ជាតិ
×![]()
លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានលើកឡើង ធ្ងន់ៗថា ក្រសួងនិងចាត់វិធានការ ចំពោះរថយន្តដែលល្មើសច្បាប់ទាំងអស់ ទោះបីជារថយន្តអ្នកតូចក្ដី រថយន្តរបស់អ្នកធំក្ដី។ លោក ចាន់ថុល បានលើកឡើងដូច្នេះ ក្នុងជំនួបជាមួយសមាគមដឹកជញ្ជូន និងដឹកអ្នកដំណើរ រួមជាមួយតំណាងក្រុមហ៊ុនដឹកអ្នកដំណើរ ក្នុងប្រទេសកម្ពុជា កាលពីពេលថ្មីៗនេះ។
ក្នុងជំនួបដដែល រដ្ឋមន្ត្រីក្រសួងសាធារណការថ្មីរូបនេះ បានបញ្ជាក់ថា រហូតមកដល់ពេលបច្ចុប្បន្ន រថយន្តខុសច្បាប់ដែលភ្នាក់ងារអនុវត្តច្បាប់ចររាចរណ៍ផ្លូវគោកថ្មីបានចាប់ គឺមិនទាន់មានការអន្តរគមន៍ណាមួយ មកសុំយករថយន្តទាំងនោះវិញនៅឡើយទេ។ ករណីនេះ លោក ស៊ុន ចាន់ថុល អះអាងថាលោក សេង ឈួន ដែលជាអ្នកទទួលបន្ទុកលើកិច្ចនេះ គឺមិនលើកលែងវិញជាដាច់ខាត។
«សូមក្រុមហ៊ុនដឹកជញ្ជូន មេត្តាជ្រាបពីបញ្ហានេះ យើងខ្ញុំមិនបន្ថយទេរឿងនេះ ព្រោះសម្ដេច ហ៊ុន សែន លោកឲ្យធ្វើកិច្ចការនេះ»។ នេះគឺជាបញ្ជាក់របស់លោក ស៊ុន ចាន់ថុល ទន្ទឹមនឹងលោក បន្ថែមពីការហួសចិត្តនៅពេលដែលក្រុមឧកញ្ញា អ្នកមាន និងមនុស្សខិលខូចមួយចំនួន នាំគ្នាបំផ្លាញផ្លូវ ដែលជាញើសឈាមរបស់ប្រជាពលរដ្ឋ។
លោក ស៊ុន ចាន់ថុល បានថ្លែងថា៖ « បើមិនធ្វើបែបនេះទេ វាធ្វើឲ្យខូចផ្លូវជាតិ ផ្លូវខេត្ត ផ្លូវទាំងអស់ ដែលបានចំណាយថវិការាប់លានដុល្លា ស្នើរសុំដៃគូអភិវឌ្ឍ ថវិកាខ្ចីគេផង ជំនួយគេផង ហើយបើខ្ចីគេ គឺខ្ចីក្នុងនាមកូនខ្មែរទាំងអស់គ្នា រឿងអីដែលត្រូវបណ្ដោយឲ្យឧកញ្ញា អ្នកមាន អ្នកខូចប៉ុន្មានអ្នកជាអ្នកបំផ្លាញ។ ហើយយើង កូនយើង ចៅយើង គឺជាអ្នកបង់លុយសងគេ ហើយផ្លូវប្រើមិនទាន់បានស្រួលផងខូចទៀតបាត់»។
សូមស្ដាប់ប្រសាសន៍របស់លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងជំនួបជាមួយសមាគមដឹកជញ្ជូន និងអ្នកដំណើរ និងតំណាងក្រុមហ៊ុនដឹកអ្នកដំណើរដូចខាងក្រោម៖
Tag:
ស៊ុន ចាន់ថុល
រថយន្តល្មើសច្បាប់
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
13 ម៉ោង
