ជាតិ
បក្សប្រឆាំងស្នើក្រសួងការងារកំណត់ថ្ងៃឈប់សម្រាកពិសេសដើម្បីឲ្យកម្មករចុះឈ្មោះបោះឆ្នោត
×![]()
ភ្នំពេញ៖ ខណៈការចុះឈ្មោះបោះឆ្នោតថ្ងៃទី០១ កញ្ញា កាន់តែខិតចូលមកដល់ គណបក្សសង្គ្រោះជាតិ បានស្នើទៅក្រសួងការងារ និងបណ្តុះបណ្តាលវិជ្ជាជីវៈ កំណត់ថ្ងៃឈប់សម្រាកពិសេស ដើម្បីផ្តល់ឱកាសដល់កម្មករកម្មការនីនិងពលករ មានពេលវេលាគ្រប់គ្រាន់ ធ្វើដំណើរទៅចុះឈ្មោះបោះឆ្នោតនៅស្រុកកំណើត។
ក្រៅពីអំពាវនាវឲ្យពលរដ្ឋខ្មែរទាំងអស់នាំគ្នាទៅចុះឈ្មោះបោះនោះ លោក អេង ឆៃអ៊ាង តំណាងរាស្ត្រមកពីគណបក្សសង្គ្រោះជាតិ បានថ្លែងថា គណបក្សសង្គ្រោះជាតិ បានស្នើទៅក្រសួងការងារ និងបណ្តុះបណ្តាលវិជ្ជាជីវៈ ដើម្បីកំណត់ថ្ងៃឈប់សម្រាកពិសេស ឲ្យពលរដ្ឋមានពេលវេលាគ្រប់គ្រាន់ទៅចុះឈ្មោះបោះឆ្នោតនៅស្រុកកំណើតរបស់ពួកគេ។
លោក អេង ឆៃអ៊ាង បន្ថែមទៀតថា ខណៈដែលពេលវេលាឈប់សម្រាកថ្ងៃភ្ជុំបិណ្ឌមានតែរយៈ៣ថ្ងៃ គឺជាពេលវេលាខ្លីសម្រាប់កម្មករកម្មការនីបានឈប់សម្រាក ដើម្បីទៅស្រុកកំណើត និងចុះឈ្មោះបោះឆ្នោតនោះ លោកថា នៅថ្ងៃភ្ជុំបិណ្ឌនេះ គណបក្សសង្គ្រោះជាតិ បានស្នើទៅគណៈកម្មាធិការជាតិរៀបចំការបោះឆ្នោត(គ.ជ.ប) ដើម្បីឲ្យក្រុមការងារចុះឈ្មោះបោះឆ្នោត ឈប់សម្រាករយៈពេល១ថ្ងៃក្នុងពេលបុណ្យភ្ជុំបិណ្ឌ ហើយទុកពេលវេលា២ថ្ងៃ ដើម្បីចុះឈ្មោះឲ្យកម្មករកម្មការនី ដែលសម្រុកទៅលេងស្រុកកំណើតនាឱកាសបុណ្យភ្ជុំបិណ្ឌនេះ។
«ថ្ងៃភ្ជុំបិណ្ឌ កម្មករកម្មការនីនិងពលករទាំងអស់ មានពេលវេលាទៅលេងស្រុកកំណើត និងមានឱកាសចុះឈ្មោះបោះឆ្នោត តែបើ៣ថ្ងៃនេះ បើក្រុមការងារចុះបោះឆ្នោតអត់ធ្វើការទៀត គឺពួកគេនឹងបាត់បង់ឱកាសចុះឈ្មោះឆ្នោត»នេះបើតាមការការពន្យល់របស់លោក អេង ឆៃអ៊ាង នៅទីស្នាក់ការកណ្តាលគណបក្សសង្គ្រោះជាតិ ដែលបានផ្សព្វផ្សាយនៅក្នុងទំព័រហ្វេសប៊ុកផ្លូវការរបស់ឯកឧត្តម កឹម សុខា ប្រធានស្តីទីគណបក្សសង្គ្រោះជាតិ នៅព្រឹកថ្ងៃទី២៨ សីហានេះ។
