អន្តរជាតិ
ពលរដ្ឋចិននៅហូឡង់ បាតុកម្មប្រឆាំងសាលក្រមសមុទ្រចិនខាងត្បូង
× ពលដ្ឋចិនជាច្រើននាក់ដែលកំពុងរស់នៅក្នុងប្រទេសហូឡង់ នៅថ្ងៃទី១៦ ខែកក្កដាកន្លងទៅ បានប្រមូលផ្តុំគ្នានៅវិមានសន្តិភាពក្នុងក្រុងឡាអេដើម្បីបាតុកម្មប្រឆាំងទៅនឹងសាលក្រមសមុទ្រចិនខាងត្បូងដែលទើបតែប្រកាសកាលពីពេលថ្មីៗនេះ។
«យើងពិតជាមានការភ្ញាក់ផ្អើល និងខឹងយ៉ាងខ្លាំងទៅលើសាលក្រមសមុទ្រចិនខាងត្បូងដែលបានប្រកាសកាលពីថ្ងៃទី១២ ខែកក្កដាកន្លងទៅ ដោយសាលាក្តីមជ្ឈត្តកម្ម។ សហគមន៍ប្រជាជនចិននៅទូទាំងប្រទេសហូឡង់ បានសម្រេចចិត្តធ្វើបាតុកកម្មដើម្បីបង្ហាញពីគោលជំហរបស់ចិនឲ្យបានច្បាស់»។ នេះគឺជាលើកឡើងរបស់លោក Huang Yue ប្រធានក្រុមប្រឹក្សាដើម្បីលើកកម្ពស់ការរួបរួមសន្តិភាពជាតិនៅហូឡង់។
លោក Huagn បានអះអាងថា ពលរដ្ឋចិនជាង៥០០នាក់ បានចូលរួមបាតុកកម្មនោះ។ លោក ពន្យល់ដែរថា បាតុកម្មនៅហូឡង់ ពិតជាមានសារៈសំខាន់ណាស់ ដ្បិត វា គឺជាកន្លែងដែលសាលក្រមត្រូវបានប្រកាស ហើយក្នុងនាមជាផ្នែកមួយនៃសហគមន៍ប្រជាជនចិននៅជុំវិញពិភពលោក ត្រូវតែបង្ហាញពីសំឡេងរបស់យើងឲ្យពិភពលោកបានដឹង។
លោកស្រី Che Luyao បាតុករម្នាក់ដែលបានចូលរួមបាតុកម្មនោះ បានអះអាង ចិន បានដកចេញការដោះស្រាយដែលមានលក្ខណៈចាប់បង្ខំពីជម្លោះដែលជាប់ពាក់ព័ន្ធការកំណត់អធិបតេយ្យដោយស្របតាមមាត្រា២៩៨នៃអនុសញ្ញាអង្គការសហប្រជាជាតិស្តីពីច្បាប់សមុទ្រ ប៉ុន្តែ រដ្ឋបាលអតីតប្រធានាធិបតីហ្វីលីពីនលោក ប៊ែរនីណូ អាហ្គីណូ បានដាក់បណ្តឹងដោយខុសនីតិវិធី។
លោកស្រី បានបន្ថែមថា ការបង្កើតមជ្ឈត្តកម្មនោះ បានបំពាននឹងបទបញ្ញត្តិរបស់អនុសញ្ញាអង្គការសហប្រជាជាតិស្តីពីច្បាប់សមុទ្រ ដ្បិត តុលាការមិនមានសិទ្ធិក្នុងការសម្រេចលើសិទ្ធិអធិបតេយ្យ និងសិទ្ធិដែនសមុទ្ររបស់ចិនឡើយ ជាពិសេសនោះ សាលក្រមនោះ ក៏គ្មានអនុភាពចាប់បង្ខំអ្វីដែរ។
លោក Peter ដែលជាប្រជាជនហូឡង់ និងមានប្រពន្ធជនជាតិចិន ក៏បានបង្ហាញពីការគាំទ្ររបស់លោកលើជំហចិន និងការធ្វើបាតុកម្មនោះ ដោយលោក សង្កត់ធ្ងន់ថា វា ពិតជាសំខាន់ណាស់សម្រាប់ហូឡង់ និងប្រទេសទូទាំងពិភពលោកដើម្បីយល់ពីការពិតពីក្រោយនៃករណីនេះ។
សូមរម្លឹកផងដែរ នៅថ្ងៃទី១២ ខែកក្កដាកន្លងទៅ មជ្ឈត្តការនៃតុលាការអចិន្ត្រៃយ៍ក្រុងឡាអេ នៃប្រទេសហូឡង់ បានចេញសាលក្រមលើសំណុំរឿងសមុទ្រចិនខាងត្បូងតាមបណ្តឹងរបស់ហ្វីលីពីន។ សាលក្រមនោះ បានបកស្រាយថា ការទាមទារ និងសកម្មភាពរបស់ចិន នៅក្នុងសមុទ្រចិនខាងត្បូង បានបំពាននឹងកាតព្វកិច្ចអន្តរជាតិ និងមិនមានមូលដ្ឋានផ្នែកច្បាប់ឡើយ៕
Tag:
សមុទ្រចិនខាងត្បូង
© រក្សាសិទ្ធិដោយ thmeythmey.com