ជាតិ
ក្រសួងការងារប្រកាសផ្ដល់អាហារូបករណ៍ជាង ១ម៉ឺនកន្លែង
×
ក្នុងឆ្នាំសិក្សា ២០១៦-២០១៧នេះក្រសួងការងារ និងបណ្ដុះបណ្ដាលវិជ្ជាជីវៈ សម្រេចផ្ដល់អាហាររូបករណ៍ចំនួន ១០១៤៧ កន្លែង លើមុខជំនាញដែលទីផ្សារការងារកំពុងមានតម្រូវការខ្ពស់ក្នុងពេលបច្ចុប្បន្ន និងទៅអនាគត។ នេះបើតាមសេចក្ដីជូនដំណឹងរបស់ក្រសួង នៅថ្ងៃទី ១៤ខែកញ្ញា។
សេចក្ដីជូនដំណឹងក្រសួងការងារបញ្ជាក់ថា បេក្ខជនត្រូវបំពេញលក្ខខណ្ឌទៅតាមប្រភេទអាហារូបករណ៍នីមួយៗ។ សម្រាប់អាហារូបករណ៍ថ្នាក់សញ្ញបត្របច្ចេកទេស និងវិជ្ជាជីវៈ១ បេក្ខជនត្រូវមានសញ្ញាបត្រមធ្យមសិក្សាបឋមភូមិ ឬលិខិតបញ្ជាក់បានបញ្ចប់ថ្នាក់ទី៩ ឬវិញ្ញបនបត្រស្ពានចម្លងបន្តជំនាញ។ ចំណែកអាហារូបករណ៍ថ្នាក់សញ្ញាប្រជាន់ខ្ពស់ ឬបរិញ្ញាបត្ររងបច្ចេកទេស/ឯកទេស បេក្ខជនត្រូវមានសញ្ញាបត្របច្ចេកទេស និងវិជ្ជាជីវៈ៣ ឬជាប់ ឬធ្លាក់សញ្ញាបត្រមធ្យមសិក្សាទុតិយភូមិ ឬសញ្ញាបត្រសមមូល។
ដោយឡែកអាហារូបករណ៍ថ្នាក់បរិញ្ញាបត្របច្ចេកវិទ្យា/ឯកទេសសញ្ញាបត្រវិស្វករ បេក្ខជនត្រូវមានសញ្ញាបត្រជាន់ខ្ពស់/បរិញ្ញាបត្ររងបច្ចេកទេស/ឯកទេស ឬសញ្ញាបត្រមធ្យមសិក្សាទុតិយភូមិ ឬសញ្ញបត្រសមមូល។
សិស្សានុសិស្ស យុវជន ដែលចង់បន្តការសិក្សាថ្នាក់អាហារូបករណ៍ខាងលើ អាចទំនាក់ទំនងចុះឈ្មោះសិក្សាដោយផ្ទាល់នៅគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈរាជធានី ខេត្ត។ ព័ត៌មានបន្ថែមអំពីអាហារូបករណ៍នេះ អាចទាក់ទងមកកាន់នាយកដ្ឋានព័ត៌មានទីផ្សារការងារនៃក្រសួងការងារ និងបណ្ដុះបណ្ដាលវិជ្ជាជីវៈ ដែលមានលេខទូរស័ព្ទ ០១១ ៨៥៣ ៨១២ ឬ ០១០/០១៧ ៧៤៧ ៧៧៣ ៕
© រក្សាសិទ្ធិដោយ thmeythmey.com