កំណែវិញ្ញាសាបាក់ឌុបចាប់ផ្តើមនៅថ្ងៃនេះហើយ

ជាតិ

កំណែវិញ្ញាសាបាក់ឌុបចាប់ផ្តើមនៅថ្ងៃនេះហើយ

28, Aug 2016 , 10:18 am

រូបភាព

ក្រុមការងារនៅមណ្ឌលវិទ្យាល័យប៊ុន រ៉ានី ហ៊ុន សែន វត្តភ្នំ ចាប់កែសន្លឹកកិច្ចការបេក្ខជន លើវិញ្ញាសាប្រវត្តិវិទ្យា។ រូបថត ACU

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ គណៈកម្មការកំណែវិញ្ញាសាប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា ចាប់ផ្តើមកែសន្លឹកវិញ្ញាសាបេក្ខជននៅថ្ងៃទី ២៨ ខែសីហា ឆ្នាំ២០១៦ នេះនៅតាមមណ្ឌលកំណែក្នុងរាជធានីភ្នំពេញ ដែលក្រសួងអប់រំ យុវជន និងកីឡា បានកំណត់។

ក្រុមអត្រាកំណែមិនត្រូវបានអនុញ្ញាតឲ្យយកកាបូប និងទូរសព្ទដៃចូលក្នុងមណ្ឌលកំណែឡើយ ហើយការបង្ហោះចេញនូវអត្រាកំណែ និងសន្លឹកកិច្ចការរបស់បេក្ខជន នៅតាមបណ្តាញសង្គម ត្រូវបានហាមឃាត់។ ជាមួយគ្នានេះ មណ្ឌលកំណែទាំងអស់ ក៏ត្រូវបានបំពាក់កាមេរ៉ាសុវត្ថិភាពផងដែរ។

ការប្រកាសលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជាក្នុងឆ្នាំ២០១៦នេះ នឹងធ្វើឡើងនៅរសៀលថ្ងៃទី១៣ ខែកញ្ញា សម្រាប់មណ្ឌលរាជធានីភ្នំពេញ និងខេត្តកណ្ដាល។ ចំណែកឯមណ្ឌលតាមបណ្ដាខេត្តនានា នឹងប្រកាសនៅថ្ងៃទី១៤ ខែកញ្ញា ឆ្នាំ២០១៦ និងតាមបណ្ដាញសង្គមហ្វេសប៊ុកផ្លូវការរបស់ក្រសួង៕