ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
យុវជនកម្ពុជា២រូបទទួលរង្វាន់យុវជនឆ្នើមអាស៊ានប្រចាំឆ្នាំ២០១៦
29, Aug 2016 ,
10:17 am
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ យុវជនកម្ពុជាចំនួន២រូប បានទទួលពានរង្វាន់យុវជនឆ្នើមអាស៊ានប្រចាំឆ្នាំ២០១៦។ ពានរង្វាន់នេះ គឺផ្តោតលើសកម្មភាពរបស់យុវជនក្នុងការជួយសង្គម ដោយការលះបង់ទាំងធនធាន និងពេលវេលាផ្ទាល់ខ្លួន សម្រាប់ការអភិវឌ្ឍសង្គមជាតិ។
យុវជន នី សម្បត្តិ និងយុវជន បូ តុលា ត្រូវបានគណៈកម្មការយុវជនអាស៊ាន រួមនិងក្រសួងអប់រំយុវជន និងកីឡា សម្រេចផ្តល់ពានរង្វាន់ យុវជនឆ្នើមអាស៊ានប្រចាំឆ្នាំ២០១៦ ក្រោមប្រធានបទ «ពង្រឹងសមត្ថភាពយុវជនអាស៊ាន ឆ្ពោះទៅរកការអភិវឌ្ឍប្រកបដោយចីរភាព»។
យុវជន នី សម្បត្តិ បានប្រាប់សារព័ត៌មានក្រោយពីទទួលបានពានរង្វាន់កាលពីល្ងាចថ្ងៃទី ២៦ សីហាថា គេពិតជារំភើប និងរីករាយបំផុត ដែលបានទទួលពានរង្វាន់យុវជនឆ្នើមអាស៊ានប្រចាំឆ្នាំ២០១៦នេះ។ លោក នី សម្បត្តិ មកពីខាងវិស័យឯកជន ហើយកន្លងមក លោកធ្លាប់បានចូលរួមជួយសង្គមជាច្រើន ដោយប្រើប្រាស់ថវិកាផ្ទាល់ខ្លួន។ នេះជាការលើកឡើងរបស់លោក សម្បត្តិ ក្នុងទឹកមុខញញឹមញញែម។
លោក នី សម្បត្តិ បានបន្តថា យុវជនកម្ពុជាមានប្រមាណ៧០ភាគរយ ហើយជាការចាំបាច់ណាស់ ដែលយុវជនទាំងអស់ ត្រូវបានផ្តោតលើការងារអភិវឌ្ឍមួយចំនួន ដើម្បីរួមគ្នាអភិវឌ្ឍសង្គមជាតិ ជាជាងយកពេលវេលាទាំងនោះ ទៅប្រើប្រាស់ឥតប្រយោជន៍។
នៅក្នុងពិធីប្រគល់ពានរង្វាន់នោះដែរ លោក ស៊ាន បូរ៉ាត រដ្ឋលេខាធិការក្រសួងអប់រំ យុវជន និងកីឡា បានកោតសរសើរដល់ស្នាដៃយុវជនកម្ពុជា ដែលតែងជួយការងារអភិវឌ្ឍន៍សង្គម។ លោកបន្តថា ការអភិវឌ្ឍពិតជាមិនអាចខ្វះធនធានយុវជនបាននោះទេ ហើយលោករំពឹងថា ការចូលរួមរបស់យុវជននឹងធ្វើឲ្យមានការប្រែប្រួលជាវិជ្ជមាន និងនាំអាស៊ានទៅរកភាពត្រចេះត្រចង់នាពេលអនាគត។
ការប្រគល់រង្វាន់នេះដែរ គឺធ្វើឡើងបន្ទាប់ពីមានកិច្ចប្រជុំឧត្តមមន្ត្រីទទួលបន្ទុកការងារយុវជនអាស៊ានលើកទី៨ កិច្ចប្រជុំឧត្តមមន្ត្រីទទួលបន្ទុកការងារយុវជនអាស៊ានបូក៣លើកទី៧ កិច្ចប្រជុំបច្ចេកទេសស្តីពីឧបសម្ព័ន្ធ ការអភិវឌ្ឍយុវជនអាស៊ាន និងកិច្ចប្រជុំលើកទី២១ ទិវាយុវជនអាស៊ាន ដែលរៀបចំរយៈពេល៣ថ្ងៃនៅទីក្រុងសៀមរាប។
ក្នុងរម្លឹកថា យុវជនដែលទទួលពានរង្វាន់យុវជនឆ្នើមអាស៊ានឆ្នាំ២០១៦នេះ មានចំនួន២០រូប ដោយក្នុងមួយប្រទេសមានចំនួន២រូប។ នេះជាលើកទី១ហើយ ដែលកម្ពុជាធ្វើជាម្ចាស់ផ្ទះសម្រាប់ពិធីប្រគល់ពានរង្វាន់នេះ។ ពិធីនេះ ត្រូវបានធ្វើឡើងនៅតាមបណ្តាប្រទេសអាស៊ាន ក្នុងបំណងជំរុញឲ្យយុវជនក្នុងបណ្តាប្រទេសអាស៊ាន ចូលរួមបម្រើសង្គមជាតិ ផ្នែកមនុស្សធម៌ដោយស្ម័គ្រចិត្ត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
យុវជនឆ្នើមអាស៊ាន ឆ្នាំ២០១៦
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
5 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
7 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
14 ម៉ោង
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម