ចិន ៖ គ្រាន់តែចុះពីរថយន្ត ស្ត្រីពីរនាក់ត្រូវខ្លាក្នុងសួនសត្វខាំអូសដោយក្តីស្រេកឃ្លាន

អន្តរជាតិ

ចិន ៖ គ្រាន់តែចុះពីរថយន្ត ស្ត្រីពីរនាក់ត្រូវខ្លាក្នុងសួនសត្វខាំអូសដោយក្តីស្រេកឃ្លាន

25, Jul 2016 , 8:59 pm

រូបភាព

ដោយ: ធីតា

ស្ត្រីម្នាក់ត្រូវបានសម្លាប់ និងម្នាក់ទៀតរងរបួស ដោយសារសត្វខ្លានៅក្នុងសួនសត្វមួយនៅទីក្រុងប៉េកាំង ពេលដែលពួកគេចុះពីរថយន្ត បន្ទាប់ពីកើតមានជម្លោះ នេះបើតាមសេចក្តីរាយការណ៍របស់សារព័ត៌មានចិន កាលពីថ្ងៃអាទិត្យកន្លងទៅនេះ។

បើតាមគេហទំព័រ Chinanews.com គ្រោះថ្នាក់នេះកើតឡើងកាលពីថ្ងៃសៅរ៍នៅសួនសត្វ Beijing Badaling Wildlife ។ បន្ទាប់ពីមានការឈ្លោះប្រកែកគ្នា ស្ត្រីម្នាក់បានចុះពីរថយន្ត។ ភ្លាមនោះ សត្វខ្លាមួយក្បាលនៅក្នុងសួនសត្វស្រាប់តែបង្ហាញខ្លួននៅតាមផ្លូវដែលរថយន្តកំពុងបរ រួចខាំអូសស្ត្រីរូបនោះយកទៅបាត់។ ឃើញដូច្នោះ ស្ត្រីម្នាក់ទៀតក៏ចុះពីរថយន្តដេញតាមសត្វខ្លាពីក្រោយ ប៉ុន្តែស្ត្រីរូបនេះក៏ត្រូវសត្វខ្លាមួយទៀតសម្លាប់ រួចអូសយកសាកសពទៅ។

បុរសម្នាក់ និងក្មេងប្រុសម្នាក់នៅក្នុងហេតុការណ៍នេះ ដែលបានដេញតាមពីក្រោយស្ត្រីរងគ្រោះទាំងពីរ មិនបានរងរបួសទេ។ ភ្លាមៗនោះ សួនសត្វក៏ត្រូវបិទដើម្បីចាត់វិធានការជាបន្ទាន់។ ពេលនេះ ស្ត្រីម្នាក់ដែលរងរបួសបានផុតពីគ្រោះថ្នាក់ហើយ។

សួនសត្វនេះអនុញ្ញាតឲ្យអ្នកទស្សនាជិះរថយន្តមើលសត្វព្រៃក្នុងសួនបាន ប៉ុន្តែគេហាមចុះពីរថយន្ត ព្រោះវាអាចមានគ្រោះថ្នាក់។ កាលពីឆ្នាំ ២០១៤ ឧទ្យានុរក្សម្នាក់ក៏ត្រូវសត្វខ្លាមួយក្បាលសម្លាប់ផងដែរនៅក្នុងសួនសត្វនេះ៕

ប្រភព៖ Journal de Montréal

វីដេអូ https://www.facebook.com/XinhuaNewsAgency/videos/1335771099783664/

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

6 ថ្ងៃ

«ប្រទានកម្ម»មានន័យដូចម្តេច?

13 ម៉ោង

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

2 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

3 ថ្ងៃ

អត្ថបទពេញនិយមបន្ថែម