លោក អូបាម៉ា ប្រាប់យុវជនកម្ពុជាថា បញ្ហាកុមារជារឿងអាទិភាពនៅអាមេរិក

ជាតិ

លោក អូបាម៉ា ប្រាប់យុវជនកម្ពុជាថា បញ្ហាកុមារជារឿងអាទិភាពនៅអាមេរិក

07, Sep 2016 , 5:20 pm

រូបភាព

ដោយ:

លួងប្រាបាង-ឡាវ៖ ក្នុងជំនួបពិសេសជាមួយក្រុមយុវជនអាស៊ាន យុវជនកម្ពុជាម្នាក់គឺលោក រ័ត្ន សុផាន់ណា បានសួរសំណួរទៅកាន់ប្រធានាធិបតីអាមេរិក ពាក់ព័ន្ធការអនុវត្តគោលដៅអភិវឌ្ឍដោយចីរភាពនៅសហរដ្ឋអាមេរិក។

« ប្រសិន គោលដៅទាំង១៧ នៃគោលដៅអភិវឌ្ឍដោយចីរភាពត្រូវបានអនុវត្តនៅ អាមេរិក តើគោលដៅមួយណាដែលត្រូវចាត់ទុកជាគោលដៅអាទិភាព? មូលហេតុអ្វី ? ហើយលោកនឹងនឹងដោះស្រាយដោយរបៀបណា?»។ នេះជាសំណួររបស់យុវជនកម្ពុជា ឈ្មោះ រ័ត្ន សុផាន់ណា ដែលចោទសួរទៅកាន់លោក បារ៉ាក់ អូបាម៉ា ក្នុងជំនួបជាមួយភាពជាអ្នកដឹកនាំវ័យក្មេងអាស៊ីអាគ្នេយ៍នៅទីក្រុងលួងប្រាបាង។

ភ្លាមៗនោះ លោក បារ៉ាក់ អូបាម៉ា បានឆ្លើយថា បញ្ហានៅអាមេរិកបច្ចុប្បន្នគឺក្មេងៗដែលក្រីក្រ ហើយមិនមានអាហារគ្រប់គ្រាន់បរិភោគ និងប្រឈមការលំបាកក្នុងការទទួលបានការសិក្សា។

លោកពន្យល់ថា វាជារឿងចាំបាច់ដែលត្រូវដោះស្រាយព្រោះថា កាលណាបើកុមារប្រឈមភាពក្រីក្របែបនេះ វានឹងក្លាយជាបញ្ហានៅថ្ងៃអនាគត។ នេះក៏ដោយសារនៅក្នុងឆ្នាំ ២០៥០ អាមេរិកលែងជាប្រទេសដែលមានប្រជាជនស្បែកច្រើនទៀតហើយ តែសម្បូរដោយជនជាតិអាស៊ី និងឡាទីនវិញ។

លោកបន្តថា៖ «បើសិនក្មេងៗនាពេលបច្ចុប្បន្នក្រីក្រ សង្គមយើងក៏នឹងក្រដែរ»។