បុរសន័រវេសម្នាក់ផុងខ្លួនក្នុងធុងបង្គន់សាធារណៈមួយម៉ោង

អន្តរជាតិ

បុរសន័រវេសម្នាក់ផុងខ្លួនក្នុងធុងបង្គន់សាធារណៈមួយម៉ោង

28, Aug 2016 , 7:39 pm

រូបភាព

រូបថតបុរសដែលជាប់ក្នុងធុងបង្គន់។ ដោយ DRBV

ដោយ: ធីតា

បុរសន័រវេសម្នាក់បានស្ថិតនៅក្នុងធុងបង្គន់សាធារណៈនៅក្នុងក្រុង Drammen ប្រទេសន័រវេស អស់រយៈពេលប្រមាណ១ម៉ោង បន្ទាប់ពីគាត់ព្យាយាមឱនចូលរើសយកទូរសព្ទដៃឲ្យមិត្តភ័ក្ត្ររបស់ខ្លួន កាលពីថ្ងៃសុក្រ ទី២៦ ខែសីហា កន្លងមក។

«ខ្ញុំមានមាឌល្មមដែលអាចចូលយកទូរសព្ទ ប៉ុន្តែខ្ញុំមិនអាចចេញវិញបានទាល់តែសោះ។ ខ្ញុំស្ថិតនៅក្នុងនោះអស់រយៈពេល១ម៉ោង។ ខ្ញុំពិតជាមិនរីករាយក្នុងចិត្តសោះ»។ នេះជាការរៀបរាប់របស់លោក Cato Berntsen Larsen ប្រាប់ទៅសារព័ត៌មានតំបន់ Drammens Tidende។

សារព័ត៌មានមួយទៀតឈ្មោះ VG News បានបញ្ជាក់ថា បង្គន់ដែលលោក Larsen បានធ្លាក់ចូលនោះ គឺជាបង្គន់ម៉ូតចាស់ ហើយគ្មានគំរប និងមានប្រហោងធំ។ Larsen បានអះអាងថា គេបានព្យាយាមប្រើឈើឆ្កឹះយកទូរសព្ទដែរ តែមិនបានទើបសម្រេចបញ្ចូលខ្លួនទៅយកទូរសព្ទ ដោយសារក្នុងធុងនោះ មិនមានលាមកអ្វីនោះឡើយ។

Larsen ត្អូញត្អែរថា គាត់ហាក់ដូចជាបានចុះទៅឋាននរក ហើយសន្យាថា នឹងមិនឲ្យរឿងបែបកើតឡើងទៀតឡើយនៅក្នុងឆាកជីវិត។

គាត់បានរៀបរាប់ថា មូលហេតុដែលគាត់សម្រេចចិត្តចូលទៅក្នុងធុងបង្គន់នោះ គឺដោយសារតែគាត់មានរៀងស្លីមជាងមិត្តភ័ក្ត្រ ប៉ុន្តែគាត់មិនដឹងស្មានថា ចូលស្រួល ហើយចេញវិញពិបាកបែបនេះនោះឡើយ។

ក្រោយប្រើរយៈពេល១ម៉ោងដើម្បីព្យាយាមរើចេញដោយខ្លួនមិនបានសម្រេច មិត្តភ័ក្ត្ររបស់ Larsen បានទូរសព្ទទៅលេងសង្គ្រោះបន្ទាន់ តែជាភ្នាក់ងារពន្លត់អគ្គិភ័យ។ បន្ទាប់ពីទទួលសម្រេចរាយការណ៍ ស្ថាប័នពន្លត់អគ្គិភ័យបានបញ្ជូនភ្នាក់ងារ៤នាក់ទៅបំបែកធុងបង្គន់ដើម្បីយក Larsen ចេញ៕