វិធីសាស្រ្តគំរូថ្មីក្នុងការការពារប្រព័ន្ធសុវត្ថិភាពបច្ចេកវិទ្យាបច្ចុប្បន្ន

អត្ថបទពាណិជ្ជកម្ម

វិធីសាស្រ្តគំរូថ្មីក្នុងការការពារប្រព័ន្ធសុវត្ថិភាពបច្ចេកវិទ្យាបច្ចុប្បន្ន

28, Aug 2016 , 4:41 pm

រូបភាព

ដោយ:

កាលពីថ្មីៗនេះ ក្រុមហ៊ុន Portcullis Technologies សហការជាមួយក្រុមហ៊ុន Athena Dynamics ដែលជាបុត្រសម្ព័ន្ធរបស់ក្រុមហ៊ុន BH Global Corporation Ltd ជាក្រុមហ៊ុនមួយដែលបានចុះបញ្ជីនៅក្នុងផ្សារហ៊ុនរបស់ប្រទេសសិង្ហបុរី បានធ្វើបទបង្ហាញចែករំលែកនូវវិធីសាស្ត្រដែលប្រកបដោយប្រសិទ្ធភាពដើម្បីជួយស្ថាបន័ជាច្រើនក្នុងការលើកកម្ពស់ប្រសិទ្ធភាព នៃការថែរក្សាការពារទុកជាមុន ដើម្បីជៀសពីការគំរាមកំហែងនិងការវាយប្រហារលើប្រព័ន្ធ cyber។

លោក Ken Soh អគ្គនាយកប្រតិបត្តិនៃក្រុមហ៊ុន Athena Dynamics របស់ប្រទេសសិង្ហបុរីបានឲ្យដឹងថា តាមបទពិសោធន៍របស់គាត់ជាប្រធានគ្រប់គ្រងផ្នែកព័ត៌មានវិទ្យាកន្លង ឃើញថាការការពារមានការលំបាកជាមួយនឹងប្រព័ន្ធសុវត្ថិភាព ពីគំរាមកំហែងពីក្រុម Hacker ។ បច្ចុប្បន្ន គាត់បានសហការជាមួយ Portcullis Technologies ដើម្បីរកដំណោះស្រាយ នានា (Tools) ដែលអាចទប់ស្កាត់CyBer Strike ជូនស្ថាប័នផ្សេងៗ ក្នុងកញ្ចប់សមរម្យ ។

លោក Stephen Path ប្រធានសហព័ន្ធបច្ចេកវិទ្យា ICT កម្ពុជា បានឲ្យដឹងថា បច្ចុប្បន្ន មិនថាក្រុមតូច រឺក្រុមហ៊ុនធំ មួយចំនួន មិនទាន់បានគិតពីបញ្ហាដែលនឹងកើតឡើងពីក្រុម Hacker នៅឡើយទេ ។ ដោយ លោក Stephen Path យល់ថាបណ្តាលក្រុមទាំងនេះមិនសូវមាន ថវិកាសម្រាប់ចំណាយលើកប្រព័ន្ធការពារសុវត្ថិភាពនេះនៅឡើង ។ដូច្នេះហើយ បានជាលោក Stephen Path និងសមាគមន៍ ព្យាយាមជំរុញ គ្រប់ស្ថាប័នដែលមិនទាន់មានប្រព័ន្ធការពារសុវត្ថិភាព ឲ្យយល់ដឹងកាន់តែច្បាស់ពីផលប៉ះពាល់ជាច្រើន ដែលនឹងកើតឡើងនៅពេលខាងមុខទៀត។