ជាតិ
សម្ដេច ហ៊ុន សែន ប្រាប់អាជីវករលក់ដូរក្នុងផ្សារស្ទឹងសែន ថា ពួកគេអាចលក់ដូរមួយជីវិត
× សម្ដេចនាយករដ្ឋមន្ត្រី ហ៊ុន សែន បានចុះជួបសួរសុខទុក្ខសំណេះសំណាលជាមួយអាជីវករលក់ដូរនៅផ្សារស្ទឹងសែន (ហៅផ្សាចាស់) នៅទីរួមខេត្កំពង់ធំ នៅព្រឹកថ្ងៃទី២៣ កក្កដានេះ។
តាមរយៈរូបភាពដែលបង្ហោះក្នុងហ្វេសប៊ុកខ្លួននោះ សម្ដេច ហ៊ុន សែន បានជួបសំណេះសំណាលជាមួយអាជីវករមួយចំនួនធំ ដែលមិនទាន់បានដឹងច្បាស់អំពីអាណត្តិនៃការលក់ដូរក្នុងផ្សារនេះឡើយ។ សម្ដេច ហ៊ុន សែន បានប្រកាសប្រាប់អាជីវករទាំងនោះវិញថា ពួកគេអាចបន្តការលក់ដូរនៅលើតូបខ្លួនឯងនៅក្នុងផ្សារស្ទឹងសែននេះអស់មួយជីវិត។
បើតាមប្រមុខរដ្ឋាភិបាល ផ្សារស្ទឹងសែននេះ លោកធ្លាប់បានផ្តល់ថវិកាជួសជុលដំបូលផ្សារ សម្រាប់អាជីវករប្រកបការលក់ដូរនៅលើតូបពួកគេនៅទីនោះដែរ។
រយៈប៉ុន្មានពេលប៉ុន្មានថ្ងៃនេះ សម្ដេច ហ៊ុន សែន បានចុះជួបជាមួយប្រជាពលរដ្ឋដោយផ្ទាល់នៅតាមបណ្ដាខេត្តមួយចំនួន ក្រោយពីសម្ដេច ប្រកាសថា លោកនឹងចុះត្រួតពិនិត្យ និងដោះស្រាយបញ្ហាជឿនលឿន និង បញ្ញាសេសសល់ ដែលកើតមានឡើងនៅតាមមូលដ្ឋាន តាមបណ្ដាខេត្តនានា ទូទាំងប្រទេស៕
© រក្សាសិទ្ធិដោយ thmeythmey.com