឺននាក់ នៅតាមប្រទេសនានា ដើម្បីប្រឆាំងនឹងសកម្មជនភេរវកម្ម។ កងទ័ពបារាំងចំនួនបីពាន់នាក់ កំពុងប្រតិបត្តិការនៅអាហ្វ្រិកខាងលិច និងពីរពាន់នាក់ទៀត នៅអាហ្វ្រិកកណ្ដាល។
នៅអ៊ីរ៉ាក់ឯណោះវិញ បារាំងក៏បញ្ជូនទ័ពលើសបីពាន់នាក់ ដើម្បីចូលរួមជាមួយកងកម្លាំងសម្ព័ន្ធមិត្ត ក្នុងការកម្ទេចក្រុមភេរវជនផងដែរ។ ហើយកាលពីសប្ដាហ៍មុន ប្រធានាធិបតី ហូឡង់ ក៏ប្រកាសថា នឹងបញ្ជូននាវាដឹកយន្តហោះ ទៅកាន់សមុទ្រពែរ្ស ដើម្បីចូលរួមកម្ទេចក្រុមរដ្ឋឥស្លាមទៀតផង។
និយាយឲ្យខ្លីទៅ ដោយសារតែបារាំង ចេញមុខចេញមាត់ជាងគេក្នុងសកម្មភាពប្រយុទ្ធប្រឆាំងនឹងក្រុមភេរវជន ទើបប្រទេសនេះ ក៏រងការវាយប្រហារខ្លាំងជាងគេ។ ជាងនេះទៅទៀត បារាំង ជាប្រទេសដែលមានជនមូស្លីមរស់នៅច្រើនជាងគេ នៅអឺរ៉ុប ដែលនេះធ្វើឲ្យបារាំងងាយរងគ្រោះ ពីការវាយប្រហារពីសំណាក់ក្រុមជ្រុលនិយម ។ សកម្មជនទាំងនោះ អាចជ្រៀតចូលទឹកដីបារាំងបានយ៉ាងស្រួល ដើម្បីធ្វើសកម្មភាព ឬក៏ទាក់ទាញជនមូស្លីម ដែលកំពុងរស់នៅបារាំងស្រាប់ ឲ្យដើរតាមមនោគមន៍របស់ខ្លួន និងវាយប្រហារលើទីតាំងនានា៕
Tag:
អឺរ៉ុប
ភេរវកម្មបារាំង
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
