អន្តរជាតិ
នយោបាយអន្តរជាតិ
សមាជិកសភាហ្វីលីពីន លោកស្រី Geraldine Roman (រូបភាពពី ABS-CBN)
×![]()
ដោយ: តន ចាន់រិទ្ធារ៉ា
លោកស្រី Geraldine Roman សមាជិកមួយរូបនៃរដ្ឋសភាហ្វីលីពីន ដែលគាំទ្រសិទ្ធិនៃអ្នកកែភេទនោះ បានជំរុញឲ្យសភាអនុម័តច្បាប់ដែលអនុញ្ញាតឲ្យមនុស្សភេទដូចគ្នាមានសិទ្ធិរៀបការបាន។ ការជំរុញនេះ ធ្វើឡើងខណៈប្រទេសហ្វីលីពីនដែលគ្របដណ្ដប់ដោយអ្នកកាន់សាសនាគ្រិស្តភាគច្រើននោះ ចាត់ទុកការរៀបការរវាងអ្នកមានភេទដូចគ្នា ជារឿងខុសច្បាប់។
សមាជិកសភាហ្វីលីពីន លោកស្រី Geraldine Roman ដែលជាមនុស្សកែភេទនោះ បានបង្ហាញជំហរគាំទ្រសេចក្ដីស្នើច្បាប់ថ្មីមួយស្ដីពីការរៀបការភេទដូចគ្នា ដែលអនុញ្ញាតឲ្យការរៀបការរបស់អ្នកមានភេទដូចគ្នា ជារឿងស្របច្បាប់។ ប៉ុន្តែសមាជិកសភាខ្លះ ហាក់មានជំហរប្រឆាំងនឹងរឿងនេះ ដោយពួកគេចង់ឲ្យសភាអនុម័តច្បាប់អាទិភាពផ្សេងៗ ជាពិសេសគឺអនុម័តគោលនយោបាយរបស់ប្រធានាធិបតី Rodrigo Duterte ជាមុនសិន។
ថ្លែងក្នុងសន្និសីទកាសែតនៅថ្ងៃទី៤ ខែតុលា សមាជិកាសភារូបនេះនិយាយថា ជំហរផ្ទាល់ខ្លួនរបស់លោកស្រី គឺលោកស្រីគាំទ្រសេចក្ដីព្រាងច្បាប់ថ្មីនេះ ហើយលោកស្រី ក៏មិនអាចលាក់បាំងបានដែរ។ លោកស្រី Roman ដែលជាអ្នកផ្ដូចផ្ដើមសេចក្ដីព្រាងច្បាប់ថ្មីនេះបន្តថា លោកស្រីមិនអាចទទួលស្គាល់ថា ប្រជាជនទាំងអស់ស្មើភាពគ្នាឡើយ ខណៈដែលអ្នកដែលស្រឡាញ់គ្នា មិនអាចរស់នៅជាមួយគ្នា ដោយសារតែបញ្ហាភេទនោះ។
«មេឃមិនរលំទេ ប្រសិនបើច្បាប់ដែលអនុញ្ញាតឲ្យភេទដូចគ្នា ត្រូវបានអនុម័តនោះ។ ប្រសិនបើជាការពិត អាមេរិកប្រហែលជាគ្មានមេឃឡើយ ហើយសេដ្ឋកិច្ចហ្វីលីពីនក៏មិនដួលដែរ ប្រសិនបើសិទ្ធិរៀបការនៃអ្នកមានភេទដូចគ្នា ត្រូវបានទទួលស្គាល់នោះ»។ នេះជាការលើកឡើងរបស់លោកស្រី Roman បន្ទាប់ពីជំនួបជាមួយប្រធានសភាហ្វីលីពីន លោក Pantaleon Alvarez ដែលបង្ហាញជំហរដូចគ្នានឹងលោកស្រីដែរនោះ។
យោងតាមសារព័ត៌មាន Rappler នាជំនួបនោះ ប្រធានសភាហ្វីលីពីនប្រាប់លោកស្រី Roman ថា លោកនឹងចាត់វិធានការដើម្បីព្យួរការហាមប្រាមការរៀបការភេទដូចគ្នា ដែលបានចែងក្នុងច្បាប់ស្ដីពីគ្រួសារ អស់ពេលបីទសវត្សរ៍មកហើយនោះ។ ជាមួយគ្នានោះ ក្រុមការងារផ្នែកច្បាប់របស់លោក Alvarez ក៏កំពុងពិនិត្យមើលលើបញ្ញត្តិណាមួយនៅក្នុងសេចក្ដីស្នើច្បាប់ខាង ដើម្បីបញ្ចូលការទទួលស្គាល់ និងការការពារសិទ្ធិនៃអ្នកមានប្រភពមកពីក្រុម LGBT ដែរ។
