មួយខែក្រោយមរណភាពស្វាមី ភរិយាលោក កែម ឡី ដាក់បណ្តាសាអ្នកសម្លាប់

ជាតិ

មួយខែក្រោយមរណភាពស្វាមី ភរិយាលោក កែម ឡី ដាក់បណ្តាសាអ្នកសម្លាប់

12, Aug 2016 , 10:36 am

រូបភាព

រូបភាព៖ ហ្វេសប៊ុកភរិយាលោក កែម ឡី

ដោយ: ថ្មីៗ

តើប្តីខ្ញុំធ្វើខុសអ្វីបានជាមកសម្លាប់គាត់បែបនេះ? នេះជាសំណួរដែលបង្កប់នូវសេចក្ដីស្រលាញ់ អាឡោះអាល័យសោកស្ដាយនៃការបាត់បង់ប្តី កូនបាត់បង់ឪពុក ដែលបានឃ្លាតឆ្ងាយពីគ្នាដោយសារឃាតករបាញ់សម្លាប់។

លោកស្រី ប៊ូ រចនា ភរិយាសពលោកបណ្ឌិត កែម ឡី បង្ហាញអារម្មណ៍អួលណែនខ្លោចផ្សាក្នុងចិត្ត ដោយបានបង្ហោះរូបថតលោក កែម ឡី រួមទាំងអ្នកស្រីនិងកូនៗ ដោយសរសេរលើហ្វេសប៊ុកខ្លួនថា៖«ចុះបើគេសម្លាប់អ្នកឲ្យព្រាត់ពីប្រពន្ធកូនវិញតើអ្នកឯងឈឺចាប់អត់? ខ្ញុំសូមដាក់បណ្តាសាអ្នកដែលសម្លាប់ប្តីរបស់ខ្ញុំឲ្យវិនាសអន្តរាយព្រាត់ប្រាស់ចោលគ្រួសារ។ ខ្ញុំឈឺចាប់ខ្លាំងណាស់គាត់ជាប្តីល្អ ជាប៉ាល្អសម្រាប់កូនៗរបស់ខ្ញុំ»។

លោក កែម ឡី ត្រូវបានឃាតករបាញ់សម្លាប់នៅក្នុងម៉ាតមួយកន្លែង ក្បែរស្ដុបបូកគោ កាលពីថ្ងៃទី១០ កក្កដា។សពលោក កែម ឡី ត្រូវបានយកទៅបញ្ចុះនៅស្រុកកំណើតនាខេត្តតាកែវ។ ចំណែកឃាតករដែលបាញ់សម្លាប់លោក កែម ឡី ដែលត្រូវបានសមត្ថកិច្ចចាប់ខ្លួនមានឈ្មោះថា ជួប សម្លាប់៕