ពីនេះ ពីនោះ
ពាក្យ«អត្តនោម័តិ» មានអត្ថន័យបែបណា?
× ពាក្យថា«អត្តនោម័តិ» គឺជាពាក្យមួយដែលសាធារណជនតែងតែនិយាយ និងសរសេរ ជាពិសេស ក្នុងស្រទាប់បញ្ញវន្ត និងអ្នកសិក្សាបានខ្ពងខ្ពស់។ វចនានុក្រមខ្មែររបស់ សម្ដេចព្រះសង្ឃរាជ ជួន ណាត បានសរសេរ និងឲ្យនិយមន័យពាក្យថា អត្តនោម័តិ ដូចខាងក្រោម៖
ពាក្យ«អត្តនោម័តិ» មានថ្នាក់ពាក្សជានាម មានន័យថា គំនិតនៃខ្លួន ការយល់ឃើញដោយគំនិតរបស់ខ្លួនៈ និយាយតាមអត្តនោម័តិ, សេចក្ដីនេះជាអត្តនោម័តិ។
នៅក្នុងទស្សនវិជ្ជា ពាក្យ«អត្តនោម័តិ» គឺជាទ្រឹស្ដីមួយដែលយល់ថា អ្វីៗគ្រប់យ៉ាងត្រូវបានកំណត់ដោយប្រធានវិស័យភាព។ ហើយការយល់ដឹងរបស់មនុស្ស នឹងធ្វើការឆ្លុះបញ្ចាំងពីពិភពខាងក្រៅ។ វាគឺជាតម្លៃមួយត្រូវបានបង្ហាញឲ្យឃើញតាមរយៈមនោសញ្ចេតនា ឥរិយាបថ និងជំនឿដែលមនុស្សបានជួបប្រទះ ឬឆ្លងកាត់។ ក្នុងនោះផងដែរ «អត្តនោម័តិ» ក៏ជាទ្រឹស្ដីមួយដែលផ្ដល់តម្លៃទៅលើគំនិតរបស់បុគ្គល។
ដកស្រង់ពីវចនានុក្រមសម្ដេចព្រះសង្ឃរាជ ជួន ណាត និងមេរៀនទស្សនវិជ្ជា
© រក្សាសិទ្ធិដោយ thmeythmey.com