តាមពិតទៅ ការរៀបការបស់ក្រុមមនុស្សភេទដូចគ្នានៅហ្វីលីពីន មិនត្រូវបានស្វាគមន៍ទូលំទូលាយឡើយ ហើយត្រូវចាត់ទុកជារឿងខុសច្បាប់ទៀត បើទោះជាប្រទេសជាច្រើនលើពិភពលោក រួមទាំងអាមេរិកផងនោះ ផ្ដល់សិទ្ធិសេរីភាពពេញលេញដល់អ្នកស្រលាញ់ភេទដូចគ្នា។ នេះក៏ដោយសារតែ សាសនាគ្រិស្តកាតូលិកដែលត្រូវបានគោរពដោយប្រជាជនហ្វីលីពីនលើសលប់ មាននិន្នាការប្រឆាំងនឹងការរៀបការបែបនេះ៕
សមាជិកសភាហ្វីលីពីន លោកស្រី Geraldine Roman ដែលជាមនុស្សកែភេទនោះ បានបង្ហាញជំហរគាំទ្រសេចក្ដីស្នើច្បាប់ថ្មីមួយស្ដីពីការរៀបការភេទដូចគ្នា ដែលអនុញ្ញាតឲ្យការរៀបការរបស់អ្នកមានភេទដូចគ្នា ជារឿងស្របច្បាប់។ ប៉ុន្តែសមាជិកសភាខ្លះ ហាក់មានជំហរប្រឆាំងនឹងរឿងនេះ ដោយពួកគេចង់ឲ្យសភាអនុម័តច្បាប់អាទិភាពផ្សេងៗ ជាពិសេសគឺអនុម័តគោលនយោបាយរបស់ប្រធានាធិបតី Rodrigo Duterte ជាមុនសិន។
ថ្លែងក្នុងសន្និសីទកាសែតនៅថ្ងៃទី៤ ខែតុលា សមាជិកាសភារូបនេះនិយាយថា ជំហរផ្ទាល់ខ្លួនរបស់លោកស្រី គឺលោកស្រីគាំទ្រសេចក្ដីព្រាងច្បាប់ថ្មីនេះ ហើយលោកស្រី ក៏មិនអាចលាក់បាំងបានដែរ។ លោកស្រី Roman ដែលជាអ្នកផ្ដូចផ្ដើមសេចក្ដីព្រាងច្បាប់ថ្មីនេះបន្តថា លោកស្រីមិនអាចទទួលស្គាល់ថា ប្រជាជនទាំងអស់ស្មើភាពគ្នាឡើយ ខណៈដែលអ្នកដែលស្រឡាញ់គ្នា មិនអាចរស់នៅជាមួយគ្នា ដោយសារតែបញ្ហាភេទនោះ។
«មេឃមិនរលំទេ ប្រសិនបើច្បាប់ដែលអនុញ្ញាតឲ្យភេទដូចគ្នា ត្រូវបានអនុម័តនោះ។ ប្រសិនបើជាការពិត អាមេរិកប្រហែលជាគ្មានមេឃឡើយ ហើយសេដ្ឋកិច្ចហ្វីលីពីនក៏មិនដួលដែរ ប្រសិនបើសិទ្ធិរៀបការនៃអ្នកមានភេទដូចគ្នា ត្រូវបានទទួលស្គាល់នោះ»។ នេះជាការលើកឡើងរបស់លោកស្រី Roman បន្ទាប់ពីជំនួបជាមួយប្រធានសភាហ្វីលីពីន លោក Pantaleon Alvarez ដែលបង្ហាញជំហរដូចគ្នានឹងលោកស្រីដែរនោះ។
យោងតាមសារព័ត៌មាន Rappler នាជំនួបនោះ ប្រធានសភាហ្វីលីពីនប្រាប់លោកស្រី Roman ថា លោកនឹងចាត់វិធានការដើម្បីព្យួរការហាមប្រាមការរៀបការភេទដូចគ្នា ដែលបានចែងក្នុងច្បាប់ស្ដីពីគ្រួសារ អស់ពេលបីទសវត្សរ៍មកហើយនោះ។ ជាមួយគ្នានោះ ក្រុមការងារផ្នែកច្បាប់របស់លោក Alvarez ក៏កំពុងពិនិត្យមើលលើបញ្ញត្តិណាមួយនៅក្នុងសេចក្ដីស្នើច្បាប់ខាង ដើម្បីបញ្ចូលការទទួលស្គាល់ និងការការពារសិទ្ធិនៃអ្នកមានប្រភពមកពីក្រុម LGBT ដែរ។
តាមពិតទៅ ការរៀបការបស់ក្រុមមនុស្សភេទដូចគ្នានៅហ្វីលីពីន មិនត្រូវបានស្វាគមន៍ទូលំទូលាយឡើយ ហើយត្រូវចាត់ទុកជារឿងខុសច្បាប់ទៀត បើទោះជាប្រទេសជាច្រើនលើពិភពលោក រួមទាំងអាមេរិកផងនោះ ផ្ដល់សិទ្ធិសេរីភាពពេញលេញដល់អ្នកស្រលាញ់ភេទដូចគ្នា។ នេះក៏ដោយសារតែ សាសនាគ្រិស្តកាតូលិកដែលត្រូវបានគោរពដោយប្រជាជនហ្វីលីពីនលើសលប់ មាននិន្នាការប្រឆាំងនឹងការរៀបការបែបនេះ៕
Tag:
ហ្វីលីពីន
Geraldine Roman
© រក្សាសិទ្ធិដោយ thmeythmey.com
