ជាតិ
លោក អះម៉ាត់ យ៉ះយ៉ា រម្លឹកពីគុណខ្លះៗដែលលោកធ្លាប់ជួយលោក អូស្មាន ហាស្សាន់
លោក អះម៉ាត់ យ៉ះយ៉ា ពេលចូលបំភ្លឺនៅតុលាការនៅរសៀលថ្ងៃទី២ សីហា ឆ្នំា២០១៦
×![]()
បណ្តឹងបរិហារកេរ្តិ៍ រវាងភាគីដើមបណ្តឹងដែលត្រូវជាក្មួយ គឺលោក អូស្មាន ហាស្សាន់ ដែលបានប្តឹងពូរបស់ខ្លួន គឺលោក អះម៉ាត់ យ៉ះយ៉ា កំពុងក្លាយជារឿងដែលមហាជននៅតាមសហគមន៍ខ្មែរឥស្លាម តាមដានយ៉ាងយកចិត្តទុកដាក់។ បណ្តឹងបរិហាកេរ្តិ៍នេះ ទាក់ទងនឹងលោក អះម៉ាត់ យ៉ះយ៉ា ដែលប្រាប់សារព័ត៌មានថា លោក អូស្មាន ហាស្សាន់ បានរៀបចំគូសប្លង់ធ្វើផ្លួវកាត់របងវិហារបឹងកក់ ឫវិហារកាល់សើកាល់ ក្នុងផលប្រយោជន៍ណាមួយ។
តុលាការសាលាដំបូងរាជធានីភ្នំពេញ នៅថ្ងៃទី២ សីហាម្សិលមិញ បានកោះហៅជនជាប់ចោទ លោក អះម៉ាត់ យ៉ះយ៉ា ទៅបំភ្លឺជាលើកទី២ ពាក់ព័ន្ធនឹងបណ្តឹងបរិហាកេរ្តិ៍ ដែលប្រព្រឹត្តិទៅនៅថ្ងៃទី២៨ មេសា ឆ្នាំ២០១៦។ នៅថ្ងៃទី២៨ មេសា លោក អះម៉ាត់ យ៉ះយ៉ា រដ្ឋលេខាធិការ ក្រសួងសង្គមកិច្ច បានផ្តល់បទសម្ភាសតាមទូរសព្ទជាមួយសារព័ត៌មានថ្មីៗ ដោយបញ្ជាក់ថា លោក អូស្មាន ហាស្សាន់ រដ្ឋលេខាធិការក្រសួងការងារ និងសហការី ជាអ្នករៀបចំគូរប្លង់ធ្វើផ្លូវកាត់របងវិហារបឹងកក់ ដើម្បីបានផលប្រយោជន៍។
ក្រោយពីបញ្ចប់ការសាកសួរអស់រយៈពេលប្រមាណ៣ម៉ោង នៅរសៀលថ្ងៃទី២ សីហា តុលាការសម្រេចប្រកាសសាលក្រម នៅថ្ងៃទី១៥ សីហា។ លោក អះម៉ាត់ យ៉ះយ៉ា បានផ្តល់បទសម្ភាសជាមួយក្រុមអ្នកសារព័ត៌មានថា លោកមានសង្ឃឹមតិចតួចណាស់ ពាក់ព័ន្ធនឹងបណ្តឹងមួយនេះ។ យ៉ាងណាលោកបញ្ជាក់ថា នឹងរង់ចាំមើល ថាតើតុលាការមានភាពយុត្តិធម៌ដល់កម្រិតណា។
ទាក់ទងនឹងការលើកឡើងរបស់លោក ដែលថាក្រុមរបស់លោក អូស្មាន ហាស្សាន់ ជាអ្នករៀបចំគម្រោងគូរប្លង់ផ្លូវកាត់វិហារបឹងកក់នោះ លោក អះម៉ាត់ យ៉ះយ៉ា ពន្យល់ថា គឺលោកនិយាយរឿងប្លង់ចាស់តែប៉ុណ្ណោះ។ ចំណែកប្លង់ពិតប្រាកដ ដែលស្ថិតក្នុងគម្រោងរបស់សាលារាជធានីភ្នំពេញនោះ គឺមិនទាន់ច្បាស់លាស់ទេ។ លោកបន្ថែមថា៖« ខ្ញុំបានជួបអភិបាលក្រុង កាលពីសប្តាហ៍មុន គាត់ប្រាប់ថាមិនទាន់ច្បាស់ទេ។ ចឹងអ្វីដែលខ្ញុំនិយាយជាមួយកាសែតនោះ គឺខ្ញុំនិយាយរឿងប្លង់ចាស់ ដែលអូស្មាន ហាស្សាន់ និងសហការីគូរ...»។
ក្រៅពីបង្ហាញជំហរចង់បញ្ចប់រឿងក្តីនេះហើយ លោក អះម៉ាត់ យ៉ះយ៉ា ក៏បានសុំទោសក្មួយរបស់លោក គឺលោក អូស្មាន ហាស្សាន់ផងដែរ។ លោករៀបរាប់ថា៖«... ខ្ញុំបាននិយាយថា ប្រសិនខ្ញុំបាននិយាយខុស ខ្ញុំសុំអភ័យទោស។ ដោយសារអ្វី ដោយសារវាជាក្មួយរបស់ខ្ញុំ ខ្ញុំជាមារបស់វា...»។ លោកបានរម្លឹកពីគុណរបស់លោកខ្លះៗ ដែលលោកធ្លាប់ជួយលោក អូស្មាន ហាស្សាន់ ទាំងការដែលលោកបានជួយក្មួយ ឲ្យប្រឡូកក្នុងឆាកនយោបាយរហូតមកដល់សព្វថ្ងៃនេះ៖«...កាលវានៅក្មេងៗ អត់ទាន់ចេះជិះកង់ ខ្ញុំអ្នកឌុបវា ហត់ចង់ងាប់ បែកញើស អាវសប្រែជាពណ៌ផ្សេង។ ពេលវាចង់ធ្វើនយោបាយ ខ្ញុំក៏ឲ្យវាទៅប្រជុំនៅឥណ្ឌូនេស៊ី ដើម្បីថ្ងៃក្រោយស្គាល់គេឯង...វាមកខឹង និងប្តឹងខ្ញុំ គ្រាន់តែសំដីមួយម៉ាត់ហ្នឹង ទារសំណង១លានដុល្លារ។...វានាំតែខាតពេលវេលា និងប្រយោជន៍រួមទេ...»។
ក្នុងបទសម្ភាសជាមួយវិទ្យុអាស៊ីសេរី លោក អះម៉ាត់ យ៉ះយ៉ា ក៏បានលើកឡើងពីការខាតប្រយោជន៍ខាងនយោបាយផងដែរ។ ព្រោះថា ទាំងលោក និងលោក អូស្មាន ហាស្សាន់ ស្ថិតក្នុងគណបក្សប្រជាជនតែមួយ ដូច្នេះវានឹងអាចប៉ះពាល់ដល់សន្លឹកឆ្នោត ដោយគ្រាន់តែរឿងជម្លោះផ្ទាល់ខ្លួនបែបនេះ។
យ៉ាងណាក៏ដោយ គេនៅចាំមើលសេចក្តីសម្រេចរបស់តុលាការ ខណៈដែលលោក អះម៉ាត់ យ៉ះយ៉ា ចង់បានការសម្របសម្រួលក្រៅប្រព័ន្ធតុលាការ។ សារព័ត៌មានថ្មីៗ មិនអាចសុំការឆ្លើយតបពីខាងលោក អូស្មាន ហាស្សាន់បានទេ ខណៈដែលលោកកំពុងចូលរួមកិច្ចប្រជុំនៅប្រទេសឥណ្ឌូនេស៊ី។
គួររម្លឹកថា ក្នុងពេលចូលសវនការបំភ្លឺលើកទី២របស់លោក អះម៉ាត់ យ៉ះយ៉ា កាលពីម្សិលមិញ ក៏មានអ្នកដែលជំទាស់នឹងគម្រោងធ្វើកាត់របងវិហារបឹងកក់ នៅក្នុងរាជធានី និងតាមបណ្តាខេត្តចូលរួមផងដែរ។ សាសនិកឥស្លាមទាំងនោះយល់ថា គម្រោងនេះធ្វើឲ្យប៉ះពាល់ដល់ភាពស្ងប់ស្ងាត់ក្នុងទីកន្លែងគោរពសក្ការរបស់ពួកគេ និងស្នើឲ្យសាលារាជធានីភ្នំពេញ ធ្វើផ្លូវតាមរបង ជាជាងកាត់របងវិហារ។ វិហារបឹងកក់ គឺជាវិហារដែលធំជាងគេក្នុងប្រទេសកម្ពុជា និងត្រូវបានដាក់សម្ភោធកាលពីថ្ងៃទី២៧ មិនា ឆ្នាំ២០១៥ ក្រោមអធិបតីភាពរបស់សម្តេច ហ៊ុន សែន៕
តុលាការសាលាដំបូងរាជធានីភ្នំពេញ នៅថ្ងៃទី២ សីហាម្សិលមិញ បានកោះហៅជនជាប់ចោទ លោក អះម៉ាត់ យ៉ះយ៉ា ទៅបំភ្លឺជាលើកទី២ ពាក់ព័ន្ធនឹងបណ្តឹងបរិហាកេរ្តិ៍ ដែលប្រព្រឹត្តិទៅនៅថ្ងៃទី២៨ មេសា ឆ្នាំ២០១៦។ នៅថ្ងៃទី២៨ មេសា លោក អះម៉ាត់ យ៉ះយ៉ា រដ្ឋលេខាធិការ ក្រសួងសង្គមកិច្ច បានផ្តល់បទសម្ភាសតាមទូរសព្ទជាមួយសារព័ត៌មានថ្មីៗ ដោយបញ្ជាក់ថា លោក អូស្មាន ហាស្សាន់ រដ្ឋលេខាធិការក្រសួងការងារ និងសហការី ជាអ្នករៀបចំគូរប្លង់ធ្វើផ្លូវកាត់របងវិហារបឹងកក់ ដើម្បីបានផលប្រយោជន៍។
ក្រោយពីបញ្ចប់ការសាកសួរអស់រយៈពេលប្រមាណ៣ម៉ោង នៅរសៀលថ្ងៃទី២ សីហា តុលាការសម្រេចប្រកាសសាលក្រម នៅថ្ងៃទី១៥ សីហា។ លោក អះម៉ាត់ យ៉ះយ៉ា បានផ្តល់បទសម្ភាសជាមួយក្រុមអ្នកសារព័ត៌មានថា លោកមានសង្ឃឹមតិចតួចណាស់ ពាក់ព័ន្ធនឹងបណ្តឹងមួយនេះ។ យ៉ាងណាលោកបញ្ជាក់ថា នឹងរង់ចាំមើល ថាតើតុលាការមានភាពយុត្តិធម៌ដល់កម្រិតណា។
ទាក់ទងនឹងការលើកឡើងរបស់លោក ដែលថាក្រុមរបស់លោក អូស្មាន ហាស្សាន់ ជាអ្នករៀបចំគម្រោងគូរប្លង់ផ្លូវកាត់វិហារបឹងកក់នោះ លោក អះម៉ាត់ យ៉ះយ៉ា ពន្យល់ថា គឺលោកនិយាយរឿងប្លង់ចាស់តែប៉ុណ្ណោះ។ ចំណែកប្លង់ពិតប្រាកដ ដែលស្ថិតក្នុងគម្រោងរបស់សាលារាជធានីភ្នំពេញនោះ គឺមិនទាន់ច្បាស់លាស់ទេ។ លោកបន្ថែមថា៖« ខ្ញុំបានជួបអភិបាលក្រុង កាលពីសប្តាហ៍មុន គាត់ប្រាប់ថាមិនទាន់ច្បាស់ទេ។ ចឹងអ្វីដែលខ្ញុំនិយាយជាមួយកាសែតនោះ គឺខ្ញុំនិយាយរឿងប្លង់ចាស់ ដែលអូស្មាន ហាស្សាន់ និងសហការីគូរ...»។
