អន្តរជាតិ
×![]()
ដោយ: តន ចាន់រិទ្ធារ៉ា
កងទ័ពជើងទឹកអាមេរិក បានបញ្ជូននាវាចម្បាំងចំនួនពីរគ្រឿង ទៅកាន់កំពង់ផែយុទ្ធសាស្ត្ររបស់វៀតណាម។ នេះជាលើកដំបូងនៃរយៈពេល២១ឆ្នាំ ដែលនាវាចម្បាំងអាមេរិកចូលចតក្នុងកំពង់ផែវៀតណាមជាអតីតគូសត្រូវ ពោលគឺបន្ទាប់ពីអាមេរិក និងវៀតណាម សម្រួលទំនាក់ទំនងការទូតឡើងវិញក្នុងឆ្នាំ១៩៩៥ មកម្ល៉េះ។
នាវាមុជទឹកដឹកជញ្ជូន USS Frank Cable និងនាវាពិឃាតប្រើមីស៊ីល USS John S. McCain បានទៅដល់កំពង់ផែទឹកជ្រៅ Cam Ranh របស់វៀតណាម ដែលជាកំពង់ផែយុទ្ធសាស្ត្រដ៏សំខាន់។ ការមកដល់នាវាចម្បាំងដល់ទៅពីរនេះ គឺជាជំហានថ្មីមួយទៀត នៃទំនាក់ទំនងអាមេរិក និងវៀតណាម ដែលជាគូសត្រូវសម័យសង្គ្រាមវៀតណាមកាលពីជាង៤០ឆ្នាំមុន។
កងទ័ពជើងទឹកអាមេរិក នៅថ្ងៃទី៤ ខែតុលា ប្រកាសថា នាវាចម្បាំងទាំងពីរខាងលើ បានចូលចតនៅកំពង់ផែក្នុងខេត្ត Khanh Hoa ភាគកណ្ដាលវៀតណាម។ ទស្សនកិច្ចនេះ កើតឡើងក្រោយរដ្ឋាភិបាលអាមេរិក បានសម្រេចព្យួរទណ្ឌកម្មលើការទិញអាវុធធុនធ្ងន់លើវៀតណាម កាលពីខែឧសភា អំឡុងពេលនៃទស្សនកិច្ចប្រវត្តិសាស្ត្ររបស់ប្រធានាធិបតី បារ៉ាក់ អូបាម៉ា នៅវៀតណាម។
ការចូលចតនេះក៏ចំពេលដែលជម្លោះសមុទ្រចិនខាងត្បូង នៅតែតានតឹងដោយសារការទាមទារដែនអធិបតេយ្យលើសមុទ្រនេះរវាងចិន និងសមាជិកអាស៊ានបួនទៀត ដែលរួមទាំងវៀតណាមផងដែរ។ អាស្រ័យនេះ ក្រុងហាណួយ ក៏ព្យាយាមសម្រួលទំនាក់ទំនងជាមួយមហាអំណាចផ្សេងៗដូចជា អាមេរិក បារាំង ឥណ្ឌា ដើម្បីទប់ទល់ឥទ្ធិពលដ៏ខ្លាំងនៃមហាអំណាចចិន។
អ្វីជាការកត់សម្គាល់នោះ មូលដ្ឋានទ័ព Cam Ranh ត្រូវចាត់ទុកជា «ពេជ្រ» របស់កងទ័ពវៀតណាម ដ្បិតវាមានទាំងកំពង់ផែទឹកជ្រៅ និងមូលដ្ឋានអាកាស។ មូលដ្ឋានទ័ពអាកាសនៅទីនោះ ត្រូវបានប្រើដោយកងទ័ពអាកាសអាមេរិកម្ដង ហើយបន្ទាប់មក ក៏ត្រូវបានប្រើដោយកងទ័ពអាកាសអតីតសហភាពសូវៀតជាញឹកញយដែរ។ ចំណែកកំពង់ផែ Cam Ranh វិញ ជាមូលដ្ឋានរបស់នាវាមុជទឹករបស់វៀតណាម ដែលផលិតដោយរុស្សី។
តាមពិតទៅ មូលដ្ឋានកងទ័ព Cam Ranh នេះត្រូវបានកសាងឡើងដោយកងទ័ពអាមេរិក កាលពីសម័យសង្គ្រាមវៀតណាម ប៉ុន្តែត្រូវបានប្រើប្រាស់ដោយកងទ័ពរុស្សីទៅវិញ។ នាពេលកន្លងមក ក្រៅពីនាវាមកពីជប៉ុន និងបារាំង កំពង់ផែនេះ មិនសូវមាននាវាបរទេសចូលចតឡើយ ហើយត្រូវរក្សាសម្រាប់ការងារជួសជុលនាវាប៉ុណ្ណោះ៕
នាវាមុជទឹកដឹកជញ្ជូន USS Frank Cable និងនាវាពិឃាតប្រើមីស៊ីល USS John S. McCain បានទៅដល់កំពង់ផែទឹកជ្រៅ Cam Ranh របស់វៀតណាម ដែលជាកំពង់ផែយុទ្ធសាស្ត្រដ៏សំខាន់។ ការមកដល់នាវាចម្បាំងដល់ទៅពីរនេះ គឺជាជំហានថ្មីមួយទៀត នៃទំនាក់ទំនងអាមេរិក និងវៀតណាម ដែលជាគូសត្រូវសម័យសង្គ្រាមវៀតណាមកាលពីជាង៤០ឆ្នាំមុន។
កងទ័ពជើងទឹកអាមេរិក នៅថ្ងៃទី៤ ខែតុលា ប្រកាសថា នាវាចម្បាំងទាំងពីរខាងលើ បានចូលចតនៅកំពង់ផែក្នុងខេត្ត Khanh Hoa ភាគកណ្ដាលវៀតណាម។ ទស្សនកិច្ចនេះ កើតឡើងក្រោយរដ្ឋាភិបាលអាមេរិក បានសម្រេចព្យួរទណ្ឌកម្មលើការទិញអាវុធធុនធ្ងន់លើវៀតណាម កាលពីខែឧសភា អំឡុងពេលនៃទស្សនកិច្ចប្រវត្តិសាស្ត្ររបស់ប្រធានាធិបតី បារ៉ាក់ អូបាម៉ា នៅវៀតណាម។
ការចូលចតនេះក៏ចំពេលដែលជម្លោះសមុទ្រចិនខាងត្បូង នៅតែតានតឹងដោយសារការទាមទារដែនអធិបតេយ្យលើសមុទ្រនេះរវាងចិន និងសមាជិកអាស៊ានបួនទៀត ដែលរួមទាំងវៀតណាមផងដែរ។ អាស្រ័យនេះ ក្រុងហាណួយ ក៏ព្យាយាមសម្រួលទំនាក់ទំនងជាមួយមហាអំណាចផ្សេងៗដូចជា អាមេរិក បារាំង ឥណ្ឌា ដើម្បីទប់ទល់ឥទ្ធិពលដ៏ខ្លាំងនៃមហាអំណាចចិន។
អ្វីជាការកត់សម្គាល់នោះ មូលដ្ឋានទ័ព Cam Ranh ត្រូវចាត់ទុកជា «ពេជ្រ» របស់កងទ័ពវៀតណាម ដ្បិតវាមានទាំងកំពង់ផែទឹកជ្រៅ និងមូលដ្ឋានអាកាស។ មូលដ្ឋានទ័ពអាកាសនៅទីនោះ ត្រូវបានប្រើដោយកងទ័ពអាកាសអាមេរិកម្ដង ហើយបន្ទាប់មក ក៏ត្រូវបានប្រើដោយកងទ័ពអាកាសអតីតសហភាពសូវៀតជាញឹកញយដែរ។ ចំណែកកំពង់ផែ Cam Ranh វិញ ជាមូលដ្ឋានរបស់នាវាមុជទឹករបស់វៀតណាម ដែលផលិតដោយរុស្សី។
តាមពិតទៅ មូលដ្ឋានកងទ័ព Cam Ranh នេះត្រូវបានកសាងឡើងដោយកងទ័ពអាមេរិក កាលពីសម័យសង្គ្រាមវៀតណាម ប៉ុន្តែត្រូវបានប្រើប្រាស់ដោយកងទ័ពរុស្សីទៅវិញ។ នាពេលកន្លងមក ក្រៅពីនាវាមកពីជប៉ុន និងបារាំង កំពង់ផែនេះ មិនសូវមាននាវាបរទេសចូលចតឡើយ ហើយត្រូវរក្សាសម្រាប់ការងារជួសជុលនាវាប៉ុណ្ណោះ៕
Tag:
ចិន
វៀតណាម
កំពង់ផែយុទ្ធសាស្ត្រ
© រក្សាសិទ្ធិដោយ thmeythmey.com
