ជាតិ
ប្រធាន ACU ជំរុញឲ្យមន្ត្រីសង្កេតការណ៍រាយការណ៍ភាពមិនប្រក្រតីតាមហ្វេសប៊ុក
×![]()
ប្រធានអង្គភាពប្រឆាំងអំពើពុករលួយ (ACU) លោក ឱម យ៉ិនទៀង ជំរុញឲ្យមន្ត្រីសង្កេតការណ៍ ACU ដែលចូលរួមឃ្លាំមើលសកម្មភាពបេក្ខជនប្រឡងសញ្ញាបត្រទុតិយសឆ្នាំ២០១៦ នៅសប្ដាហ៍ក្រោយនេះ ត្រូវថតសកម្មភាពប្រឡង រាយការណ៍តាមបណ្ដាញសង្គមហ្វេសប៊ុក (Facebook) ឲ្យបានលឿន ទាំងរឿងវិជ្ជមាន និងអវិជ្ជមាន ។ តែយ៉ាងណាអ្នកសង្កេតការណ៍ ត្រូវគោរពបទបញ្ញត្តិ នៃតួនាទីអ្នកសង្កេតការណ៍របស់ ACU ផងដែរ ។
បើតាមលោក ឱម យ៉ិនទៀង អ្នកសង្កេតការណ៍ ACU ជាង ៦ពាននាក់ មានអំណាចខ្លាំង ជាងរាជការសាធារណៈទៀតផង។ ថ្លែងក្នុងកម្មវិធីណែនាំអ្នកសង្កេត ACU នៅសាលាតិចណូ រសៀលនេះ ប្រធានអង្គភាពប្រឆាំងអំពើពុករលួយរូបនេះ បានបញ្ជាក់ដូច្នេះថា៖«តែមានសិទ្ធិអំណាចច្រើន ទទួលខុសត្រូវក៏ធ្ងន់ជាងគេដែរ។ ក្មួយឯងតែកាន់ទូរស័ព្ទចូលហើយ ត្រូវថតទាំងល្អ ទាំងមិនល្អ។ ល្អត្រូវផ្សាយឲ្យគេ ព្រោះយើងជាសាក្សីរស់ បង្ហាញថាបេក្ខជន សិស្សនេះគេធ្វើល្អ យើងត្រូវបង្ហាញគេ ហើយខុសក៏ត្រូវបង្ហាញ»។
ជាមួយគ្នារដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន ក៏ជំរុញឲ្យមន្ត្រីសង្កេតការណ៍ ACU ទាំងអស់ ជួយតាមដានឃ្លាំមើលនិងសហការគ្នាជាមួយមន្ត្រីក្រសួងឲ្យបានម៉ត់ចត់ល្អដូចឆ្នាំមុនៗ ដើម្បីពង្រឹងគុណអប់រំកម្ពុជា។ បើតាមលោក ហង់ ជួនណារ៉ុន ក្រសួងអប់រំនឹងដឹកប្រធានវិញ្ញាសារប្រឡងទៅតាមមន្ទីរអប់រំ រាជធានីខេត្តនៅថ្ងៃទី១៩ សីហា នេះ ដោយលោកសន្យាធានា មិនឲ្យមានការបែកធ្លាយវិញ្ញាសារប្រឡងឡើយ។
វិញ្ញាសាប្រឡងសម្រាប់សិស្សថ្នាក់វិទ្យាសាស្ត្រសង្គម វិញ្ញាសាដែលត្រូវប្រឡងរួមមាន ភូមិវិទ្យា ប្រវត្តិវិទ្យា ផែនដីនិងបរិស្ថានវិទ្យា ភាសាបរទេស គណិតវិទ្យា សីលធម៌-ពលរដ្ឋវិជ្ជា និងអក្សរសាស្ត្រខ្មែរ។ ចំណែកឯសិស្សថ្នាក់វិទ្យាសាស្ត្រពិត វិញ្ញាសាដែលត្រូវប្រឡងរួមមាន គណិតវិទ្យា រូបវិទ្យា គីមីវិទ្យា ជីវវិទ្យា អក្សរសាស្ត្រខ្មែរ ប្រវត្តិវិទ្យា និងភាសាបរទេស។
គួរបញ្ជាក់ថា បេក្ខជនប្រឡងសញ្ញាបត្រទុតិយសភូមិនៅឆ្នាំ២០១៦នេះ នឹងប្រព្រឹត្តិទៅនៅថ្ងៃទី២២ និង ២៣ សីហា។ សម័យប្រឡងបាក់ឌុបឆ្នាំ២០១៦នេះ មានបេក្ខជនសរុបចំនួន៩៣.៧៥២នាក់ មានមណ្ឌលប្រឡងចំនួន ១៥៧មណ្ឌល និង ៣.៧៨១បន្ទប់ នៅទូទាំង២៥ រាជធានី-ខេត្ត។សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្ដាល ក្រសួងនឹងប្រកាសលទ្ធផលនៅរសៀលថ្ងៃទី១៣ ខែកញ្ញា ឆ្នាំ២០១៦ រីឯមណ្ឌលនៅតាមបណ្តាខេត្តនានា នឹងប្រកាសនៅថ្ងៃទី១៤ ខែកញ្ញា ឆ្នាំ២០១៦៕
