ពីនេះ ពីនោះ
តើពេលណាដែលគេសរសេរ«បដិវត្ត, បដិវត្ដិ និងបដិវត្តន៍»នៅក្នុងសំណេរភាសាខ្មែរ?
×![]()
ដោយ: ថ្មីៗ
ភ្នំពេញ៖ ពាក្យថា «បដិវត្ត, បដិវត្ដិ និងបដិវត្តន៍»គឺជាពាក្យដែលសាធារណជន លោកនៅមានភាពមិនច្បាស់លាស់នៅក្នុងការសរសេរនៅឡើយ។ មូលហេតុ គឺមិនសូវបានយល់ដឹងក្នុងការសរសេរពាក្យពេចន៍ ឲ្យបានត្រឹមតាមក្បួនខ្នាតវេយ្យាករណ៍ នៃកិរិយាសព្ទ គុណសព្ទ នាមសព្ទ បាលី និងសំស្ក្រឹតនៅក្នុងភាសាខ្មែរ។ ពាក្យថា«បដិវត្ត, បដិវត្ដិ និងបដិវត្តន៍»មានលក្ខខណ្ឌសរសេរដូចខាងក្រោម៖
នៅក្នុងសំណេរអត្ថបទ សាធារណជនត្រូវចំណាំក្នុងក្បួនវេយ្យាករណ៍ខ្មែរថា បើខ្លួនចង់ប្រើពាក្យនេះ ជាកិរិយាសព្ទ គឺត្រូវសរសេរថា «បដិវត្ត» ដែលមានន័យថា ប្រព្រឹត្តប្រឆាំង, បង្វែរត្រឡប់, ប្រែប្រួល, កែប្រែ, ផ្លាស់ប្ដូរ។ ប៉ុន្តែ ប្រើជានាមសព្ទ គឺចាំបាច់ត្រូវសរសេរ« បដិវត្តិ ឬ បដិវត្តន៍» ដែលមានន័យថា ការត្រឡប់, ការប្រែប្រួល, ការកែប្រែ, ការផ្លាស់ប្ដូរ។
ករណីពិសេស៖ ប្រសិនបើសាធារណជន ចង់សរសេរពាក្យនេះ ដោយផ្សំជាមួយពាក្យថា «ការ, ក្ដី, សេចក្ដី និងដំណើរ» គឺមិនត្រូវសរសរថា «ការបដិវត្តិ/បដិវត្តន៍, ក្ដីបដិវត្តិ/បដិវត្តន៍, សេចក្ដីបដិវត្ដិ/បដិវត្តន៍ និងដំណើរបដិវត្តិ/បដិវត្តន៍» ឡើយ ព្រោះការសរសេរបែបនេះ មិនត្រឹមត្រូវតាមក្បួនវេយ្យាករណ៍ខ្មែរ នោះទេ។ មូលហេតុគឺដោយសារពាក្យថា «ការ, ក្ដី, សេចក្ដី និងដំណើរ»ជានាមសព្ទ មិនអាចយកមកផ្សំជាមួយពាក្យថា «បដិវត្តិ ឬ បដិវត្តន៍»បានទេ ព្រោះជានាមសព្ទដូចគ្នា។
ដោយឡែក ចំពោះពាក្យថា«ការ, ក្ដី, សេចក្ដី និងដំណើរ»នេះ ត្រូវផ្សំជាមួយពាក្យថា «បដិវត្ត»ទើបត្រឹមត្រូវ។ ឧទាហរណ៍៖ ការបដិវត្ត, ក្ដីបដិវត្ត, សេចក្ដីបដិវត្ត, ដំណើរបដិវត្ត ជាដើម៕
ដកស្រង់ពីវចនានុក្រមខ្មែររបស់សម្ដេចព្រះសង្ឃរាជ ជួន ណាត
នៅក្នុងសំណេរអត្ថបទ សាធារណជនត្រូវចំណាំក្នុងក្បួនវេយ្យាករណ៍ខ្មែរថា បើខ្លួនចង់ប្រើពាក្យនេះ ជាកិរិយាសព្ទ គឺត្រូវសរសេរថា «បដិវត្ត» ដែលមានន័យថា ប្រព្រឹត្តប្រឆាំង, បង្វែរត្រឡប់, ប្រែប្រួល, កែប្រែ, ផ្លាស់ប្ដូរ។ ប៉ុន្តែ ប្រើជានាមសព្ទ គឺចាំបាច់ត្រូវសរសេរ« បដិវត្តិ ឬ បដិវត្តន៍» ដែលមានន័យថា ការត្រឡប់, ការប្រែប្រួល, ការកែប្រែ, ការផ្លាស់ប្ដូរ។
ករណីពិសេស៖ ប្រសិនបើសាធារណជន ចង់សរសេរពាក្យនេះ ដោយផ្សំជាមួយពាក្យថា «ការ, ក្ដី, សេចក្ដី និងដំណើរ» គឺមិនត្រូវសរសរថា «ការបដិវត្តិ/បដិវត្តន៍, ក្ដីបដិវត្តិ/បដិវត្តន៍, សេចក្ដីបដិវត្ដិ/បដិវត្តន៍ និងដំណើរបដិវត្តិ/បដិវត្តន៍» ឡើយ ព្រោះការសរសេរបែបនេះ មិនត្រឹមត្រូវតាមក្បួនវេយ្យាករណ៍ខ្មែរ នោះទេ។ មូលហេតុគឺដោយសារពាក្យថា «ការ, ក្ដី, សេចក្ដី និងដំណើរ»ជានាមសព្ទ មិនអាចយកមកផ្សំជាមួយពាក្យថា «បដិវត្តិ ឬ បដិវត្តន៍»បានទេ ព្រោះជានាមសព្ទដូចគ្នា។
ដោយឡែក ចំពោះពាក្យថា«ការ, ក្ដី, សេចក្ដី និងដំណើរ»នេះ ត្រូវផ្សំជាមួយពាក្យថា «បដិវត្ត»ទើបត្រឹមត្រូវ។ ឧទាហរណ៍៖ ការបដិវត្ត, ក្ដីបដិវត្ត, សេចក្ដីបដិវត្ត, ដំណើរបដិវត្ត ជាដើម៕
ដកស្រង់ពីវចនានុក្រមខ្មែររបស់សម្ដេចព្រះសង្ឃរាជ ជួន ណាត
Tag:
ភាសាខ្មែរ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
