អ៊ីរ៉ង់ និងកូរ៉េខាងត្បូងប្រើលុយអឺរ៉ូក្នុងការផ្លាស់ប្តូរសេដ្ឋកិច្ច ដោយមិនខ្វល់ពីដុល្លារអាមេរិក

អន្តរជាតិ

អ៊ីរ៉ង់ និងកូរ៉េខាងត្បូងប្រើលុយអឺរ៉ូក្នុងការផ្លាស់ប្តូរសេដ្ឋកិច្ច ដោយមិនខ្វល់ពីដុល្លារអាមេរិក

28, Aug 2016 , 2:14 pm

រូបភាព

ដោយ: រួបរួម

អ៊ីរ៉ង់ និងកូរ៉េខាងត្បូង នឹងចាប់ផ្តើមផ្លាស់ប្តូរសេដ្ឋកិច្ចរបស់ខ្លួនដោយប្រើរូបិយបណ្ណអឺរ៉ូជាមូលដ្ឋាន។ នេះបើតាមការបញ្ជាក់របស់លោក Hamid Baedinejad អនុរដ្ឋមន្ត្រីការបរទេសអ៊ីរ៉ង់ តាមរយៈគណនី Instagram របស់ខ្លួន។

រដ្ឋាភិបាលក្រុងតេអេរ៉ង់ និងសេអ៊ូល នឹងទូទាត់សាច់ប្រាក់អឺរ៉ូក្នុងការផ្លាស់ប្តូរសេដ្ឋកិច្ចរបស់ខ្លួនចាប់ពីថ្ងៃទី២៩ ខែសីហា ខាងមុខនេះ។ សម្រាប់អ៊ឺរ៉ង់ នេះជាការចំអកមួយទៅកាន់សហរដ្ឋអាមេរិក ដែលប្រើប្រាស់ទណ្ឌកម្មប្រឆាំងនឹងរដ្ឋាភិបាលរបស់ខ្លួន។

បើតាមការផ្សាយរបស់សារព័ត៌មាន BFM Business រដ្ឋមន្ត្រីហិរញ្ញវត្ថុកូរ៉េខាងត្បូង Yoo Il-Ho បានជំរុញឲ្យមានការផ្លាស់ប្តូរសេដ្ឋកិច្ចឲ្យបានឆាប់រហ័សជាមួយអ៊ីរ៉ង់ បន្ទាប់ធនាគារកូរ៉េខាងត្បូង KEB Hana Bank, Shinhan Bank និង Woori Bank បានបើកសាខារបស់ខ្លួននៅក្នុងទីក្រុងតេអេរ៉ង់ កាលពីខែឧសភា កន្លងមក៕