​កំណាព្យ​បទ ជាប់​ទង​ ​ ​

 

-​ក្រោយ​រាំច្រៀង ​នាង​ទឹកភ្នែក​ ​ ​ជ្រែក​ផែនថ្ពាល់​

​សើច​រៀងរាល់​ ​ទាល់​ពេញទី​ ​ ​វីវក់​ចិត្ត​

​ក្រៅ​សប្បាយ​ ​ ​ខ្វាយខ្វល់​ណាស់​ ​ខ្វះ​អ្នក​ស្និទ្ធ​

​ប្រុស​កៀក​កិត​ ​ត្បិត​ត្រូវការ​ ​ ​កាយា​ស្រី​។​
 

-​លើក​កែវស្រា​ ​ស្មា​គ្រលែង​ ​ ​ក្រែង​ចិត្ត​គេ​

​មិន​ថា​ទេ​ ​ ​គេ​ត្រូវការ​ ​ ​ថា​មិន​ថ្វី​

​ទោះ​ស្រវឹង​ ​ ​ប្រឹង​ស្រា​វា​ ​ ​ស្រា​ជាថ្មី​

​ថា​អត់​អី​ ​ ​ស្រី​កំដរ​ ​ ​ក៏បាន​ដែរ​។​
 

-​ភ្ញៀវ​ហុច​ប្រាក់​ ​ចាក់​មុខក្រោយ​ ​ឲ្យ​បេះ​បិ​ច​

​ច្រើន​ឬ​តិច​ ​ ​ម្តេច​ហ៊ាន​ខឹង​ ​ ​ប្រឹង​ស្និទ្ធស្នេហ៍​ ​ ​ ​ ​ ​

​គ្រួសារ​ក្រ​ ​ ​របរ​ខ្វះ​ ​ ​ ​ខ្វះ​ទាំង​ស្រែ​

​ចង់​ជួយ​ម៉ែ​ ​ ​តែ​ចំណេះ​ ​ ​ចេះ​ស្តួចស្តើង​។​
 

-​ស៊ូ​ប្តូរ​ប្រាណ​ ​ ​បានជា​ប្រាក់​ ​ ​ដាក់​ជាដើម​

​ទុន​ចាប់ផ្តើម​ ​ ​ផ្សើម​បន្ត​ ​ ​ចរ​រក​ថ្កើង​

​កុំ​ស្អប់​ខ្ញុំ​ ​ ​សុំ​អង្វរ​ ​ ​ករ​កុំ​ឆ្មើង​

​ឈប់​រើសអើង​ ​ឡើង​បាន​ខ្ពស់​ ​រស់​មានទ្រព្យ​។​
 

-​ខ្ញុំ​មិន​ចង់​ ​ ​ ​បង់​បាត់​ប្រាណ​ ​បាន​មាត់​ព្រាន​

​តែ​ខ្ញុំ​គ្មាន​ ​ ​ ​មាន​នរណា​ ​ ​ស្តារ​ឲ្យ​គាប់​

​ចង់​ចៀស​ណាស់​ ​ច្បាស់​ចង់​កែ​ ​ ​ប្រែប្រួល​ភ័ព្វ​

​មាន​គេ​រាប់​ ​ ​ ​គាប់​គូស្នេហ៍​ ​ ​ថែ​ដូច​គេ​៕