សូមបញ្ជាក់ថា គណៈកម្មាធិការជាតិរៀបចំការបោះឆ្នោត នឹងចាប់ផ្តើមចុះឈ្មោះបោះឆ្នោត នៅថ្ងៃទី១ កញ្ញា ដល់ថ្ងៃទី២៩ វិច្ឆិកា ឆ្នាំ២០១៦។ គ.ជ.ប បានត្រៀមថវិកាចំនួន២៣លានដុល្លារផងដែរ ដើម្បីចាយវាយក្នុងអំឡុងពេលនៃការចុះឈ្មោះបោះឆ្នោតថ្នាក់ឃុំ-សង្កាត់ នៅថ្ងៃទី០៤ ខែមិថុនាឆ្នាំ២០១៧ខាងមុខនេះ៕
ក្រៅពីអំពាវនាវឲ្យពលរដ្ឋខ្មែរទាំងអស់នាំគ្នាទៅចុះឈ្មោះបោះនោះ លោក អេង ឆៃអ៊ាង តំណាងរាស្ត្រមកពីគណបក្សសង្គ្រោះជាតិ បានថ្លែងថា គណបក្សសង្គ្រោះជាតិ បានស្នើទៅក្រសួងការងារ និងបណ្តុះបណ្តាលវិជ្ជាជីវៈ ដើម្បីកំណត់ថ្ងៃឈប់សម្រាកពិសេស ឲ្យពលរដ្ឋមានពេលវេលាគ្រប់គ្រាន់ទៅចុះឈ្មោះបោះឆ្នោតនៅស្រុកកំណើតរបស់ពួកគេ។
លោក អេង ឆៃអ៊ាង បន្ថែមទៀតថា ខណៈដែលពេលវេលាឈប់សម្រាកថ្ងៃភ្ជុំបិណ្ឌមានតែរយៈ៣ថ្ងៃ គឺជាពេលវេលាខ្លីសម្រាប់កម្មករកម្មការនីបានឈប់សម្រាក ដើម្បីទៅស្រុកកំណើត និងចុះឈ្មោះបោះឆ្នោតនោះ លោកថា នៅថ្ងៃភ្ជុំបិណ្ឌនេះ គណបក្សសង្គ្រោះជាតិ បានស្នើទៅគណៈកម្មាធិការជាតិរៀបចំការបោះឆ្នោត(គ.ជ.ប) ដើម្បីឲ្យក្រុមការងារចុះឈ្មោះបោះឆ្នោត ឈប់សម្រាករយៈពេល១ថ្ងៃក្នុងពេលបុណ្យភ្ជុំបិណ្ឌ ហើយទុកពេលវេលា២ថ្ងៃ ដើម្បីចុះឈ្មោះឲ្យកម្មករកម្មការនី ដែលសម្រុកទៅលេងស្រុកកំណើតនាឱកាសបុណ្យភ្ជុំបិណ្ឌនេះ។
«ថ្ងៃភ្ជុំបិណ្ឌ កម្មករកម្មការនីនិងពលករទាំងអស់ មានពេលវេលាទៅលេងស្រុកកំណើត និងមានឱកាសចុះឈ្មោះបោះឆ្នោត តែបើ៣ថ្ងៃនេះ បើក្រុមការងារចុះបោះឆ្នោតអត់ធ្វើការទៀត គឺពួកគេនឹងបាត់បង់ឱកាសចុះឈ្មោះឆ្នោត»នេះបើតាមការការពន្យល់របស់លោក អេង ឆៃអ៊ាង នៅទីស្នាក់ការកណ្តាលគណបក្សសង្គ្រោះជាតិ ដែលបានផ្សព្វផ្សាយនៅក្នុងទំព័រហ្វេសប៊ុកផ្លូវការរបស់ឯកឧត្តម កឹម សុខា ប្រធានស្តីទីគណបក្សសង្គ្រោះជាតិ នៅព្រឹកថ្ងៃទី២៨ សីហានេះ។
សូមបញ្ជាក់ថា គណៈកម្មាធិការជាតិរៀបចំការបោះឆ្នោត នឹងចាប់ផ្តើមចុះឈ្មោះបោះឆ្នោត នៅថ្ងៃទី១ កញ្ញា ដល់ថ្ងៃទី២៩ វិច្ឆិកា ឆ្នាំ២០១៦។ គ.ជ.ប បានត្រៀមថវិកាចំនួន២៣លានដុល្លារផងដែរ ដើម្បីចាយវាយក្នុងអំឡុងពេលនៃការចុះឈ្មោះបោះឆ្នោតថ្នាក់ឃុំ-សង្កាត់ នៅថ្ងៃទី០៤ ខែមិថុនាឆ្នាំ២០១៧ខាងមុខនេះ៕
© រក្សាសិទ្ធិដោយ thmeythmey.com
