ពីនេះ ពីនោះ
ពពូលជើងលឿង តែងតែនៅលើដើមឈើរកផ្លែឈើជាចំណី
× ពពូលជើងលឿង គឺជាឈ្មោះបក្សីមួយប្រភេទ ដែលបក្សីឈ្មោលមានក្បាលពណ៌ប្រផេះ បំពង់ក និងទ្រូងពណ៌លឿងលាយបៃតង ចំណែកឯខ្នងមានពណ៌បៃតង ពោះពណ៌ប្រផេះ ជើងលឿង កន្ទុយឆ្នូតទទឹង២កង់ពណ៌លឿង និងបៃតង។ ចំណែកបក្សីញីវិញ មានក និងទ្រូងពណ៌លឿងស្រស់ ខ្នងពណ៌បៃតងខ្ចី។ បក្សីនេះ ច្រើនរស់នៅតាមព្រៃរបោះចម្រុះ ដំណុះព្រៃក្មេង តំបន់ទំនាប់ជាដើម។ ចំពោះការស្វែងរកចំណីវិញនោះ ពពូលជើងលឿងតែងតែនៅលើដើមឈើរកផ្លែឈើជាចំណី។ វាតែងតែបង្ហាញវត្តមានពេញមួយឆ្នាំនៅតាមតំបន់ដែលបានរៀបរាប់ខាងលើ ហើយធ្វើការបន្តពូជចាប់ពីខែ មីនា ដល់ខែ មិថុនា៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com