ផ្លូវដែកកម្ពុជា-ថៃ គ្រោងដាក់ឲ្យដំណើរការនៅចុងឆ្នាំ២០១៦

ជាតិ

សេដ្ឋកិច្ច

ផ្លូវដែកកម្ពុជា-ថៃ គ្រោងដាក់ឲ្យដំណើរការនៅចុងឆ្នាំ២០១៦

20, Sep 2016 , 1:46 pm

រូបភាព

រូបភាពពី៖ ហ្វេសប៊ុកក្រសួងសាធារណការ និងដឹកជញ្ជូន

ដោយ:

ផ្លូវដែកដែលតភ្ជាប់រវាងកម្ពុជា និងថៃ គ្រោងដាក់ឲ្យដំណើរការនៅមុនបំណាច់ឆ្នាំ២០១៦នេះ។ នេះជាការថ្លែងបញ្ជាក់របស់លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នាពិធីចាក់បេតុងស្ពានផ្លូវដែកមិត្តភាពកម្ពុជា-ថៃ កាលពីថ្ងៃទី១៩ខែកញ្ញា ក្នុងខេត្តបន្ទាយមានជ័យ។

ក្នុងជំហានដំបូងនេះ ផ្លូវដែកខាងភាគីកម្ពុជា នឹងត្រូវតភ្ជាប់ចេញពីស្ពានផ្លូវដែកមិត្តភាពកម្ពុជា-ថៃ រហូតមកទល់នឹងទីរួមខេត្តបាត់ដំបង។ នេះជាការថ្លែងរបស់ លោក ស៊ុន ចាន់ថុល។ លោករដ្ឋមន្ត្រី ក្រសួងសាធារណការ និងដឹកជញ្ជូន បញ្ជាក់ទៀតថា ការស្ថាបនាស្ពានផ្លូវដែកនេះ និងការជួសជុលកែលំអផ្លូវដែកពីក្រុងប៉ោយប៉ែត ទៅខេត្តបាត់ដំបង គ្រោងបញ្ចប់នៅមុនបំណាច់ឆ្នាំ២០១៦នេះ។

បើតាម លោក ស៊ុន ចាន់ថុល រដ្ឋាភិបាលកំពុងស្វែងរកថវិកា កែលំអផ្លូវដែកពីបាត់ដំបង ដល់រាជធានីភ្នំពេញ ដែលជាជំហានបន្ទាប់ ដើម្បីឲ្យមានការដឹកទំនិញ និងអ្នកដំណើរតាមរថភ្លើង ចាប់ពីខេត្តព្រះសីហនុ ទៅដល់ផ្លូវដែកប្រទេសថៃ។

សូមបញ្ជាក់ថា ស្ពានផ្លូវដែកមិត្តភាពកម្ពុជា-ថៃនេះ ត្រូវបានបើកការដ្ឋានសាងសង់នៅឆ្នាំ២០១៤ ក្នុងទំហំទឹកប្រាក់ប្រមាណ ១លានដុល្លារ ដែលជាថវិការបស់ភាគីថៃ៕