ក្រៅពីបង្ហាញជំហរចង់បញ្ចប់រឿងក្តីនេះហើយ លោក អះម៉ាត់ យ៉ះយ៉ា ក៏បានសុំទោសក្មួយរបស់លោក គឺលោក អូស្មាន ហាស្សាន់ផងដែរ។ លោករៀបរាប់ថា៖«... ខ្ញុំបាននិយាយថា ប្រសិនខ្ញុំបាននិយាយខុស ខ្ញុំសុំអភ័យទោស។ ដោយសារអ្វី ដោយសារវាជាក្មួយរបស់ខ្ញុំ ខ្ញុំជាមារបស់វា...»។ លោកបានរម្លឹកពីគុណរបស់លោកខ្លះៗ ដែលលោកធ្លាប់ជួយលោក អូស្មាន ហាស្សាន់ ទាំងការដែលលោកបានជួយក្មួយ ឲ្យប្រឡូកក្នុងឆាកនយោបាយរហូតមកដល់សព្វថ្ងៃនេះ៖«...កាលវានៅក្មេងៗ អត់ទាន់ចេះជិះកង់ ខ្ញុំអ្នកឌុបវា ហត់ចង់ងាប់ បែកញើស អាវសប្រែជាពណ៌ផ្សេង។ ពេលវាចង់ធ្វើនយោបាយ ខ្ញុំក៏ឲ្យវាទៅប្រជុំនៅឥណ្ឌូនេស៊ី ដើម្បីថ្ងៃក្រោយស្គាល់គេឯង...វាមកខឹង និងប្តឹងខ្ញុំ គ្រាន់តែសំដីមួយម៉ាត់ហ្នឹង ទារសំណង១លានដុល្លារ។...វានាំតែខាតពេលវេលា និងប្រយោជន៍រួមទេ...»។
ក្នុងបទសម្ភាសជាមួយវិទ្យុអាស៊ីសេរី លោក អះម៉ាត់ យ៉ះយ៉ា ក៏បានលើកឡើងពីការខាតប្រយោជន៍ខាងនយោបាយផងដែរ។ ព្រោះថា ទាំងលោក និងលោក អូស្មាន ហាស្សាន់ ស្ថិតក្នុងគណបក្សប្រជាជនតែមួយ ដូច្នេះវានឹងអាចប៉ះពាល់ដល់សន្លឹកឆ្នោត ដោយគ្រាន់តែរឿងជម្លោះផ្ទាល់ខ្លួនបែបនេះ។
យ៉ាងណាក៏ដោយ គេនៅចាំមើលសេចក្តីសម្រេចរបស់តុលាការ ខណៈដែលលោក អះម៉ាត់ យ៉ះយ៉ា ចង់បានការសម្របសម្រួលក្រៅប្រព័ន្ធតុលាការ។ សារព័ត៌មានថ្មីៗ មិនអាចសុំការឆ្លើយតបពីខាងលោក អូស្មាន ហាស្សាន់បានទេ ខណៈដែលលោកកំពុងចូលរួមកិច្ចប្រជុំនៅប្រទេសឥណ្ឌូនេស៊ី។
គួររម្លឹកថា ក្នុងពេលចូលសវនការបំភ្លឺលើកទី២របស់លោក អះម៉ាត់ យ៉ះយ៉ា កាលពីម្សិលមិញ ក៏មានអ្នកដែលជំទាស់នឹងគម្រោងធ្វើកាត់របងវិហារបឹងកក់ នៅក្នុងរាជធានី និងតាមបណ្តាខេត្តចូលរួមផងដែរ។ សាសនិកឥស្លាមទាំងនោះយល់ថា គម្រោងនេះធ្វើឲ្យប៉ះពាល់ដល់ភាពស្ងប់ស្ងាត់ក្នុងទីកន្លែងគោរពសក្ការរបស់ពួកគេ និងស្នើឲ្យសាលារាជធានីភ្នំពេញ ធ្វើផ្លូវតាមរបង ជាជាងកាត់របងវិហារ។ វិហារបឹងកក់ គឺជាវិហារដែលធំជាងគេក្នុងប្រទេសកម្ពុជា និងត្រូវបានដាក់សម្ភោធកាលពីថ្ងៃទី២៧ មិនា ឆ្នាំ២០១៥ ក្រោមអធិបតីភាពរបស់សម្តេច ហ៊ុន សែន៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