បើតាមលោក ឱម យ៉ិនទៀង អ្នកសង្កេតការណ៍ ACU ជាង ៦ពាននាក់ មានអំណាចខ្លាំង ជាងរាជការសាធារណៈទៀតផង។ ថ្លែងក្នុងកម្មវិធីណែនាំអ្នកសង្កេត ACU នៅសាលាតិចណូ រសៀលនេះ ប្រធានអង្គភាពប្រឆាំងអំពើពុករលួយរូបនេះ បានបញ្ជាក់ដូច្នេះថា៖«តែមានសិទ្ធិអំណាចច្រើន ទទួលខុសត្រូវក៏ធ្ងន់ជាងគេដែរ។ ក្មួយឯងតែកាន់ទូរស័ព្ទចូលហើយ ត្រូវថតទាំងល្អ ទាំងមិនល្អ។ ល្អត្រូវផ្សាយឲ្យគេ ព្រោះយើងជាសាក្សីរស់ បង្ហាញថាបេក្ខជន សិស្សនេះគេធ្វើល្អ យើងត្រូវបង្ហាញគេ ហើយខុសក៏ត្រូវបង្ហាញ»។
ជាមួយគ្នារដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន ក៏ជំរុញឲ្យមន្ត្រីសង្កេតការណ៍ ACU ទាំងអស់ ជួយតាមដានឃ្លាំមើលនិងសហការគ្នាជាមួយមន្ត្រីក្រសួងឲ្យបានម៉ត់ចត់ល្អដូចឆ្នាំមុនៗ ដើម្បីពង្រឹងគុណអប់រំកម្ពុជា។ បើតាមលោក ហង់ ជួនណារ៉ុន ក្រសួងអប់រំនឹងដឹកប្រធានវិញ្ញាសារប្រឡងទៅតាមមន្ទីរអប់រំ រាជធានីខេត្តនៅថ្ងៃទី១៩ សីហា នេះ ដោយលោកសន្យាធានា មិនឲ្យមានការបែកធ្លាយវិញ្ញាសារប្រឡងឡើយ។
វិញ្ញាសាប្រឡងសម្រាប់សិស្សថ្នាក់វិទ្យាសាស្ត្រសង្គម វិញ្ញាសាដែលត្រូវប្រឡងរួមមាន ភូមិវិទ្យា ប្រវត្តិវិទ្យា ផែនដីនិងបរិស្ថានវិទ្យា ភាសាបរទេស គណិតវិទ្យា សីលធម៌-ពលរដ្ឋវិជ្ជា និងអក្សរសាស្ត្រខ្មែរ។ ចំណែកឯសិស្សថ្នាក់វិទ្យាសាស្ត្រពិត វិញ្ញាសាដែលត្រូវប្រឡងរួមមាន គណិតវិទ្យា រូបវិទ្យា គីមីវិទ្យា ជីវវិទ្យា អក្សរសាស្ត្រខ្មែរ ប្រវត្តិវិទ្យា និងភាសាបរទេស។
គួរបញ្ជាក់ថា បេក្ខជនប្រឡងសញ្ញាបត្រទុតិយសភូមិនៅឆ្នាំ២០១៦នេះ នឹងប្រព្រឹត្តិទៅនៅថ្ងៃទី២២ និង ២៣ សីហា។ សម័យប្រឡងបាក់ឌុបឆ្នាំ២០១៦នេះ មានបេក្ខជនសរុបចំនួន៩៣.៧៥២នាក់ មានមណ្ឌលប្រឡងចំនួន ១៥៧មណ្ឌល និង ៣.៧៨១បន្ទប់ នៅទូទាំង២៥ រាជធានី-ខេត្ត។សម្រាប់មណ្ឌលប្រឡងនៅរាជធានីភ្នំពេញ និងខេត្តកណ្ដាល ក្រសួងនឹងប្រកាសលទ្ធផលនៅរសៀលថ្ងៃទី១៣ ខែកញ្ញា ឆ្នាំ២០១៦ រីឯមណ្ឌលនៅតាមបណ្តាខេត្តនានា នឹងប្រកាសនៅថ្ងៃទី១៤ ខែកញ្ញា ឆ្នាំ២០១៦៕
Tag:
ACU
អប់រំ
បាក់ឌុប
© រក្សាសិទ្ធិដោយ thmeythmey.com
